MATIUS 22:44 - ALLAH NIHYET MEM TUNGWATU NYA

⁴⁴ ‘Tuhan pai bak ditde Tuhan, ma agwam kui dinda com bibou doom Ade siceu nya ei amig him ug e.’

MATIUS 22:44 ပူးပေါင်းရင်းမြစ်များ

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

MAZMUR 110:1

Doia Daud. tuhan pai bak nibou ndig di ninyeng tak kep da “Ma agwam kui dinda com bibou doom ade siceu nya binok bilen mem amig ug e.”

MAZMUR 21:9

tuhan mibindei sima Nide siceu nya yahagom lene mikat yo di yahagom di ingon sibui sut Noni cem.

MATIUS 22:45

Gino Daud jem Nibou Ndig di teu tungwatu nya biyai niyaijo nijep biyok ninyeng ‘Tuhan’ lene notou Nibou Ndig di teu tungwatu nya biyai niyaijo nijep biyok dima ntun Daud him i?”

MATIUS 26:64

Yesus buhup “Bit leu nok apaisi dima. Noro ma jiyok ngon kep bipia hon kep ammani kui mporo jingat Munggwom Tungwatu Nipmot di gwam kui Allah Di Sindem Bibor ninda com lene mijingat Gi kwei hanyen ei bumbuhuiti leu mpia-bbed him kwei ri!”

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

LUKAS 19:27

Nogindini ma jikat ditde siceu nya di ikou sut gima dinyeng tak kep yok kwei leu api jikimukep yahagom bou diyai him hak ug!’ ”

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

KORINTUS GI NIGOM 1:2

Nipigo Allah de mbusyamei ei minu ndig Korintus. Allah hig jeni bijinok Nide limwa di ingon kwes-kwau nya tug hon jide ninok gom kin Kristus Yesusti. Ba, gima noyam kin yo di mbusyamei nya di ikuk yok bak Yesus Kristus bidem minu. Noni ne Tuhan mem yoni kin nyeni cem ri.

KORINTUS GI NIGOM 15:25

Suar Kristus De Ninyeng Tak Kepti mbut kikau bibou Allah bindei cut Kristus de siceu nya boom yahagom ei Kristus nimig him ug e.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

IBRANI 1:13

Allah pai bak Nide malaikati hi “Akwei gwam kui dinda com bibou doom ade siceu nya ba, inok bilen mem amig ug e” bi sren.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 12:2

Ma, itou kep Yesus nggilun. Noni ta niba ningon comti habiei ei ingonti binyohou nye kikau ug bipek nohonti. Ningon cut leu Nide midyai drek dip biei salib bimmai sut nimai ei biei salibti bi. Lewo Noni yok ningon mem gima yai ningon llei biborti ei nidipti bu. Nogindini Noni gwam kui Allah ninda com binok nibou ndig bit Noni.

NINGAT-HI-NGAT NYA 19:19

Leu api dingat lo, mindhe di niten-pos kin nibou ndig dihyeisi dini nya bitut ide tentara nya cem induk yam kwei mem ikon pran bit No di bri bigwam kuda nitiei dip kin Nide tentara nya.