MATIUS 22:16 - ALLAH NIHYET MEM TUNGWATU NYA

¹⁶ Gima rino icuk ibou poi di igya kui yok kin ibou poi di itti kin nimpung Herodes biyuug ngat Yesus. Yo dini ipai bak Yesus “Guru e, nikan tut bipia angon sren. Ba, nikan tut bipia apai mingat tut Allah ningon kanti mem tungwatu nya lene amig mbus yok bi.

MATIUS 22:16 ပူးပေါင်းရင်းမြစ်များ

NIBOU NDIG NYA GI NIGOM 22:14

Noro Mikha buhup “Diba neheng tug hon Allah di niyaijo ninyeng bipai bipia miditri tut Allah nipingok dati he!”

MAZMUR 12:2

tuhan e, ampu nyeni o! Lewo tungwa hi bu di kei bi. Yo di ingon gom tut Nani isar bingwig tu.

MAZMUR 5:9

tuhan e, ditde siceu di iba nitok bida imang bibor ngat! Akrau dinda ba, acen da leu binhyepo diyai igbit angon kanti mem da. Ma abindo Ade puig dima dimbut kak cem bida.

MAZMUR 55:21

Disut timiei pima kiju kep nisut bat nya bihwen yok. Nonti bikep ser nipreu eisi nya tu.

NIPINGOK NINGONTI 29:5

No di ba nihyet mmau biris nisut bat nya noyam kin no di ndin bon mem nonti bisrei ei niti.

MALEAKHI 2:6

Mpe dima lene yoni ingginau mun di igbit bak tungwatu nya lene imbres yo leu mun di igbit bi. Ingon kwes kin Da lene iba ingon di kwes kei bibit leu dingon kanti nya. Impu yo di hiter cem leu binhyepo yo dima igyai munti nya kinei bibor bu bi.

MALEAKHI 2:9

Gima rino midibirop bije. Midibindei ba, mben Israel ingwes pri gau je lewo tirigi jingginau Ditde limwa nya ne jiyai igbit dingon kanti bi. Tirigi jingginau Ditde limwa nya ne jimbus nggok yok.”

MATIUS 22:24

Lene ipai singgre “Guru e, Musa pai bipia gino tungwagom di pijet mai leu nitnem lene suar nikinjoi wak nisen di pijet dima bu leu binhyepo yai nimunggwom bat nya bigya luei nijjep ndig hanyen.

MATIUS 22:26

Noro noni cem mai hanyen nipilei yo. Lene nikinjoi hi kin bu wak nisen kibom hanyen lene nok gima kikau ba, ibou muhwindacan dima yahagom imai hanyen ipilei leu.

MATIUS 26:18

Noni buhup “Jug ba, jicoi ug ei minu ndig dima leu api mijuum tungwagom bijipai binoni ‘Nyende guru pai Nide jam dideu su. Noni kin yo di igya kui Noni ibon pesta kep Njap Ndig Paskah ei ade ig.’ ”

MATIUS 26:49

Yudas kwei krau mpia ttou nsi dima lene bisau ndam Yesus bipigo “Guru e, acem!” Lene noni mei Yesus ningyoia.

MARKUS 10:17

Tirigi Yesus sindi kiju bimbut nut lene tungwagom dor kwei bikuk no ei nimig him bihig ser Noni “Guru di kei e, dibon mun di notou leu binhyepo ditug ndei niyaijo nijep di jo kikau i?”

MARKUS 12:13

Nibou nya icuk Farisi nya kin yo di inggre kin nimpung Herodes ibou pwoi biyuug ngat Yesus leu binhyepo iba nihyet bisrou Nonti.

MARKUS 12:14

Ikwei pai biNoni “Guru e, nikan tut bipia angon sren ba, amig mbus tungwatu nya bi. Gima cem nikan tut bipia apai mingat tut Allah ningon kanti mem tungwatu nya lene adigit tut ibuhupti bi. Gima rino ma apai sut angon kanti binye tut belasten di igo gau nyenti bak nibou Kaisar Roma ug e. Igyaisi dima tunggwei sut Puig Yahudi nidimig sutti e? Ma igo belasten bak e, he igo bi e?”

MARKUS 3:6

Gima rino Farisi nya imbut leu ig mbusyamei dima ba, yuug ngat yo di inggre kin nimpung Herodes ba, yuhum yam nsi mem gima ikos Yesus.

MARKUS 8:15

Yesus pai biyok “Ma jingon sok kep jenti tut roti ninjep di Farisi nya kin Herodes ide.”

LUKAS 20:21

Gima rino yo di nibou nya iba mitiei bingot kep yok pima ikwei pai bak Yesus bipai “Guru e, nikan tut bipia ahyet di atri tut kin ade ningginau tungwatu nyati hagom ne nijit-jau ri. Apai mingat tut Allah ningon kanti mem tungwatu nya cem ba, amig mbus bi.

LUKAS 7:40

Lene Yesus pai bak “Simon e, dipai dingon kanti gom bina.” Lene Simon buhup “Guru e, apai hak ug.”

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 18:37

Gima rino Pilatus hig ser Noni “Gi nok lene Nani ne Nibou Ndig hi rin e?” Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”

YOHANES 7:18

No di ngginau tungwatu nya bit leu nonti ningon kanti bisau sut ninyeng di jei. Noro no di bisau sut gima kon no di cuk noni kwei ninyeng jeisi ningon sren ba, niris mun jo ei noniti bi.

KORINTUS GI NICAN 2:17

Nyeni ninoyam kin yo di hiter di iba Allah nihyet bikek noyam kin ndigban di nitri-binibipek ndiyok bi. Niba ningon srenti kin ningon gomti biyai kep Allah de midyai nya bou Noni niyai him lewo Noni cuk nye. Noni ngat bipia ninok awak di tri tut nihyet.

KORINTUS GI NICAN 4:2

Niba nisinati di ntun nidinditi him di bindei biniba nimmai sut nyenti biyai kep midyai dini bi. Ningon mang ba, nikiek-kiek nyen Allah nihyet bi. Niba ningon di gom biyai kep Allah de midyai nya bit leu ningon kanti mem nye. Gima rino niba ningon com bipia tungwatu yahagom ibibon nye nok gi kei ei ingon mienti.

KORINTUS GI NICAN 5:16

Gima rino niyok niyai kep tungwatu nya bit leu tungwatu dihyeisi dini igyai kepti nya bi. Mbro nok gino niyok niyai kep Kristus bit leu tungwatu dihyeisi igyai kepti nya nipou su lo, niyai nok gima bu bi.

GALATIA 1:10

Apo diyok dingon mem gima tungwatu nya ingon kwes kin da tug hon mun di dipas dini e? E bi! Diyok dingon mem dingon kwes kin Allah. Dipwoi tungwatu nya ingon leu binhyepo ijoi sut da e? Gino dibon kikep nok gima ne dinok Kristus de awak bi.

GALATIA 2:6

Mbro nok gima lo, nibou di ibou cut biyok dima iwit huk da nhyema dikiek-kiek nyen Nihyet Di Kei di ditri tut bi. Nibou dima yok igyai inyeng e, he bi e, gima bon ninyeng mem da bi. Lewo Allah bibon tungwatu nya bit leu nok itta di hiter ingat bou igyai him bi.

NINDAT KEP TUHAN NICUKTI NYA 33:9

Yoni ingon gom tut Nani nindig bibor leu gima ingon gom tut icig bat-ipmem bat nya kin ikindig bat-ikinjoi bat nya kin imunggwom bat nya yahagom. Yoni ibit acuk yokti nya ba, ingon gom tut mun po apreu ei mem yok pima.

TESALONIKA GI NIGOM 2:4

Noro nitri tut Nihyet Di Kei bikwop njap-njap bit leu Allah ningon kanti mem nye. Lewo Noni ba ningon com nye tut midyai dima bisok Nihyet Di Kei ei nyeni dip mem gima nibibrim tungwatu nya ingonti leu binhyepo inggei sut nye bi noro leu binhyepo Allah joi sut nye lewo Noni binai ningon kanti hagom.

YAKOBUS 3:17

Noro ningon kiti di srek kwei leu gwamti bindei ba, ingon kwes-kwau bibie leu api ingon jo nyahan cem ingon nggriu cem ingon ngakei tungwatu nya cem ba, ningat di kei ntun nyeni him lene nok kikau. Nimig mbus tungwatu nyati kin ningon canti ntun him bi.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.