MATIUS 22:13 - ALLAH NIHYET MEM TUNGWATU NYA

¹³ Lene nibou ndig pai bak nide awak nya ‘Jingot nimig ninda bingkiem leu lene jinjei noni ug ei nidinditi di jo nisai ma kwei. Noni mipim ba, mitug ndei ninghuisi wei ei mpia dima.’ ”

MATIUS 22:13 ပူးပေါင်းရင်းမြစ်များ

MAZMUR 112:10

Yo di isibut nya ingat gima yok lene ingon sibui sut. Yaham yuhui mem drek dip ba, ingon kinei sut noni. Noro yoni misar ba, iba ingon comti cem sar bihigom.

MAZMUR 37:12

No di sibut tin ei ningon kanti di kinei mem no di ningon sren. Ningwak mbriu sut ba, ningon mpo tut noni cem.

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

DANIEL 3:20

Lene noni dimig ibou poi di isindem bibor dor njiriek yo di igya ser nindigsi nya leu api yo dima ingot yok binjei yok ug ei tong nsi di hum cig-cai eisi.

MATIUS 12:29

Bit bon tungwagom nggek no di sindem nide ig bipos ndigban kan bi bibou ba kuk biteu no di sindem bingkiem nipou ug e leu api pos nide ndigban nya hagom bingwig ug.

MATIUS 13:30

Nnaba hacem hei srig yamti ug e. Tirigi nijam dem mem inju njita ug ei igudanti lene midicuk yo di igyai midyai dima bipia yohom gandum sisron keyam bibie ba, ike kin yam leu api indig kep huma. Leu api ikos gandum nitu ba, inju hagom ei igudanti.’ ”

MATIUS 13:42

Leu api Noni micom yahagom ug ei hum njengti di cig-cai. Ei mpia dima ne yoni ipim ba, itug ndei ninghuisi wei.

MATIUS 13:50

Leu api icom yahagom ug ei hum njengti di cig-cai. Ei mpia dima ne yoni ipim ba, itug ndei ninghuisi wei.”

MATIUS 24:51

Leu api niceu mikos noni kukiau leu api micom noni ug ei mpia di yo di ingon can ingat rin eisi. Apino noni mipim bitug ndei ninghuisi wei ei mpia dima.”

MATIUS 25:30

Ma jinjei awak di sibut dini kikau ug ei nidinditi di jo nisai ma kwei. Noni mipim ba, mitug ndei ninghuisi wei ei mpia dima.’ ”

MATIUS 8:12

Noro Allah micuk Nide malaikati nya ba, yuug com yo po Allah mbus yok habiei ei nimbie him mem icoi ei Allah De Dihyei Di Nijep pima kikau ug ei nidinditi di jo nisai. Apino yo dima ipim nggruet ba, yaham yuhui drek dip cem ei mpia dima.”

LUKAS 13:28

Tirigi jingat Abraham kin Ishak kin Yakub kin nabi nitimiei nya yahagom di ingon llei bibor ei Allah De Dihyei Di Nijepti lene jipim bijiyai jinghuisi di wei cem drek dip Allah nijji je ug ei nisaisi!

YOHANES 21:18

Dipai nijit bina bipia tirigi apilei yo ne akri bang kep antig bou ba, ambut ug ei mpia tto nsi hi bit leu ajoi sutti. Noro ei nidipti bu tirigi anghim koi su ne mporo asu anda hacem leu api hiter mingot anda bittei na ug ei mpia ttou nsi di ajoi sut bi.”

KISAH 21:11

No dini kwei cem kep nye leu api ba Paulus de bang bingot nonti nimig-ninda leu api pai “Allah Ninnei tri tut bipia mben Yahudi ei minu ndig Yerusalem miba nisinati dini bingot bang dini niceu leu api mikes noni ei ngkiai nya indati.”

KISAH 7:54

Tirigi Nikei Puig Yahudi Nya imiap mun di tibim ei Stefanus nuhui him lene ingon sibui sut bigga noni nindig bibor.

TESALONIKA GI NICAN 1:9

Yo dima mitug ndei hukum nibindei sar yok di bit bon ug hon nohonti kan bi bisrawir ei minu ting leu Tuhan Noho bei kin Nide nikei-kau-keisi cem.

PETRUS GI NICAN 2:17

Guru nitrowai nya dima inok minyei bousi di pingge leu su kin bumbuhui di hou sigau di nimig ten bibor ttem-ttem nyen. Allah tin ei mpia ttou nsi gom di dindi-kai ei mem yok tu.

PETRUS GI NICAN 2:4

Allah sindui sut malaikati di ibon sisar nya bingwes ngun leu hukum bi. Noro com yok kikau ug ei hum njengti lene ba lante biteu yok ei mpia ttou nsi di dindi-kai bibet yok ei bibou Njap di Noni mikes hukum ei yok dip midem ug e.

YUDAS 1:13

Yo dini inok muk di tti nindig bibor. Ingut kanti di kinei di srou yok noyam kin muk nirai di roi-roi nyen. Inok ham di tte leu nipuig ei mpia-bbed him. Allah tin ei mpia ttou nsi di dindi-kai gom di jo ninno bijo kikau mem yok tu.

YUDAS 1:6

Ma jiyok ngon kep malaikati nya di ibimangkrei ide nisindemti bipigau hanjop ne ikes itimieisi bihigom ei. Allah ba lante di bit bon hi kwek kan bi biteu yok ei mpia ttou nsi gom di dindi-kai ei dihyei jou kikau bibou itug ndei hukum mem Njap ningwig honti ug e.

NINGAT-HI-NGAT NYA 21:27

Noro mun di map kuisi kin yo di irom ndok nya kin yo di ibicum nya icoi ug ei minu ndig dima bi sren. Yo di inyeng jo ei Domba Pmot De Srat Yo Di Igyaijo Nyati he rimicoi a.