MATIUS 22:11 - ALLAH NIHYET MEM TUNGWATU NYA

¹¹ Leu api nibou ndig cem coi ug ei ninsi dima bimian ser yo di induk yam kwei bingat lo, tungwagom juk sinsun di igbit mem biyem njita di ingei kep pesta niwak yamti bi.

MATIUS 22:11 ပူးပေါင်းရင်းမြစ်များ

NIBOU NDIG NYA GI NICAN 10:22

Yehu cuk yo di inyeng tak kep sinsun di limwa nya ijuk mem ibikuk yok bak Baal tirigi icoi ug ei ig Baal nibousi dima leu binhyepo igyai sinsun dima bak yo di ikwei mem gima ikuk yok bak Baal bijuk noyam. Tirigi igyai igbit nicuk yokti dima leu su,

YESAYA 52:1

Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.

YESAYA 64:6

Nahagom nirom ndok ba, nyende niyai munti di kei nya noyam kin minyahas di map kui ba, mpiei bibor. Nyende sisar mibindei ba, nisar biningwig noyam kin mahai-meng di mui bibit hou.

NIBWOS-BWOS NYENTI 5:22

He, ma acom nye bihigom tu e? Ade nigga nyeti bon nohonti bi sren e?

ZEFANYA 1:12

Mpe dima lene miditin mini ba, dibiput ser minu ndig Yerusalem. Midikes hukum ei limwa di ingon hou ser yam kin yo di ijoi sut yonti njem kin yo di ikan bipia Da di tuhan dibindei mun di mpu yok kin mun di cut igkep yok bi nya yahagom dip.

MATIUS 13:30

Nnaba hacem hei srig yamti ug e. Tirigi nijam dem mem inju njita ug ei igudanti lene midicuk yo di igyai midyai dima bipia yohom gandum sisron keyam bibie ba, ike kin yam leu api indig kep huma. Leu api ikos gandum nitu ba, inju hagom ei igudanti.’ ”

MATIUS 22:10

Gima rino nide awak nya yuug nggok ser tungwatu nya ei simpakti bitut yo di ingon sren nya kin yo di isibut nya binduk yahagom kwei. Apino nghim nsi di igyem njita di ingei kep pesta niwak yamti mpung kei tut yok.

MATIUS 3:12

Nide hot nggram jo ei nindati. Noni mibicig gandum nisina billet leu ningat leu api mbus ningat hagom keyam ei Nide igudanti leu api ndig nisina bai kep hum di bit bon hi mu kan bi.”

ROMA 13:14

Noro ma ikrau kep Tuhan Yesus Kristus de minggwen nya lene ma jikes hon ba, jiba joho rok jingut kanti nya di ntun sisar him ba, jisindui sut jingut kanti nya bindei cut je bu au.

ROMA 3:22

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

KORINTUS GI NIGOM 4:5

Gima rino ma jikos tut tungwatu nya ide niyai mun tunggwei si haninyai au. Lewo tto bou dem bigyo. Ma jibet jingon ei mem Tuhan nikwei hanyenti. Noni mimbot kep tut mimun di jo ei nidinditi bipiga digai ingon kanti di jo nding ei ingon bei hagom yo. Mpe dima lene Allah mikos tut mun di kei bak bikwop tungwagom-gom di dem mem gima.

KORINTUS GI NICAN 5:3

Ig dima ne ingut di nijep bu ri.

GALATIA 3:27

Ba, jahagom jiyai dimigyam tug hon Kristus ninyeng leu api jiba jekep Yesus ningon mien paisi ei jingonti.

EFESUS 4:24

Ma jiba jide niyaijo nijepti di Allah pai tes di dat Noniti nimbai dima bijuk je nok sinsun. Leu api jingon gom tut Allah kin jide ningon sren kin jingon kwes kin Allah hagom mintun jingon mien paisi him.

NINGAT-HI-NGAT NYA 16:15

“Jimiap e! Midihwou timon je dem kep ninggimang kep mun cig. Bikwop no di niyai ngkiem binyohou nide sinsun ne no dima ningon nggei-hi-nggei lewo ba ningat ngu bimbut bi. Leu gi bi ne mimmai sut nonti ei tungwatu nya igyai him.”

NINGAT-HI-NGAT NYA 19:8

Noni juk sinsun linen di jimjit.” (Sinsun dima ne Allah de limwa nya igyai munti di kei bibor nya ri.)

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

NINGAT-HI-NGAT NYA 3:18

Gima rino dipingok jingonti leu binhyema jipek mas di pimbai kei di bindei bijinyeng leu Da. Ma jipek sinsun di tiei kei mem jijuk ser jingat nguti di bindei mmai je. Ma jipek obat mem jibidip jiyai njep leu binhyepo piga hanyen bu.