MATIUS 21:5 - ALLAH NIHYET MEM TUNGWATU NYA

⁵ “Ma jipai bak timiei minu ndig Sion bipia Jingat i! Jide nibou ndig hwou ndam je ba, ba nibou coi mem tungwatu nya. Noni bri bigwam keledai ningut gom dip ba, bri bigwam keledai nipmot nehen pap dip.”

MATIUS 21:5 ပူးပေါင်းရင်းမြစ်များ

YESAYA 62:11

tuhan sok nihyet dini bak tungwatu bidem dihyei nisurti-nipekti bipai “Ma jipai bak timiei Sion nya ‘Jingat i! tuhan Niteu Ningwes Ngun Cig tau su! Yo di Noni kwek yok tu nya injei bit Noni.’ ”

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

HOSEA 1:7

Noro dingondut mben Yehuda kikau. Da di tuhan dinok ide Allah. Tirigi ikon pran bit ide siceu nya lene miditeu yok bingwes ngun leu yok lo, tug hon simeda kin tibor kin kuda pran kin tentara di ibri kuda nya bi.”

YESAYA 40:9

Ma akui ug ei nungug di jei bibor leu api atri tut nihyet di kei bak minu ndig Yerusalem! Aba ahyet nindig bitri tut nihyet di kei bak Sion! Ahap aji lene ma angwes mien tut au. Ma atri tut bidem minu ndig nya hagom ei minu Yehuda bipia ide Allah dideu su!

YEHEZKIEL 37:24

Nibou ndig di noyam kin Ditde awak di Daud ninyeng mitak kep yok. Yahagom mibicom yam nok gom leu api nibou ndig dima ninyeng mitak kep yok. Ingon gom tut diggai serti bibit hagom nok gi kei cem.

YEHEZKIEL 34:24

Da di tuhan midinok ide Allah lene nibou ndig gom di noyam kin Ditde awak di Daud ninyeng mitak kep yok. Da di tuhan disimbot dat tu.

MATIUS 11:29

Ma jibit dicuk jeti nya bijingig jitingou mem dingginausi lewo dingon jo nyahan ba, dingon nggriu cem apino jingon minggan hanyen.

MATIUS 2:6

‘He minu mien Betlehem ei hanjop Yudea e, anyeng mitibim nok minu mien he ei minu Yehuda bu bi. Lewo nibou di ninyeng jei mijem nitimieisi leu ade minu mien leu api Noni mibie tut Ditde mben Israel.’ ”

MATIUS 2:2

Ba, ikwei hig-hig nyen ser bipai “Mben Yahudi ide nibou ndig di nipmem srek tut bong tirigitou i? Ningat Nide ham di pri ei bei mpia nipriti. Gima rino nikwei mem nikuk nye bak.”

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

KORINTUS GI NICAN 10:1

Nogindini da di Paulus dipai dingon kanti gom bije. Hi pai dinghapti bipia tirigi dingat rin kin je lene diba dibou coi mem tungwatu nya lo, tirigi dingat rin ei minu ting lene dibrim dingkek kep je. Noro diba ningon nggriu sutti kin nisingat tutti di ntun Kristus him,

MAZMUR 9:14

tuhan e, angat i! Ditde siceu nya ihwen bit da! Angondut da ba, ateu da bidingwes ngun leu nimai,

NIBOU NDIG NYA GI NIGOM 10:26

Noni bindei ba, nide tentara ibri kroba pran ningat sribu gom sratus bitai kin kuda nya ningut sribu simnaibrimigcan. Noni kwas nide tentara ba, bihi ibong ser minu ndig Yerusalem lene nindigsi nya intek ug ei minu di gahai dima kou.

NIBOU NDIG NYA GI NIGOM 1:33

noni pai biyok “Ma juug sin nibou di igya kui da nyati lene ma jikes dipmot Salomo ba, bri bigwam ditde bagal dip leu api jibuwak noni ug ei minyei bousi Gihon.

SAMUEL GI NICAN 16:2

Lene Nibou Ndig Daud hig ser noni “Apwoi mun dima yok hagom kwei mem mindei i?” Leu api Ziba buhup “Andigpoi e, dijem keledai nya kwei mem ade ig bei nsi nya bibri bigwam dip kin roti kin biei ngat nya mem yo di igya kui nani bigyem kep inggum kin ba anggur ningei mem jahagom jidut kep jinggobiausi tirigi jimbut-mbut nyen ei iggum ndigsi.”

NIJAM NIKEI NYA 12:14

Noni yai nipmot bat nya ibou ningot bitai kin nignyon bat nipinai nya cem ibou ningot ningai. Yo dini inyeng tut ide keledai di ibri kep bigwam dip gom-gom bidem yok. Abdon bie tut mben Israel mem nijam ari bingwam muhwindaningai.

NIJAM NIKEI NYA 5:10

Je di jibri keledai di nitiei kin je di jigwam kep mun di ingig ei kuda ninghim dip kin je di jimbut jimig ei dihyeiti jahagom e, ma jitri tut notou ide siceu nya icut bak nyeni tu.

NINDAT KEP TUHAN NICUKTI NYA 17:16

Lene ma nibou ndig dima ma kuda ningot ndig mem nide tentara nya ibri bigwam dip au. Lene ma noni cuk nide limwa nya ug ei minu Mesir mem gima pek kuda ei sirima au. Lewo tuhan pai sut Nide limwa nya bipia ma ingkwei hanyen ug ei minu dima au.

MBEN ISRAEL IMBUT-MBUT NYEN 24:19

No di sindem bibor mintun Yakub him leu api Noni mihwen Nide siceu nya bingwig hak ug.”

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

MATIUS 21:6

Lene yo cin di igya kui Yesus imbut ba, igyai hagom bit leu nok Yesus nicuk yokti ba,

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.