MATIUS 21:41 - ALLAH NIHYET MEM TUNGWATU NYA

⁴¹ Yoni ibuhup “Noni miyai nimai bak yo di isibut dima yahagom leu api ndo ba anggur nghousi dima bak yo di hiter di inyohou ba anggur nghousi. Ba, yoni ijoi sut gima igyai ningat hanyen binoni igbit tto bou.”

MATIUS 21:41 ပူးပေါင်းရင်းမြစ်များ

MAZMUR 2:9

Mporo aba tom ngkimom nitu bibui yok bidahat leu api acom yok dem kep nok acom dibijig di ki kukiau ninnirwapti.

YESAYA 65:15

Yo di didimig yok ei su nya miba dinyeng bisigion je bipai “Nna ba tuhan Di Ninyeng Jei Bibor yai nimai bije noyam kin yo dima!” Noro midiyai ninyeng nijep bak yo di ibit Dihyet.

DANIEL 9:26

Tirigi nijam dima ug hon nohonti ne no di Allah ta mem gima bie tut yok bon mun tunggwei hi bi lo, noni tug ndei nimai. Nibou ndig di sindem bibor gom de tentara ikon pran bit mben Yerusalem bibindei timek yok bitut itimiesi kin tuhan De Ig hagom bitimek bingwig. Nijam dima nohonti cut igkep yok dem kep nok minyei di su di biam tut pran kin mun di binggek yok bingwig di Allah tin ei mem yok.

ZAKHARIA 12:12

Bikwop nimpung ig bei nsi di ibong ei minu dima ipim nggruet biyongkom. Nimpung ig bei nsi di intun Daud him ipim biyonti ba, nimpung ig bei nsi di intun Natan him ipim biyonti. Nimpung ig bei nsi di intun Lewi him ipim biyonti ba, nimpung ig bei nsi di intun Simei him ipim biyonti lene nimpung ig bei nsi nindigsi di igwam yo cem ipim biyonti. Lo, nimpung ig bei nsi hagom itnem bat nya ipim biyonti.”

ZAKHARIA 13:8

timiei di ibong bidem minu dini nittou nsi can leu nitou nsi ningai migyai nimai bidem minu hagom.

MATIUS 21:34

Tirigi nijam nipuk ba anggur ningatti dem lene noni cuk nide awak nya ibou poi bingkwei hanyen ba, igyai ningat leu yo di inyohou ba anggur nghousi bitug ndei imuhup.

MATIUS 21:40

Yesus hig ser yok “Gi nok lene tirigi ba anggur niceu ngkwei hanyen bingat yo dima lene noni minggon ndei yo dima i?”

MATIUS 21:43

“Gima rino ma jiyok ngon kep bipia Allah mitug Nide Ninyeng Tak Kepti leu je leu api mikes bak yo di ningat di kei ntun yok him. [

MATIUS 3:12

Nide hot nggram jo ei nindati. Noni mibicig gandum nisina billet leu ningat leu api mbus ningat hagom keyam ei Nide igudanti leu api ndig nisina bai kep hum di bit bon hi mu kan bi.”

LUKAS 20:16

Ningat ne noni mikwei kimukep yo dima yahagom leu api ndo midyai ba anggur nghousi dima bak yo di hiter bu.” Yo di imiap mun di Yesus pai dima ibuhup “Suar noni yai nok gima bi sren!”

KISAH 15:7

Iba ighyet bidahat yam ninno tu lene Petrus kiju biya lene pai biyok “Disut bat jen, jikan tut bipia Allah dimig da leu jikieti nipou su leu binhyepo ditri tut Nihyet Di Kei bak ngkiai nya apino yoni cem imiap nihyet ba, ingon jo kep Yesus.

KISAH 18:6

Noro isrep tut bipai noni kinei. Gima rino noni kit nide sinsun tut dihyei ndung di dimbos leu nok mun di bindo di bipingok yok tut igyai munti di kinei dima leu lene pai biyok “Gino jenti jibindei jenti bijisar ne gima tug hon jenti lene tug hon dani bi. Hon kep ammani kui ne midipwoi Nihyet Di Kei biduug sut ndam ngkiai nya.”

KISAH 28:28

Leu api Paulus pai nihyet gi ningwigsi bitak kep biyok “Ma jiyok ngon kep bipia nogindini nihyet tut Allah di teu tungwatu nya leu sisar dima tibim ug ei ngkiai nya itingou nsi tu. Yoni mibit nihyet dima!” [

KISAH 28:8

Mpe dima lene Publius nicig ningkek dut ba, oi sut ninggrom cem. Gima rino Paulus ug ngat noni bingat nadi kep. Paulus kes ninda ei noni dip apino noni kei hanyen.

TESALONIKA GI NIGOM 2:16

Gima he bi noro itte tut gi nitri tut nihyet di biyai niyaijo nijepti bak ngkiai nya. Tug hon nisinati dima lene igyai kep igyai kepti ba, ibikum ei ide sisarti apino ingon mpung-piet tut sisar. Ningwigsi rino Allah de nigga biborti hatap yok tu!

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.