MATIUS 21:37 - ALLAH NIHYET MEM TUNGWATU NYA

³⁷ Jei bi ne noni cuk nipmot buug yok niyai kep yok lewo kan ‘Yo dima mikuk yok bak sipmot ri.’

MATIUS 21:37 ပူးပေါင်းရင်းမြစ်များ

ZEFANYA 3:7

Dikan ‘Nogindini Side limwa nya ibou cut biSa leu api iba ibou coi mem sipingok yokti bibit leu api igyok ngon kep mun nyeng hagom di sibingginau yok nya.’ Lo, ningat ne ibrim ingkek tut ide nibon mun di kinei biborti bidor tunggwei igyai munti di nipou nya bu.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

YOHANES 1:34

Yohanes pai biyok “Dingat mun dima yok hagom bou diyai him tu. Gima rino dipai bije bipia Noni ne Allah Nipmot ri.”

LUKAS 20:13

Gima yok bindei ba, anggur niceu kan ‘Sibon ndei notou bu i? Sicuk sipmot di singon ngakei buug leu api jo nibreisi bipia yo dima mikuk yok binoni.’

MARKUS 12:6

Ba anggur niceu mipinak tou kwei i? Jo tungwagom ngat he ba, tungwa gom ngat dima ne ba anggur niceu nipmot di ningon ngakei nindig bibor ri. Gima rino noni cuk nipmot ei niabiati buug ngat yok lewo kan bipia yo dima mikuk yok binoni.

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

YESAYA 5:4

Notou dinyohou miai ba anggur dima bu i? Lewo dimpig bou kep bidicom dahanggwap tut wer ninno tu. Nggon rino anggur dima ngat ningat di hyenha lene ngat ningat di nyop kei hi biDa bi i?

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YEREMIA 36:3

Mpaba timiei Yehuda nya imiap tut mun di buhun bibor di dikos dat bidikes ei yok dip lene ikiek yok leu igyai munti di kinei bibor nya. Gi nok lene dikos ser ide sisar kin igyai munti di kinei bibor nya.”

MATIUS 21:36

Jei bi lene miai ceu dima cuk nide awak nya ba, imang bibor njiriek yo di nipou po cuk yok pima bu noro yo di inyohou ba anggur nghousi nya igyai bram igyaisi pima tut yok hanyen bu.

MATIUS 21:38

Noro tirigi yo dima ingat igbit nipmot di kwei dima rino yuhum yam nsi bipai ‘No dima ne nipmot ri. Noni miba nokep mun di jo bak nicig hagom. Jikwei ba, ihwen noni leu binhyepo iba nyekep ba anggur nghousi dini.’