MATIUS 21:34 - ALLAH NIHYET MEM TUNGWATU NYA

³⁴ Tirigi nijam nipuk ba anggur ningatti dem lene noni cuk nide awak nya ibou poi bingkwei hanyen ba, igyai ningat leu yo di inyohou ba anggur nghousi bitug ndei imuhup.

MATIUS 21:34 ပူးပေါင်းရင်းမြစ်များ

YESAYA 5:4

Notou dinyohou miai ba anggur dima bu i? Lewo dimpig bou kep bidicom dahanggwap tut wer ninno tu. Nggon rino anggur dima ngat ningat di hyenha lene ngat ningat di nyop kei hi biDa bi i?

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

MATIUS 21:35

Noro yo dima ikat awak dima yok bibui bihi ba, ihwen bihi lene iba tig hwen bihi.

MATIUS 21:38

Noro tirigi yo dima ingat igbit nipmot di kwei dima rino yuhum yam nsi bipai ‘No dima ne nipmot ri. Noni miba nokep mun di jo bak nicig hagom. Jikwei ba, ihwen noni leu binhyepo iba nyekep ba anggur nghousi dini.’

MATIUS 21:40

Yesus hig ser yok “Gi nok lene tirigi ba anggur niceu ngkwei hanyen bingat yo dima lene noni minggon ndei yo dima i?”

MATIUS 21:41

Yoni ibuhup “Noni miyai nimai bak yo di isibut dima yahagom leu api ndo ba anggur nghousi dima bak yo di hiter di inyohou ba anggur nghousi. Ba, yoni ijoi sut gima igyai ningat hanyen binoni igbit tto bou.”

MATIUS 22:3

Noni sok nihyet ei nide awak nya dip bak nisut bat di sok nihyet mem yok nipou su nya noro yahagom ikou bikwei bi.

MARKUS 12:1

Leu api Yesus ba nihyet nibiti nindati bingginau yok bipai “Mpe di gom ne miai ceu gom ug yai midyai ei ba anggur kioisi leu api bon ngug ser ba, heu huk nindig bibor mem gima ipot ba anggur ningei eisi. Lene hok ig jibei cem ser. Leu api noni ndo midyai dima bak yo di inyohou ba anggur nghousi kan ba, ibitug ndei imuhup leu api noni mbut ug ei minu ting leu.

MARKUS 12:7

Noro awak dima yok yuhum yam nsi bipai ‘No dima miba nokep mun nyeng hagom di jo bak nicig. Jikwei ba, ihwen noni leu binhyepo iba nyekep ba anggur nghousi dini.’

MARKUS 12:9

Lene Yesus hig ser yok ba anggur niceu minggon ndei yo dima i? Noni mikwei hwen yahagom leu api ndo ba anggur nghousi dima bak yo di hiter bu.

LUKAS 20:9

Yesus ba nihyet nibiti nindati bingginau tungwatu nya bipai “Mpe di gom ne miai ceu gom ug yai midyai ei nide ba anggur kioisi. Noni ndo midyai dima bak yo di inyohou ba anggur kan nya leu api mbut ug ei minu ting leu lene gwam ninno ei sirima.