MATIUS 21:31 - ALLAH NIHYET MEM TUNGWATU NYA

³¹ Gima rino jindo igbit gi tou riyai igbit nicig nicuk noti i?” Lene imam ndig nya kin nibou mben Yahudi nya ibuhup “Nipmot mighumbou a.” Gima rino Yesus sok kep yok “Ma jiyok ngon kep bipia yo di igya tindei belasten bigyem jimuhup kin sop sundal nya micoi bit Allah Ninyeng Tak Kepti njiriek je.

MATIUS 21:31 ပူးပေါင်းရင်းမြစ်များ

AYUB 15:6

Suar dipai kep na bidinjei kep na tut atunggwei sutti bi lewo nanti ambrapti bindo brei bipia angon mui su.

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

MATIUS 12:50

Lewo no di yai igbit Dicig ei gwamti ningon kanti ne dikinjoi kin dikwohop kin dipmem ri.”

MATIUS 18:3

Leu api pai biyok “Ma jiyok ngon kep bipia gino jiluei jingon kanti dem kep munggwom mien dini ningon kanti bi ne mijicoi bit Allah Ninyeng Tak Kepti bi sren.

MATIUS 20:16

Lene Yesus binut bu “Nok gima cem tut yo di yoom yonti bigya nohon keti mikwei ya bibie lene yo di igya bibie miyoom yo leu bingkwei hanyen ug ei nohon keti bu.”

MATIUS 21:30

Lene andigpoi dima ug pai bak nipmot nipumiap nok gi pima bu leu api noni ce ‘Arig e, duug yai midyai dima ug ri.’ Noro ug yai igbit nipaisi dima bi.

MATIUS 5:18

Ma jiyok ngon kep bipia ei nijam di mpia-bbed him kin dihyeisi dini pror bigyo ne bit bon hurup mien kin titik di jo ei niggai serti nya dima pror kan bi bibou hagom dem igbit ug e.

MATIUS 5:46

Leu gino jingon ngakei yo di ingon ngakei je he lene mijitug ndei nibiropti di notou leu Allah i? Lewo yo di igya tindei belasten bigyem jimuhup cem igyai nok gima.

MATIUS 6:5

“Tirigi jingat nadi lene ma jiyai bram yo di ingon can nya igyai kepti nya au. Lewo yo dima igya ter ei mben Yahudi ide ig mbusyamei kin simpak nahau yamti cem bingat nadi brei bou tungwatu nya igyai him. Ma jiyok ngon kep bipia yo dima imuhup tau biyok tu.

MATIUS 7:21

“Tungwatu nya imang bibor mindat kep dinyeng bipai ‘Tuhan! Tuhan!’ Noro yo dima yahagom micoi bit Allah Ninyeng Tak Kepti bi. Noro bikwop yo di igyai igbit Dicig ei gwamti ningon kanti he micoi bit.

MATIUS 9:9

Lene Yesus jo leu mpia dima bimbut-mbut nyen. Noni tau kep Matius tirigi noni gwam ei nide kintrorti ba, ya tindei belasten biyem tungwatu nya imuhub. Yesus hig noni “Akwei bit Da.” Lene Matius kiju bibit Noni bihigom.

LUKAS 15:10

Nok gima cem Allah de malaikati nya ei gwamti illei ngwig sut tungwagom ngat di bon sisar bittin ser nide sisar bikiek ndam Allah. Ma jiyok ngon kep dihyet!”

LUKAS 19:22

Niceu pai binoni ‘Nani ne awak di sibut bibor ri! Midikes hukum ei na dip drek dip ahyet di tibim ei ahui him. Akan tut bipia disibut bibor drek dip gi dipos mun di dinyeng tut bi bidiket gandum di dahap bi cem e?

LUKAS 7:29

Tungwatu yahagom bitut yo di igya tindei belasten di igyem tungwatu nya imuhup cem imiap Yesus nihyet dima. Yo dini ibit Allah nicuk yokti bigyai nitur yok ei minyeiti leu Yohanes tu.

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

YOHANES 3:5

Yesus buhup “Dipai nijit bina bipia gino tungwagom srek tug hon minyei kin Ninnei Gi Kwes bi ne bit bon noni coi bit Allah Ninyeng Tak Kepti kan bi.

KISAH 17:30

Allah ba niyai ngat nijam ndi po tungwatu nya ingon mbum pima. Noro tini bu ne Noni cuk tungwatu nya ‘Ma yahagom ittin ser ide sisar bikiek ndam Allah hak.’

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

PETRUS GI NICAN 3:9

Mbro nok gino tungwatu nya ikan bipia Tuhan binyen tut mun di Noni preu ei mem nye biyai binye bi lo, Noni om ningon tut je lewo joi sut tungwatu nya isar bi. Noni joi sut yahagom ittin ser ide sisar bikiek ndam Allah.