“Jahara hak ug leu api mijiyai mun di jahara tut. Jinggok ser hak ug leu api mijingat mun di jinggok tut. Jipuk dimbou hak ug leu api dimbou mikau leu je.
Gima rino ma jiyok ngon kep bipia tirigi jahara Allah tut mun nyeng hi tug hon nadi ma jinyohou niba ningon comti ei jingonti apino mijiyai mun di jahara tut dima.
Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.
Leu nimbie him kikau kwei bipek ammani kep jahara Da tut mun nyeng hi tug hon dinyeng bigyo. Ma jahara Da leu api jiyai mun dima leu binhyepo jiyai nillei titut yam ei jingonti.”