MATIUS 21:13 - ALLAH NIHYET MEM TUNGWATU NYA

¹³ Noni pai biyok “Allah Nihyet pai bipia tungwatu nya itri tut bipia Ditde Ig rinok mpia di mem tungwatu nya ingat nadi eisi. Noro jibon ig dini nok hak mihyeti mem ninggimang kep mun cig nya iku yok eisi.”

MATIUS 21:13 ပူးပေါင်းရင်းမြစ်များ

MAZMUR 93:5

tuhan e, akos tutti nya jo ninghig-niker. Ade Ig kwes-kwau cem bijo ninno bijo kikau.

YESAYA 56:7

“Midibuwak je ug ei Sion di nok Ditde nungug di kwes-kwau bidiyai ningon di nggei-hi-nggei bije ei Ditde Ig di ibon midut nya eisi. Midijoi sut jide midut nindig mindhe-ndhe ei Ditde nimbar hum dokti cem leu api tungwatu nya itri tut bipia tuhan De Ig rinok gumihyep mem mben yahagom ingat nadi eisi.”

YEREMIA 7:11

Jikan bipia Ditde Ig dini noyam kin hak mihyeti mem ninggimang kep mun cig nya iku yok nyahan eisi e? Dingat jiyai munti nya hagom bou diyai him tu.

MATIUS 2:5

Lene ice bipai “I, nipmem misrek tut Noni ei minu mien Betlehem ei hanjop Yudea bit leu nok nabi gom nipas kepti nok gini,

MARKUS 11:17

Leu api Noni ngginau yo di ingat rin ei sirima bipai “Allah nihyet pai bipia Allah pai ‘Tungwatu nya mipai sut Ditde Ig bipia ig dini ne gumihyep mem mben nya yahagom ingat nadi eisi. Noro jibon ig dini nok hak mihyeti mem ninggimang kep mun cig iku yok eisi.’ ”

LUKAS 19:45

Yesus coi ug ei Tuhan De Ig leu api jji nitri-nipek mun cig nya yahagom leu mpia dima,

LUKAS 19:46

bipai biyok “Allah nihyet pai bipia ‘Ditde ig dini ne mpia di mem mben nya hagom ingat nadi eisi.’ Noro jibibon ig dini nok hak mihyeti mem ninggimang kep mun cig nya biku yok eisi!”

YOHANES 15:25

Ide ningon mpo tut Dati cut igkep Da bit leu nok ide Puig Yahudi nicukti nibokti di pai ‘Yoni ingon mpo tut Da mikui-kausi.’