MATIUS 20:8 - ALLAH NIHYET MEM TUNGWATU NYA

⁸ Mpia jinjui su lene miai ceu dima cuk nide mindor bipai ‘Ahig yo di igyai midyai yahagom kwei lene ma ayai imuhup biyok. Ba, ayai bak yo di ikinyon eisi mem mmunti bibie sindam ug bipek yo di ikinyon eisi mem njap bigyoti ei ningwigsi.’

MATIUS 20:8 ပူးပေါင်းရင်းမြစ်များ

NITRITI 15:2

Lene Abram buhup “tuhan Di Ninyeng Jei Bibor e, midinggon ndei gi kei nindig bibor di ayai bida dima i? Lewo diyai dimunggwom hi bi ba, ditde awak di Eliezer leu Damsyik mporo miba nokep ditde ndigban hagom.

NITRITI 43:19

Gima rino ibrim ingkek kep noni ei dimbou hui bipai bak,

IMAM NYA IDE MIDYAI 19:13

Ma jiba ningon di kwes bibon nindigsi nya lene ma jipos ndiyok leu yok au. Nok gima cem ma jingon tak kep no di yai midyai mem je nimuhup mem mmun-njap gom cem au.

MATIUS 20:7

Ibuhup ‘Lewo hi ndo midyai di niyai binye bi.’ Miai ceu dima cuk yok ‘Jeni cem ma juug yai midyai ei ditde ba anggur nghousi.’

MATIUS 20:9

Lene yo di ikinyon ei midyaiti mem mmunti itug ndei imuhup mitiei nitig di buhun gom bibikwop yahagom.

MATIUS 25:19

Mimbrek-mimbrek bu lene iceu kwei ttau hanyen kep yok leu api hig bram yok tut nide mitiei ngwam di jo biyok.

MATIUS 25:31

“Tirigi Munggwom Tungwatu Nipmot mikwei hanyen nok Nibou Ndig bitut malaikat nya yahagom cem lene Noni migwam ei Nide banggo mbrei di kei-kau-keiti.

LUKAS 10:7

Ma jibong ei ig gom ngat lene ma jiba jingon di kwes kin yok biyem njita bidut ndia ngei di ingei mem je. Lewo no di yai midyai dima dem tut gima tug ndei nimuhup. Ma jibong bidem ig au.

LUKAS 12:42

Yesus buhup “Tou rinok awak di ningon gom ba, ningon ki cem di niceu ndo noni nok nibou mem awak nindigsi nya leu binhyepo kwas njita tut yok igbit nok jam di noni preu ei su i?

LUKAS 8:3

kin Yohana di Khuza di ya kui Herodes nitnem kin Susana kin sop nindigsi imang bibor cem. Sop dini yok iba mitiei di inyeng tut nya binyohou Yesus kin yo di igya kui Noni.

KORINTUS GI NICAN 5:10

Lewo ikan tut bipia yahagom mikuk nye ei Kristus Noho bei lewo Noni ne Nikei ri. Noni mimbus tungwagom-gom ningonti leu api buhup biyok bit leu nok igyai munti di kei nya kin gi kinei nya di igyai kikep tirigi ingat rin ei dihyeisi dini.

NINDAT KEP TUHAN NICUKTI NYA 24:15

Ma jiyai nimuhup binoni nipou tirigi mpia kimbas bigyo bikwop njap ngwa hagom. Lewo noni suar nimuhup dima biningon ya mem. Gino jiyai nimuhup binoni bi lene noni mahara tuhan tindei je apino sisar dima mibindei ba, jingon mui.

TITUS 1:7

Suar nibou mbusyamei ningon gom lewo ninyeng tak kep Allah de midyai nya. Ma ningon jei cem gga-gga wai cem dut mun di pu noni cem bui tungwatu nya cem ningon pri kep mitiei nindig bibor cem au.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

PETRUS GI NIGOM 4:10

Ma bikwop tungwagom-gom nyohou nisindemti di ter leu yam di Allah kwas tut je leu binhyepo jiba nisindemti dima yok bahati tut yam.

SRAT RUT 2:6

Lene mindor buhup “Noni ne sop ngkiai di bit Naomi kwei leu minu Moab pima ri.