MATIUS 20:21 - ALLAH NIHYET MEM TUNGWATU NYA

²¹ Yesus hig ser noni “Ahara Da tut mindei i?” Noni buhup “Apreu ei bida bipia dipmot bat cin dini hi migwam kui anda com lene hi migwam kui anda prak ei mpe dino anok Nibou Ndig.”

MATIUS 20:21 ပူးပေါင်းရင်းမြစ်များ

NIBOU NDIG NYA GI NIGOM 2:19

Lene Batsyeba ug sut Adonia ningon kanti dima buug ngat nibou ndig biya hacan mem Adonia. Nibou Ndig kiju biya um nipmem lene bikuk no bak leu api gwam jug ei nide banggo mbrei dip hanyen. Lene cuk nide awak hi bikon bilen mbrei hi mem nipmem bigwam dip bei ninda com.

NIBOU NDIG NYA GI NIGOM 3:5

Lene tuhan tau kep noni mem mmun tug hon mun di mumpriem lene hig ser noni “Salomo e, disindui sut ba, ahara Da tut mun nyeng gom leu api midiyai gima bina ug ri!”

ESTER 5:3

Leu api nibou ndig hig ser “Sop Nibou Ndig na e, akwei sut mindei i? Ahara da tut mindei i? Mbro nok gino ahara da tut gima anyeng tak kep dinyeng tak kepti dini nite hi rin lo, apai hak bida ug leu api midikes bina.”

MAZMUR 110:1

Doia Daud. tuhan pai bak nibou ndig di ninyeng tak kep da “Ma agwam kui dinda com bibou doom ade siceu nya binok bilen mem amig ug e.”

MAZMUR 45:9

Ade sinsun wer ui-gwang kei nok mur kin gaharu kin cendana di nyop kei cem. Yo di ikek musik ei ig nibou ndig di iba gaja nikwai di jei bibor bimau ibindei ba, angon nggei-hi-nggei.

YEREMIA 45:5

Nggon rima ajoi sut gi dibibon na ter leu gi dibibon nindigsi nya i? Barukh e, ma ajoi sut nok gima au! Midiba mun di buhun bihwen tungwatu dihyeisi dini hagom. Noro tut nani ne mporo angwes ngun ri. Mbro nok gino ambut ug ei hantou-hantou lo, ayai mijo yo. Da di tuhan disimbot dat tu.”

MATIUS 18:1

Mpe dima lene yo di igya kui Yesus ikwei hig ser Noni “Tou rino ninyeng jei dor njiriek nindigsi nya ei Allah Ninyeng Tak Kepti i?”

MATIUS 19:28

Yesus pai biyok “Ma jiyok ngon kep bipia tirigi Munggwom Tungwatu Nipmot gwam ei Nide banggo mbrei di kei-kau-keiti ei Dihyei Di Nijepti bu lene je di jiya kui Da jibou simnaibrimigcan cem mijigwam ei jide banggo mbrei dip leu api mijinyeng tak kep mben Israel ide keret simnaibrimigcan.

MATIUS 20:22

Yesus buhup “Jikan bidem tut mun di jahara Da tut bi. Bon jidut ei mok ninghuisi wei di didut eisi kan e?” Lene ice.

MATIUS 20:32

Lene Yesus ya niyati bihig ser yok “Jijoi sut dinggon ndei je i?”

MARKUS 10:51

Yesus hig ser noni “Ajoi sut dinggon ndei na i?” No di niyai tu buhup “Andigpoi e, akinding diyai ba, da hanyen!”

MARKUS 16:19

Niabiati Tuhan Yesus mbrap bit yo di igya kui Noni leu lene Noni ngkwei hanyen ug ei gwamti bigwam kui Allah ninda com.

MARKUS 6:22

Mpe dima lene Herodias nipmisop coi kwei bibien-bien nyen bingon mingon apino niyaisi dima brim Herodes kin nisut bat nya yahagom ingon bibor ba, ijoi sut noni. Gima rino Herodes pai bak misop dima “Mun nyeng dino ahara da tut lene midiyai bina bit leu angon kanti.”

LUKAS 18:41

“Ajoi sut dinggon ndei na i?” Noni buhup “Andigpoi e, akinding diyai ba, da hanyen bu ug!”

LUKAS 19:11

Tirigi tungwatu nya intu kep Yesus nihyet lene Noni binut nihyet nibiti nindati gom. Noni kwei dideu Yerusalem ba, tungwatu nya ikan bipia jei bi ne Allah ninyeng tak kepti mittau kwei ei dihyeisi dini.

LUKAS 22:24

Lene yo di igya kui Yesus iba ighyet bidahat yam tut gi hi di ninyeng jei dor njiriek nindigsi nya.

YOHANES 15:7

Gino jinok gom kin Da ba, dihyet jo ei jeniti lene ma jahara Da tut mun nyeng hagom bit leu jingon kanti leu api dibirop hanyen bije.

KISAH 1:6

Tirigi yo di igya kui Yesus induk yam ei bit Noni lene ihig ser Noni, “Tuhan e, jei bi ne ma ata mben Israel Inyeng Tak Kepti hanyen rin e?”

ROMA 12:10

Ma jiba jingon di gom bingon ngakei yam bit leu nok yo di ikinjoi bat yam ei Kristusti. Ma jiba jibou coi mem yam bijinggei sut yam cem.

ROMA 8:34

Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

KOLOSE 3:1

Allah win je ba, jiyai niyaijo hanyen noyam kin Kristus tu. Gima rino ma jikan-kan nyenti bisau sut mun di jo ei gwamti. Kristus gwam kui Allah ninda com ei mpia dima.