MATIUS 20:19 - ALLAH NIHYET MEM TUNGWATU NYA

¹⁹ Leu api yoni mitri Noni hanyen bak ngkiai nya. Yo dima miba ighyet bicig Noni ba, imbas Noni leu api mipek Noni ei biei salibti cem. Noro ei njap gi niningai lene Noni mikiju hanyen leu nimai eisi.”

MATIUS 20:19 ပူးပေါင်းရင်းမြစ်များ

AYUB 30:8

Yo dima ibon inyeng ba, inyeng jei bi cem. Timiei nya ijji yok leu minu dima tu.

MAZMUR 35:16

Iba ingon di sibui bitou kep da noyam kin gino iba no di nimig lit bikek.

YESAYA 26:19

Ade limwa di imai su nya migyai niyaijo hanyen ba, ingut di mai su nya mikiju hanyen. Yo di nitig yok tu nya mikiju hanyen bimbos-hi-mbos. Awin Ade limwa di imai mimbrek ngan tu nya ba, ayai niyaijo hanyen biyok noyam kin nggou di kwek dihyei ninghuisi.

YESAYA 53:3

Nyeni ighyet kinei sut noni biyoom nye leu noni. Noni yai niwei kin nidut biborti. Tungwatu nya iba ingha bak noni ba, nyeni cem ingon llei sut noni bi.

HOSEA 6:2

Noni miwin nyeni hanyen mem njap can ningai bu e, leu api igwam coi Noni hanyen bu.

MATIUS 12:40

Yunus bong ei wau ndig ninghopti mem mmun-njap ningai. Nok gima cem tut Munggwom Tungwatu Nipmot. Noni mibong ei dihyei jou mem mmun-njap ningai.

MATIUS 16:21

Leu mpe dima bikui ne Yesus kindi pai brei bak yo di igya kui Noni “Suar Da duug ei Yerusalem leu api nibou mben Yahudi nya kin imam nindig nya kin guru Puig Yahudi nicukti nya migyai ninghuisi wei biDa leu api mijem nimai gau Da noro njap ningai bu lene midikiju hanyen leu dimai eisi.”

MATIUS 17:23

Yoni mikos Noni noro njap ningai bu lene Noni mikiju hanyen leu nimai eisi.” Gima rino yo di igya kui Noni ingon ngguk tut nindig bibor.

MATIUS 27:26

Gima rino Pilatus kes Barabas leu ig bui nsi bit leu yo dima ingon kanti lene kes Yesus ei nide tentara nya indati leu binhyepo imbas Noni nipou leu api ipek ei biei salibti.

MATIUS 27:63

bipai binoni “Andigpoi e, nikan kep bipia tirigi niris mun cig pima niyaisi jo yo ne pai bak tungwatu nya ‘Njap ningai bu ne mporo dikiju hanyen leu dimai eisi.’

MARKUS 14:65

Lene ibihi itrai ndei Noni leu api iba sinsun ninghas binggai kep niyai lene ibui Noni. Leu api icuk “Ando igbit no di bui Na i.” Ba, yo di igya ser Tuhan De Ig ittem nijap bu.

MARKUS 15:1

Njap bigyoti lene imam nindig nya kin nibou mben Yahudi nya kin guru Puig Yahudi nicukti nya ibisau ba, induk yam bit Nikei Puig Yahudi nindigsi nya leu binhyepo isimbot kep Yesus ninghapti biyam. Iba lante biteu Yesus leu api ibuwak bikes ei Pilatus nindati.

MARKUS 15:15

Pilatus joi sut gima tungwatu nya ingon kwes kin noni. Gima rino noni kes Barabas leu ig bui nsi bit leu yo dima ingon kanti. Leu api kes Yesus biyok leu binhyepo imbas Noni nipou leu api ipek ei biei salibti.

LUKAS 18:32

Tungwatu nya mikes Noni ei ngkiai nya indati leu binhyepo iba ighyet bicig Noni lene ibimangkrei Noni lene itrai ndei Noni,

LUKAS 23:11

Herodes kin nide tentara nya iba Yesus bikek ba, iba ighyet bicig Noni cem. Ijuk sinsun ndok di jei di nibok kak ei Noniti leu api Herodes pinak Noni bingkwei hanyen ug ei Pilatus noho bei.

LUKAS 24:46

Lene Noni pai biyok “Suar Nibou Ndig di teu tungwatu nya biyai niyaijo nijep biyok yai ninghuisi wei leu api kiju hanyen leu nimai eisi ei njap gi niningai.

KISAH 2:23

Allah kos tut ningon kanti mem Yesus nipou su bipia mikes Noni ei jindati. Tirigi Allah kes Yesus ei jindati rino jihwen Noni tug hon yo di imbuk nya di ipek Noni kin biei salib.

KISAH 21:11

No dini kwei cem kep nye leu api ba Paulus de bang bingot nonti nimig-ninda leu api pai “Allah Ninnei tri tut bipia mben Yahudi ei minu ndig Yerusalem miba nisinati dini bingot bang dini niceu leu api mikes noni ei ngkiai nya indati.”

KISAH 4:27

Ba, gima igbit lewo Herodes kin Pontius Pilatus induk yo di ninghim Tuhan kin mben Israel ei gom ei minu ndig dini leu binhyepo itte tut Yesus di Ade Awak di kwes-kwau di Nani adimig ei nok Nibou Ndig di teu tungwatu biyai niyaijo nijep biyok.