MATIUS 20:14 - ALLAH NIHYET MEM TUNGWATU NYA

¹⁴ Yo, atug ndei amuhup tu ba, ambut tut hak ug. Lewo dikos tut bipia yo di ikinyon ei midyaiti ei niabiati igyai imuhup noyam kin amuhup di diyai bina.

MATIUS 20:14 ပူးပေါင်းရင်းမြစ်များ

NIBOU NDIG NYA GI NICAN 10:16

Lene Yehu pai bak “Akwei ba, ayok ayai kep gi dibrim dingkek mem tuhan bou ayai him.” Leu api yahacem iba kroba pran dima bimbut ug ei Samaria.

MATIUS 20:13

Miai ceu buhup ‘He disut na e, diyai mun tunggwei sut na bi. Tirigi akinyon ei midyaiti ne ace tut mitiei nitig di buhun gom ngat nok amuhup bi e?

MATIUS 20:15

Diba mitiei di dinyeng tut bitri je bit leu dijoi sutti bi e? He ma jibou dut drek dip gi dingondut tungwatuti e?’

MATIUS 6:16

“Tirigi jiyem njita bi mem nituti poi lene ma jibon jiimaisi hai dem kep yo di ingon can nya au. Lewo yo dima ibon nok bisinggre leu binhyepo tungwatu nya ingat ide niyem njita bisi. Ma jiyok ngon kep bipia imuhup tau biyok tu.

MATIUS 6:2

Gima rino tirigi jingondut yo di yuhui mbum lene ma jiyai gima brei bou tungwatu nya igyai him au. Lewo yo di ingon can nya igyai kep igyaisi dima ei mben Yahudi ide ig mbusyamei kin simpak ba, igyok ingon mem gima tungwatu nya inggei sut yok. Ma jiyok ngon kep bipia yo dima imuhup tau biyok tu.

MATIUS 6:6

Noro tirigi je jingat nadi lene ma jicoi ug ei jide nghim nsi ba, jinggam mbou ser je leu api jingat nadi bak Jicig di tungwatu nya ingat bou igyai him bi. Apino Jicig di ngat mun di jo nding hagom bou niyai him mibindei ba, jimuhup tau bije.

LUKAS 15:31

Lene nicig buhup ‘Dipmot na e, abong bit da kikau su ba, mun di dinyeng tut nya hagom rinok ade cem.

LUKAS 16:25

Noro Abraham buhup ‘Dipmot na e, ma ayok ngon kep bipia tirigi ayaisi jo yo ne ade mun di amati nya hagom kei bibor kei noro Lazarus ma mun nyeng di kinei nya he. Nogindini noni ningon kei bibor kei ei mpia dini noro atug ndei anghuisi wei nindig bibor.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

ROMA 3:4

E bi! Mbro nok gino tungwatu yahagom ibicum kikep lo, ma jiyok ngon kep bipia Allah Nihyet tibim tut mun di nijit-jau hak. Lewo Allah Nihyet pai, “Ahyet ndo bindo brei bak tungwatu yahagom bipia angon sren-srau yo. Gino aya ei nikei noho bei ne abindei cut yo di ipai kep Nani yo.”