MATIUS 2:18 - ALLAH NIHYET MEM TUNGWATU NYA

¹⁸ “Ighyet tibim kwei leu minu ndig Rama. Ipim bibwos bipim nggruet cem lewo Rahel ningon ngguk tut nimunggwom bat nya nindig bibor ba, kou sut gima tungwa hi gwam ser ningon a. Lewo nimunggwom bat nya yahagom imai leu su.”

MATIUS 2:18 ပူးပေါင်းရင်းမြစ်များ

NITRITI 37:30

Gima rino noni ngkwei hanyen ndam nikinjoi bat nya lene ba nicot pai “Yusuf ningat rin ei jui nsi bi! Dibon ndei da notou i?”

NITRITI 42:36

Lene Yakub pai biyok “Mbigom mijibindei ba, dimunggwom bat nya yahagom ipror leu da. Yusuf pror tu ba, Simeon cem pror tu lene nogindini mijiyai Benyamin cem hak leu da. Dangkom dibiang nibuhunti tut hagom!”

AYUB 14:10

Noro gino tungwatu mai su lene mai bihigom. Noni kes dihyeisi dini ei lene ug ei siritou bu i?

YEREMIA 31:15

tuhan pai “Nibimbiti tibim kwei leu minu mien Rama. Timiei nya ipim bibwos ba, ipim nggruet cem drek dip Rahel di ningon ngguk tut nimunggwom bat nya ba, kou sut gima hi gwam ser ningona lewo nimunggwom bat nya yahagom imai su.

YEREMIA 4:31

Dimiap nahara ninghuisi wei di noyam kin sop di ninghim dut tut munggwom. Minu ndig Yerusalem pim bininnei cun tut noyam kin sop gwam nitta pilei di sindi srek tut nimunggwom gi nimbie him. Noni su ninda nyen-nyen bahara “Buhun bibor mem da o! Siceu mikwei yai nimai bida ug rin o!”

YEHEZKIEL 2:10

Ninda dima kwek srat kijum dima bidingat lo, srat bokti jo bei ninghim noho. Nipas kepti dima tut ningon di ngguk biborti kin ninso-nso nyenti kin niweisi.

MATIUS 2:17

Tug hon nisinati di nok gima lene mun di nabi Yeremia pas kep tut cut igkep yok. Nipas kepti dima pai,

LUKAS 8:52

Tungwatu nya di idem yam tu yahagom ipim kep nimai ba, ighyet ter kep. Noro Yesus pai ser yok “Ma jipim kep nimai au lewo misop dini mai jit bi noro bong mai he yo!”

NINGAT-HI-NGAT NYA 8:13

Leu api dingat lo, hacam krubri hi ko-ko nyen anai bibor ei mpia-bbed him bidimiap noni ba nihyet nindig bibor bahara “Ayo! Ayo! Notou mem tungwatu dihyeisi dini tirigi ariman malaikati ibou ningai bu imiep ide pun mbrei nya i?”