MATIUS 2:13 - ALLAH NIHYET MEM TUNGWATU NYA

¹³ Tirigi yo di ingon ki nya imbut leu lene Allah de malaikati tau kep Yusuf tirigi bong bimumpriem bisok kep noni “Akiju ba, anang tut munggwom dima pip nipmem ug ei minu Mesir leu lene jibong kikau ei minu dima bibou dihig je hanyen kwei ug e. Lewo Herodes nggok ser munggwom dima mem gima kos Noni.”

MATIUS 2:13 ပူးပေါင်းရင်းမြစ်များ

NIBOU NDIG NYA GI NIGOM 11:17

Noro Hadad nang ug ei minu Mesir bit awak mben Edom ibou poi di igya kui nicig leu su. Mpe di inang pima lene Hadad nok munggwom pilei he yo.

NIBOU NDIG NYA GI NIGOM 3:5

Lene tuhan tau kep noni mem mmun tug hon mun di mumpriem lene hig ser noni “Salomo e, disindui sut ba, ahara Da tut mun nyeng gom leu api midiyai gima bina ug ri!”

AYUB 33:15

Noni mbrap tug hon mumpriem kin ningat-hi-ngat mem mmun tirigi tungwatu nya ibong mai leu.

AYUB 33:17

Ningon kanti pingok ingonti nok leu binhyepo ikes hon sisar leu ba, ibon bu bi. Nipingok yokti nya bindei ba, inggei-nggwang tut yonti bi.

NEHEI LEUSI 1:22

Nok gima kikau bibou Firaun kes nihyet bak nide limwa nya yahagom bipai biyok “Suar jicom mben Ibrani imunggwom bat nya ningwoi-ngwoi nipinai nya tut igyaijo ug ei Minyei Nil bimai ug. Noro ma jisindui sut munggwom ngwoi-ngwoi nisop nya ba, igyaijo.”

MATIUS 1:20

Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

MATIUS 10:23

Gino timiei minu ttou nsi gom ihwen bit je lene ma jinang ug ei minu ttou nsi hiter bu. Dipai bije bipia nipou tirigi jicem kep mben Israel ide minu ndig nya hagom bidem bigyo lene Munggwom Tungwatu Nipmot kwei hanyen tu.

MATIUS 2:12

Leu api Allah sok kep yok tug hon mumpriem gom ser nhyema ingkwei hanyen bingat Herodes bu au noro ma imbut kak puig hiter di bie ug ei itimieisi hanyen leu.

MATIUS 2:14

Lene Yusuf kiju mem mmun mau binang tut munggwom dima pip nipmem biyuug ei minu Mesir.

MATIUS 2:16

Tirigi Herodes kan tut bipia yo di ingon ki pima yok iris binoni lene ningon sibui sut yok nindig bibor. Gima rino noni cuk nide tentara nya bipai biyok “Jug kos munggwom pinai nya ei Betlehem kin minu mien di gahai nya di ide njap ug ei ari bingwam can nimo jug yahagom.” Nicuk yokti dini bit leu nok mun di yo di ingon ki nya ipui sut binoni tut ham nitausi pima ri.

MATIUS 2:22

Noro tirigi noni miap tut bipia Arkelaus ya luei nicig Herodes nohoti binok nibou ndig ei hanjop Yudea lene noni ttin tut gima ngkwei hanyen ug ei hanjop nsi dima. Tirigi noni bong bimumpriem mbigom kin bu lene Allah tin puig di kei mem noni. Leu api noni kriau kikau ug ei hanjop Galilea,

KISAH 10:22

Ibuhup “Kornelius di Nibou tentara pinak nye kwei. Noni ba ningon gom bikuk no bak Allah ba, mben Yahudi yahagom ikon ninyeng cem. Allah birop Kornelius de nadi bipinak Nide malaikati gom kwei bipai binoni bipia ma noni sok nihyet bak na di Andigpoi leu binhyepo abit nye biyuug ei nide ig bei leu binhyepo noni miap mun di tibim ei na di Andigpoi ahui him.”

KISAH 10:7

Lene malaikati di mbrap bit noni pror hanyen. Leu api Kornelius hig nide awak nya ibou can kin nisut tentara gom di kuk no bak Allah cem kwei,

KISAH 12:11

Niabiati lene Petrus ningon hukti tut mun di pek kep mem noni lene pai “Nogindini jo nibreisi mem sa tu! Allah pinak Nide malaikati gom kwei leu binhyepo noni teu sa leu Herodes de nisindemti kin mben Yahudi di itin ei mem imbuk tut sa cem.”

KISAH 12:7

Nok rino Allah de malaikati gom kwei kros biya niyati ei mpia dima ba, ninjeng piga digai nghim nsi. Malaikati tak Petrus ninghat biwin lene pai binoni “Akiju ba, aya haninyai.” Pai nok rino lante nonti pas hak leu Petrus ninda.

KISAH 16:36

Gima rino nibou ig bui pai bak Paulus “Andigpoi e, nibou nya isok ighyet kwei leu binhyepo nikau dimbou ig bui leu je leu binhyepo jehei ba, jimbut hak. Gima rino ma jimbris nyahan bijimbut hak ug.”

KISAH 5:19

Noro Allah de malaikati gom kau dimbou ig bui leu yok mem mmun bibuwak yok leu ig bui lene pai biyok,

KISAH 7:19

Noni ba nye di mben Israel bikek ba, hwen bit ide pung di intun him nya nindig bibor. Noni bidip huk yok bicom imunggwom ngwoi nya ei nisai bisindui sut yok bimai bingwig ug.

YOSUA 3:13

Tirigi imam di ikon tuhan di ninyeng tak kep dihyei nisurti-nipekti hagom Nide Brua Gi Preu ikinyon tut ei Minyei Yordanti lene minyei mikes hon bibiam bu bi. Leu api minyei di biam kwei leu nibrig ma kwei mitti kui nai dem kep gino hi hajung ser minyei.”

YOSUA 3:17

Tirigi mben Israel ikak ninggati dima lene imam di ikon tuhan de Brua Gi Preu pima igya ei minyei nipingge leusi ei minyei nggimau bibou tungwatu nya yahagom yuug dihip ei nite dima ug nipou leu ug e.

YOSUA 4:10

Lene imam pima yok igya igyati ei Yordan ninggimau kikau bibou mun di tuhan sok ei Yosua dip bak nide limwa nya hagom put ug e. Gini bit leu nok Musa nicuk yokti nya. Lene mben Israel ibipbur ba, isigon minyei Yordan.

YOSUA 4:18

Tirigi imam nya ipri ug ei mam bei tu lene Minyei Yordan biam hanyen bisu nindig bibor nok nimbie him pima.

NINGAT-HI-NGAT NYA 12:14

Noro hi yai ninyehei can dem kep hacam krubri di nindig bibor ninyehei bak no di sop leu binhyepo bimba bingkwei hanyen ug ei nigwam kepti ei iggum ndigsi. Leu api hi minyohou noni mem ari bingwam ningai biniken ei sirima leu binhyepo ningwes ngun leu naga di micut igkep noni.

NINGAT-HI-NGAT NYA 12:4

Noni ba nipu bibrim ham nya nittou nsi gom leu mpia-bbed him bicom hagom ug ei dihyeisi mu lene ham nya nittou nsi can jo. Noni ya ei no di sop noho bei leu binhyepo pinde nimunggwom tirigi srek tut.

NINGAT-HI-NGAT NYA 12:6

Sop dima nang ug ei iggum ndigsi ug ei mpia di Allah tin ei mem noni. Leu api Noni nyohou sop dima mem njap sribu gom sratus can ningot muhwindagom.