MATIUS 2:11 - ALLAH NIHYET MEM TUNGWATU NYA

¹¹ Leu api icoi ug ei ig bei bingat munggwom dima kin nipmem Maria lene ikuk yok bak binggei sut Yesus. Leu api ikwek migbuwang leu mas kin biei nggrai di ui-gwang kei kin mur ba, yihit binjei bak.

MATIUS 2:11 ပူးပေါင်းရင်းမြစ်များ

YESAYA 60:6

Mben Midian kin Efa kin Syeba yahagom mikon ide mas kin biei nggrai di ui-gwang kei ei ide unta nya imang bibor dip bijem yok kwei leu api yoni minggei sut tuhan niyai munti nya!

MAZMUR 72:10

Nibou ndig minu Tarsis kin mios nya mikwei binjei munkwas bak noni. Nibou ndig minu Arab kin Etiopia nya mikwei go belasten binoni.

LUKAS 2:16

Lene ibipbur biyuug ttau kep Maria kin Yusuf bingat lo, ningwoi-ngwoi dima No bong nyahan ei brua nsi ei a.

MATIUS 2:2

Ba, ikwei hig-hig nyen ser bipai “Mben Yahudi ide nibou ndig di nipmem srek tut bong tirigitou i? Ningat Nide ham di pri ei bei mpia nipriti. Gima rino nikwei mem nikuk nye bak.”

MAZMUR 95:6

Jikwei ba, ikuk nye ei nimig him binggei sut Noni. Iba ibiau bicom mpia ei tuhan di pai tes nye Noho bei.

MAZMUR 72:15

Abindei ba, nibou ndig bong kei gwam kei bijo ninno bijo kikau! Abindei ba, mben Arab injei mas bak noni ba, tungwatu nya ingat nadi tindei noni mem mmun-njap cem. Allah e, ma anjei mun di kei bak noni bijo ninno bijo kikau.

NIBOU NDIG NYA GI NIGOM 10:2

Noni hei sut nide awak di igya kui noni imang bibor. Yoni ipwoi biei ngat nya di ui-gwang kin tig permata kin mas mang bibor bikon hagom ei unta di ijem kwei nya dip. Tirigi noni kwei krau ba, Salomo ya um tu lene noni ba nihyet nibiti ninda bisigbou Salomo tut mun nyeng hagom bit leu ningon kanti.

NINGAT-HI-NGAT NYA 19:10

Leu api doom da ei malaikati noho bei ba, dipi bidikuk da bak noro noni srep “Ayai nok au! Akuk na bida au! Noro ma akuk na bak Allah Nongkom! Dani ne awak rin noyam kin nani kin asut bat di ikrau kep nihyet di nijit di Yesus mbot kep tut.” Lewo nihyet di nijit di Yesus mbot kep tut sindem tut yo di itri tut Allah ningon kanti nya.

MATIUS 14:33

Gima rino yo di igya kui Yesus di igwam ei ut nsi dima ikuk yok ei nimig him binggei sut bipai “Ningat ne Nani ne Allah Nipmot ri!”

NINGAT-HI-NGAT NYA 5:8

Tirigi Noni krau srat dima rino mindhe ningut bitai kin nibou nya ibou nyatungwagom ba, bitai pima ikuk yok ei Domba Pmot Noho bei. Ikrau nggong mbrei kin bokor mas di biei nggrai di ui-gwang kei joti bikwop yok. Ba, biei nggrai di ui-gwang kei dima ne Allah de limwa nya ide nadi ri.

LUKAS 2:38

Hammi tirigi noni coi kwei bittau kep yok rino noni nggei sut Allah. Leu api ug tri tut ningwoi-ngwoi dima bak tungwatu nya di imem kep ser tto bou di Allah bindei ba, timiei minu ndig Yerusalem igyati kwes.

SAMUEL GI NIGOM 10:27

Noro yo di ingkek ndok nya ibou poi ipai biyam “Notou no dima mimpu nye i?” Lene ingwes pri gau noni apino igyai munkwas hi bak noni bi. Noro noni bon nonti nok no di kan tut bi.

MBEN ISRAEL IMBUT-MBUT NYEN 7:86

Bikwop den di iba mas bibon bitut biei nggrai di ui-gwang kei di joti nibuhunti kilo niken ba, den dima hagom nibuhunti sok yam kilo gom biniken bit leu nok nibuhunti di ikrau kep ei tuhan De Prak Meng nsi.

IMAM NYA IDE MIDYAI 6:15

Lene ma imam dima kam tepun ei ninda bia bei gom bitut mini zaitun poi mien kin biei nggrai di ui-gwang kei bindig kep hum ei nimbar hum dokti nok mun di bindo bipia no di bon sisar yai hagom bak tuhan. Lene tuhan mijoi sut ninghap di ngge kei dima.

NEHEI LEUSI 30:34

Lene tuhan pai bak Musa “Ma ayai biei nggrai di ui-gwang kei kin lokan kin rasamala kin kemenyan ba, nimangti hagom noyam.

NITRITI 43:11

Lene Yakub ce bipai “Nna ba gino puig hiter hi bi lene ma jipwoi ndigban di kei bibor kei leu minu dini nok biei ngat kismis kin ahwei lon kin biei ngat di ninghap ui-gwang kei kin biei ngat kemiri kin badam cem ba, juug sut bijinjei bak nibou mben Mesir.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MAZMUR 45:8

Angon ngakei ningon di nisren-srausi lo, angon mpo tut nikinei biborti. Gima rino ade Allah dimig nani ei bibindei ba, angon nggei-hi-nggei dor njiriek nibou ndig nindigsi nya ug a.

MAZMUR 2:12

Ma jiba jingwak bikik mpia ei tuhan nimig him. Gi bi ne Noni migga bibor kros ba, mibindei sar jahagom kros bihigom. Bikwop tungwa tou rino ya coi tuhan ne no dima ningon nggei-hi-nggei!

NIBOU NDIG NYA GI NIGOM 10:10

Lene nibou ndig sop leu minu Syeba hit mun di kei di noni pwoi kwei mem Salomo nok mas di nibuhunti kilo sribu bitai kin tig permata kin biei ngat di ui-gwang nindig bibor. Hon kep njap dima kui ne hi yai biei ngat di ui-gwang di nindig bibor bak Salomo noyam kin gi hi di nibou ndig sop leu minu Syeba yai binoni bi sren. (

NEHEI LEUSI 30:23

“Ma ayai mun di ui-gwang kei di kei-kau nok mur ngei kilo muhwindagom kin biei ningkek di nyop kilo ningai kin nghai di ui-gwang kei kilo ningai kin biei teja kilo muhwindagom.

DIUN MIMUN 3:6

“Mindei rikwei leu iggum ndigsi dima di kui bidem bumbuhui nggop ei mpia-bbed him i? Nuui di tun dem kep mur kin biei nggrai di ui-gwang kei nuui di ttun ba, noyam kin bedak di nuui tun kei di nitri-nipek mun cig nya ittei kwei bitri.

MATIUS 1:18

Yesus Kristus tirigi nimbie him ningwoi-ngwoi sindi nipmem srek tut nok gini. Yusuf yok wa kep Maria noro nipou tirigi iwak yam bigyem njita tut yam bigyo ne Maria kan tut bipia nghop tu lo, tug hon Ninnei Gi Kwes.

MATIUS 2:10

Tirigi ingat ham ninjeng hanyen lene ingon llei nindig bibor.

MATIUS 12:46

Tirigi Yesus tri tut nihyet bak tungwatu nya bingwig bigyo lene nipmem kin nikinjoi bat nya itau kwei bigya biyati ba, ijoi sut imbrap bit Noni.

YOHANES 19:39

Nikodemus di mbrap bit Yesus mem mmun pima cem bit Yusuf ba, noni pwoi mur kin gaharu srig yamti di dem kilo ningot ningai kwei.