MATIUS 19:9 - ALLAH NIHYET MEM TUNGWATU NYA

⁹ Ma jiyok ngon kep bipia mbro nok gino nitnem bon mun hi bi lo, nijjep kou sut noni mikui-kausi biluei ninggang bu lene no dima cut ei sisar nipigau nitnemti tu.”

MATIUS 19:9 ပူးပေါင်းရင်းမြစ်များ

NITRITI 20:3

Njap poi ser lene Allah ndo Nonti bak Abimelekh. Tirigi Abimelekh bong bimumpriem mem mmun lene Allah sok kep noni ngkiem ser “Mbigom amai drek dip gi abuwak sop dima lewo noni bon nijjep tu.”

NIBOHON MBEN ISRAEL GI NICAN 21:11

Apino noni win mpia di ikuk yok bak kwar eisi nya ei nungug him ei minu Yehuda ug a. Apino gima bindei dino timiei Yehuda kin timiei Yerusalem nya ibon sisar tut tuhan.

YEREMIA 3:1

tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

YEREMIA 3:8

Timiei Yehuda nya ingat bipia dikou sut mben Israel di inok sop di ba ningon com Da bu bi. Dibon srat nikou sut yam bidiyai biyok lene dibikes yok drek dip gi icut ei sisar niyem njita tut sop hiterti tu. Noro timiei Yehuda nya ittin tut gima bi ba, yoni cem yuug cut ei sisar di kinei dimati bram bu.

YEHEZKIEL 16:15

Noro aba ade nuubbuti kin anyeng di jei dima bibon mun tunggwei tirigi ajou pinai di icem kep na nya yahagom.

YEHEZKIEL 16:29

Leu api anok mben Babel di inok nitri-nipek mun cig nya ide sop sundal bu. Noro ibindei ba, angon cut hon yoni cem bi.”

YEHEZKIEL 16:8

Tirigi dimbut ei mpia dima bu lene dingat lo, ade njap dem mem gima apai pinai tu. Diba Ditde sinsun ndok di jei bijuk na ser ade ningat nguti dima. Dipreu ei bina tut Ditde ningon ngakei nati. Gima igbit rin ba, dibon nipreu sut niwak yamti bit na. Ba, Ditde nani tu. Da di tuhan Di Dinyeng Jei Bibor disimbot dat tu.

MATIUS 19:10

Gima rino yo di igya kui Noni ipai bak “Gino mun dima micut kep nicep-tnem nya lene gi kei rino iwak yam au.”

MATIUS 19:8

Yesus buhup “Allah niggai serti sindui sut gi jikou sut jitnem lewo jingkek ndok. Noro ningat ne, habiei ei nimbie him nok gima bi.

MATIUS 5:32

Noro tini bu ne dipai bije bipia no di kou nitnem di cut tut hiter bi ne no dima ningon mui. Leu gino nitnem wak nijjep hiter bu ne tungwa dima ribindei dino nitnem cut ei sisar nicut tut yamti. Ba, pinai di wak no pima nitnem micut ei sisar nicut tut yamti sindam.”

LUKAS 16:18

No di kou sut nitnem buug wak sop gom bu bididei nitnem ndig bon sisar nicut tut yamti. No di wak sop di nijjep kou ei lene no dima cem bon sisar nicut tut yamti.”

KORINTUS GI NIGOM 5:1

Jinghapti tibim kwei brei bida tut sisar nicut tut yamti di kinei bibor di srou je di mbusyamei nya. Ningat ne tungwagom cut tut nicig nitnem mien. Mei! Yo di ingon tindur nya ibon sisar di kinei bibor dima bi!

KORINTUS GI NIGOM 7:39

Sop di wak nijjep nggre kin nijjep kikau bibou nijjep mai leu noni ug e. Tirigi nijjep mai leu lene sop dima nggre kin noni bu bi ba, gino bon nitutti ne wak pinai hiter hak ug lewo kwes mem noni. Noro suar no dima ne no di ningon jo kep Kristus tu.

KORINTUS GI NIGOM 7:4

No di sop mbun nonti ningut bi lewo nijjep rino mbun a. Nok gima cem no di pinai mbun nonti ningut bi lewo nitnem rino mbun a.