MATIUS 19:7 - ALLAH NIHYET MEM TUNGWATU NYA

⁷ Lene Farisi nya ihig ser noni bu “Gi nok lene nggon rino Allah niggai serti sindui sut ba, tungwagom bon srat nikou sut nitnemti biyai srat dima bak leu api jji noni buug bihigom i?”

MATIUS 19:7 ပူးပေါင်းရင်းမြစ်များ

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YEREMIA 3:8

Timiei Yehuda nya ingat bipia dikou sut mben Israel di inok sop di ba ningon com Da bu bi. Dibon srat nikou sut yam bidiyai biyok lene dibikes yok drek dip gi icut ei sisar niyem njita tut sop hiterti tu. Noro timiei Yehuda nya ittin tut gima bi ba, yoni cem yuug cut ei sisar di kinei dimati bram bu.

MALEAKHI 2:16

Noro jibuhup “tuhan di mben Israel ide Allah pai ‘Nnaba jisindui sut ba, no di ningon mpo tut nitnem rok noni hak ug.’ Allah Di Sindem Bibor pai bipia no dima ningon mui drek dip nimbuk tut nitnemti! Gima rino ma jisok kep jenti leu binhyepo jingon gom tut jitnem lene ma jipigau yok au.”

MATIUS 1:19

Yusuf di yok wa kep Maria ningon sren. Noro ningonti ngkwei nyahan leu Maria ba, joi sut kou nyahan hak ug leu binhyepo tungwatu nya mipui kep Maria ninghapti ninyen bi.

MATIUS 19:6

Gima rino inok ibou can bu bi noro inok gom kin yam. Tut mun di Allah bicim yamti tu ne ma tungwatu nya inggek tut yam au!”

MATIUS 19:8

Yesus buhup “Allah niggai serti sindui sut gi jikou sut jitnem lewo jingkek ndok. Noro ningat ne, habiei ei nimbie him nok gima bi.

MATIUS 5:31

“Gima cem nicukti hi sok kep nye ‘Bikwop no di kou nitnem lene ma bon srat di bindo tut nikou sut nitnemti biyai bak nitnem.’

MARKUS 10:4

Ibuhup “Niggai serti dima sindui sut tungwatu nya bibon srat nikou nitnemti bigyai bak itnem leu api ijji yok bihigom.”