MATIUS 19:5 - ALLAH NIHYET MEM TUNGWATU NYA

⁵ Leu api Noni pai bu “Gima rino no di pinai mikes nicig nipmem nya ei ba, nitnem yoni mibong gom leu binhyepo yahacem inok gom kin yam.

MATIUS 19:5 ပူးပေါင်းရင်းမြစ်များ

NITRITI 34:3

Sikhem ningon pri kep Dina nindig bibor lewo noni sop ubbu ngat. Gima rino Sikhem pai-hi-paisi leu binhyepo bindei ba, Dina joi sut noni.

SAMUEL GI NICAN 1:26

We, dikindig Yonatan e, dingon ngguk bram na ba, singon ce yam bi nindig bibor. Ade ningon ngakei dati mindur bibor dor njiriek sop nya ide ningon ngakei ijjep bat nya kin imunggwom bat nyati.

NIBOU NDIG NYA GI NIGOM 11:2

Mbro nok gino tuhan ggai ser mben Israel bipia ma iwak srig yamti nyen bit mben ngkiai nya au. Leu binhyepo sop dima yok mibindei ba, mben Israel mikuk yok bak mben ngkiai ide nung nya au lo, Salomo ug wak sop dima yok tu.

MAZMUR 45:10

Nibou ndig nya ipmisop bat nya bitut sop gwam nitta pilei nya ingat rin ei ade ig nibou ndig. Nibou ndig nitnem ndei mimau mas di pimbai kei biya tut ei nibou ndig de banggo mbrei nite anda com.

MAZMUR 63:8

lewo ampu da ninno tu. Diba dingon di llei bibor bipai doia tirigi diku da ei anyehei di yon gau da.

MALEAKHI 2:15

Noro abuhup Ide pung Abraham di intun him yai nok gima ba, ningat ne ningon gom tut Allah bi e? Noro jide pung gom dima yok ningon mem mindei i? Noni yok ningon mem nide nintun him nya di inggre kin Allah de limwa nya. Gima rino ma jisok kep jenti leu binhyepo jingon gom tut jitnem di jiwak tirigi jipilei yo pima.

MATIUS 19:6

Gima rino inok ibou can bu bi noro inok gom kin yam. Tut mun di Allah bicim yamti tu ne ma tungwatu nya inggek tut yam au!”

ROMA 12:9

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

KORINTUS GI NIGOM 6:16

Jikan tut gini bi e? No di cut tut sop krar ne bindei ba, yahacem inggre kin yam. Bit leu nok gi ipas ei Allah nihyetti “Yahacem inok ninghui gom.”

KORINTUS GI NIGOM 7:2

Noro sisar nicut tut yamti kieng kep jide minu ndig dima. Gima rino gi kei mem bikwop tungwagom-gom wak nitnem lene gi kei mem bikwop sop nya cem iwak ijjep.

KORINTUS GI NIGOM 7:4

No di sop mbun nonti ningut bi lewo nijjep rino mbun a. Nok gima cem no di pinai mbun nonti ningut bi lewo nitnem rino mbun a.

EFESUS 5:31

Bit leu nok gi ipas ei Allah nihyetti “Gima rino no di pinai mikes nicig nipmem nya ei ba, nitnem yoni mibong gom leu binhyepo yahacem inok gom.”

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 11:22

Ma jiba jingon di gom bibit nicukti nya di ditri tut bijeni hagom kikau ba, jingon ngakei jide tuhan Allah. Ma jibit nicuk jeti nya hagom ba, jiba jingon di gom bibit Noni kikau cem.

NINDAT KEP TUHAN NICUKTI NYA 4:4

Noro je dino jingon gom tut tuhan di nok jide Allah ei mpia dima ne jiyaijo kikau kwei bipek ammani kep.

SAMUEL GI NIGOM 18:1

Lene Saul kin Daud ikes ighyet hon bimbrap bi. Mpe dima lene Yonatan di Saul nipmot hig nisut bit Daud nindig bibor lewo ningon ngakei Daud bit leu nok ningon ngakei nonti.

SAMUEL GI NIGOM 25:43

Tirigi mun dini pek kep mem Daud bigyo lene noni wak Ahinoam leu Yizreel nipou leu su leu api nogindini buwak Abigail cem nok nitnem bu.