MATIUS 19:29 - ALLAH NIHYET MEM TUNGWATU NYA

²⁹ Bikwop no di kes nide ig bei nsi nya kin nikindig-nikinjoi bat nya kin nikwohop bat nya kin nicig-nipmem nya kin nimunggwom bat nya kin nide miai bitut njita di joti ei leu binhyepo bit Da lene no dima miyai bibikwop mun dima yok hagom mbisratus gom bram yam hanyen bu bitut niyaijo nijep di jo kikau cem.

MATIUS 19:29 ပူးပေါင်းရင်းမြစ်များ

NIBA NINGON SRIP HUKTI 3:6

nituti mem inggok mun di cut kin nituti mem ikes hon binggok bu bi cem ba, nituti mem ibet mun ei kin nituti mem icom mun ug cem ba,

MATIUS 10:22

Ba, tungwatu nya yahagom ingon mpo tut je drek dip gi jiya kui Da. Noro Allah miteu no di ya ngkiem kikau ug bipek ningwig honti ba, ningwes ngun.

MATIUS 13:23

Ba, njita ngan di cut ug ei dihyei suti bindo tut yo di intu kep nihyet bimiap ba, ningat ntun him. Ningat sratus gom ntun bihi him lene ningat ningot muhwindagom ntun bihi him lene ningat ningot ningai ntun bihi him bibikwop nok.”

MATIUS 13:8

Noro njita ngan nindigsi cut ug ei dihyei suti apino nikioi hei ba, ningat ntun him. Ninjem hi ningat sratus gom ntun him. Ninjem hi bu ningat ningot muhwindagom ntun him. Ninjem hi bu ningat ningot ningai ntun him lene bikwop nok.”

MATIUS 16:25

Lewo bikwop no di ningon hek tut nonti bikan bipia niyaisi bon ninyeng mem nonti lene niyaisi misar. Noro no di kes niyaisi ei bikan bipia bon ninyeng mem nonti bi lene minyohou niyaijo di jo kikau.

MATIUS 19:16

Mpe di gom ne pinai pilei gom kwei ngat Yesus bihig ser Noni “Guru e, dibon mun di kei di notou leu binhyepo ditug ndei niyaijo nijep di jo kikau i?”

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

MATIUS 5:11

Mpe dino tungwatu nya ipai je kinei cem ihwen bit je cem ikkin kep jinghapti cem drek dip Dani lene ma jingon nggei-hi-nggei.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

LUKAS 14:26

“No di joi sut bit Da noro ningon ngakei nicig kin nipmem kin nitnem kin nimunggwom bat nya kin nikindig bat-nikinjoi bat nya kin nikwohop bat nya nindig dor njiriek ningon ngakei Dati binyohou nonti niyaisi lene bit bon Noni ya kui Da kan bi.

LUKAS 5:11

Simon kin nisut bat nya ikri ide ut hanyen kwei ei igpong nintig dip leu api ikes ide mun di inyeng tut nya hagom leu bibit Yesus hak.

LUKAS 6:22

Mpe dino tungwatu nya ingon sibui sut je cem ingon mpo tut je cem ikucang je cem ikkin kep jinghapti cem drek dip Da di Munggwom Tungwatu Nipmot lene ma jingon nggei-hi-nggei!

YOHANES 15:19

Gino jinok gom kin tungwatu dihyeisi dini lene ingon ngakei je lewo jinok yoni. Noro didimig je bijo ter leu tungwatu dihyeisi dini bijinggre kin yok bu bi. Yo dima ingon mpo tut je drek dip gi jinggre kin yok bu bi.

YOHANES 4:36

No di biang njita kwei sindi tug ndei nimuhup bibiang njita di bit bon pror yon kan bi kwei ndam niyaijo nijep di jo kikau. Gima rino no di ndim ningan kin no di biang njita kwei leu beisi yahacem igyai nillei noyam.

KISAH 9:16

Ba, Danti midindo binoni tut ninghuisi wei di micut igkep noni drek dip Dani bak yo.”

KORINTUS GI NIGOM 2:9

Noro bit leu nok gi ipas ei Allah nihyetti, “Mun di jo nding leu tungwatu nya igyai him cem tibim ei itingou nsi cem coi ug ei ibou ngwakti cem bi sren dima ne mun di Allah tin ei pijum mem yo di ingon ngakei Noni ri.”

KORINTUS GI NICAN 5:16

Gima rino niyok niyai kep tungwatu nya bit leu tungwatu dihyeisi dini igyai kepti nya bi. Mbro nok gino niyok niyai kep Kristus bit leu tungwatu dihyeisi igyai kepti nya nipou su lo, niyai nok gima bu bi.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

PETRUS GI NIGOM 4:14

Gino hi pai je kinei drek dip gi jibit Kristus lene ma jingon nggei-hi-nggei lewo jikan tut bipia Allah Ninnei di kei-kau-kei ningat rin ei jingonti drek dip.

YOHANES GI NININGAI 1:7

Yo dima ittei yam leu binhyepo igyai kep midyai mem Kristus lo, igyai mun di bahati tut yonti leu yo di ninghim Kristus bi.