MATIUS 19:22 - ALLAH NIHYET MEM TUNGWATU NYA

²² Tirigi no dima miap Yesus nibuhupti nok rino noni ba ningon di buhun bingkwei hanyen drek dip gi nyeng tut ndigban nindig bibor.

MATIUS 19:22 ပူးပေါင်းရင်းမြစ်များ

MAZMUR 17:14

Akwek da leu yo di inyeng tut ndigban nyeng hagom bit leu ijoi sutti ei dihyeisi dini inda nsi. Akes hukum ei yok dip tug hon mun di buhun bibor di atin ei mem yok ba, akes hukum dima ei yo di intun him yok nya dip cem.

YEHEZKIEL 33:31

Induk yam bingwig ttai na ba, intu kep ahyet noro ibit acuk yokti nya bi. Iba ighyet di mmau bibuhup ahyet noro idrui bou ngwak ba, ikan-kan nyen tut mun di kei mem yonti he idrui bou ngwak kikau.

MATIUS 13:22

Njita ngan di cut ug ei bohousi bindo tut yo di ipwoi nihyet ei ingonti noro ingon ku yonti tut ndigban di mipror yon ba, iba yoho rok mitiei nindig bibor apino gima yok hagom ceu nihyet leu api ningat ntun him bi.

MATIUS 14:9

Herodes miap nibuhupti dima lene ningon ngkwei leu nipreu eisi noro gi mbun noni luei ningonti tut kan bi. Lewo noni preu ei bak misop dima ei nisut bat nya yahagom yoho bei tu. Gima rino noni kos tut bipia miyai igbit misop dima nibuhupti.

MATIUS 16:26

Notou mem no di nyeng tut ndigban dihyeisi dini hagom noro bimangkrei nide niyaijoti i? Gini kei mem noni e? Noni miba mindei bipek niyaijoti hanyen leu gi misar i?

MATIUS 19:21

Yesus pai binoni “Gino ajoi sut abindei ba, akei-kau lene ma aug tri ade ndigban hagom ba, abipek mitiei leu api akwas hagom tut yo di yuhui mbum nya. Ayai nok gima lene abikum ei mun di keiti mem nanti ei gwamti. Ayai gima bingwig leu api akwei bit Da.”

MATIUS 19:23

Lene Yesus pai bak yo di igya kui Noni “Dipai bije bipia nggruk bibor mem yo di inyeng nya inggre kin Allah De limwa nya.

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

MARKUS 10:22

Tirigi no dima miap Yesus nibuhupti dima rino ningon pus tut leu api ba ningon di buhun bingkwei hanyen lewo nyeng tut ndigban nindig bibor.

MARKUS 6:26

Herodes ningon ngkwei leu nipreu eisi dima. Noro gi mbun noni luei ningonti tut kan bi lewo nipreu bak misop dimati tibim ei nisut bat nya yahagom itingou nsi tu.

LUKAS 18:23

Noro tirigi noni miap Yesus nibuhupti dima lene ningon buhun bibor lewo noni nyeng tut ndigban nindig bibor.

YOHANES 16:20

Ma jiyok ngon kep bipia mijipim bijiyai nggwei kibor cem noro tungwatu dihyeisi hagom ingon llei bibor. Jingon buhun noro jei bi lene jingon llei bibor hanyen bu.

EFESUS 5:5

Ma jiyok ngon kep bipia nicut tut yam cig kin nikrar kep yam cig kin nidrui bou ngwam cig (di noyam kin sisar nikuk nye bak kwarti nya) micoi bit Allah kin Kristus Ninyeng Tak Kepti bi sren.

KOLOSE 3:5

Gima rino ma jimu kep jingut kanti di om kep je. Bihi nok nicut tut yamti kin nikrar kep yamti kin niyai canti kin ningon pri kep yamti kin ningon pri kep mun di jo bak hiterti (sisar dini noyam kin sisar nikuk nye bak kwarti nya).