MATIUS 19:21 - ALLAH NIHYET MEM TUNGWATU NYA

²¹ Yesus pai binoni “Gino ajoi sut abindei ba, akei-kau lene ma aug tri ade ndigban hagom ba, abipek mitiei leu api akwas hagom tut yo di yuhui mbum nya. Ayai nok gima lene abikum ei mun di keiti mem nanti ei gwamti. Ayai gima bingwig leu api akwei bit Da.”

MATIUS 19:21 ပူးပေါင်းရင်းမြစ်များ

MARKUS 10:21

Yesus tou kep noni nggilun bingondut lene pai binoni “Atunggwei sut mun nyeng gom ngat he. Ma atri ade ndigban hagom ba, abipek mitiei leu api akwas hagom tut yo di yuhui mbum nya leu binhyepo abikum ei ade mun di keiti mem nanti ei gwamti. Ayai gima bidem leu api akwei bit Da.”

LUKAS 18:22

Tirigi Yesus miap nibuhupti nok rino pai binoni “Atunggwei sut mun nyeng gom ngat he. Ma aug tri ade ndigban hagom ba, abipek mitiei lene ma akwas hagom tut yo di yuhui mbum nya apino abikum ei mun di keiti mem nanti ei gwamti. Leu api akwei bit Da.”

LUKAS 12:33

Ma jitri jide ndigban bingwig ba, jibipek mitiei leu api jiyai hagom bak yo di yuhui mbum nya. Ma jinju ndigban keyam mem jenti ei gwamti dem kep nok jikinding jide bangdop bingkiem kei mem jenti leu binhyepo kinei hanyen bi. Lewo bit bon tungwatu nya inggimang ndigban ei gwamti ba, awam cem kin kan bi.

LUKAS 14:33

Lene Yesus pai ningwigsi biyok “Nok gima tut jeni cem. Gino jikes mun di jinyeng tut hagom ei bi ne bit bon jiya kui Da kan bi.”

KISAH 2:45

Yo di inyeng tut dihyei hanjop nsi nya kin ndigban itri kep mun dima yok bibipek mitiei leu api ikwas mitiei dima tut yo di ingon jo kep di ihwap mbum nya.

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

LUKAS 9:23

Lene Noni pai bak yo di idem yam ei mpia dima yahagom “Bikwop no di joi sut bit Dani lene ma ningon hek tut mun di bon ninyeng mem nonti au. Noro kon nide biei salib bikwop njap-njap bibit Da.

YOHANES 10:27

Ditde domba nya imiap dihyet. Dingat igbit yok lene ibit Da.

MATIUS 5:48

Jicig ei gwamti ba ningon di gom bingon ngakei tungwatu nya yahagom. Suar jeni cem jiyai bram niyaisi dima.”

LUKAS 16:9

Lene Yesus binut nihyet bipai “Jimiap e? Suar jiba mun di pror yon bibrim tungwatu nya ba, ihig isut bit je leu binhyepo tirigi ndigban dihyeisi dini bon ninyeng bu bi lene Allah micigit je kui ig di jo ninno bijo kikau.

MATIUS 19:28

Yesus pai biyok “Ma jiyok ngon kep bipia tirigi Munggwom Tungwatu Nipmot gwam ei Nide banggo mbrei di kei-kau-keiti ei Dihyei Di Nijepti bu lene je di jiya kui Da jibou simnaibrimigcan cem mijigwam ei jide banggo mbrei dip leu api mijinyeng tak kep mben Israel ide keret simnaibrimigcan.

MATIUS 16:24

Lene Yesus pai bak yo di igya kui Noni “Bikwop no di joi sut bit Dani lene ma ningon hek tut mun di bon ninyeng mem nonti au. Noro suar kon nide biei salib bibit Da.

LUKAS 6:40

Munggwom pikor hi ninyeng jei dor njiriek nide guru ninyeng bi. Noro munggwom di pikor tut mun nyeng hagom nok gi dem tu mporo yai ninyeng guru noyam kin nide guru cem.

LUKAS 5:27

Gima ngwig leu lene Yesus mbut nimig bittau kep Lewi di gwam ei nide kintrorti. No dima ya tindei belasten biyem tungwatu nya imuhup. Leu api Yesus hig noni “Akwei bit Da.”

MARKUS 8:34

Leu api Yesus hig tungwatu ningot ndig dima kwei bit yo di igya kui Noni bipai biyok “No di joi sut bit Dani lene ma ningon hek tut mun di bon ninyeng mem nonti au. Noro suar kon nide biei salib bibit Da.

MATIUS 9:9

Lene Yesus jo leu mpia dima bimbut-mbut nyen. Noni tau kep Matius tirigi noni gwam ei nide kintrorti ba, ya tindei belasten biyem tungwatu nya imuhub. Yesus hig noni “Akwei bit Da.” Lene Matius kiju bibit Noni bihigom.

IBRANI 10:34

Jiyai ninghuisi wei noyam kin yo di isima ei ig bui nsi. Tirigi tungwatu ipos ndigban hagom leu je ne joom jingon bijingon nggan tut lewo jikan tut bipia mun di kei di bit bon pror yon hanyen kan bi no jo mem je.

MARKUS 2:14

Noni mbut mbigom bu bitau kep Lewi di Alfeus nipmot tirigi gwam ei nide kintrorti biya tindei belasten biyem tungwatu nya imuhup. Yesus hig noni “Akwei bit Da.” Gima rino Lewi kiju bibit Noni bihigom.

MATIUS 8:22

Lene Yesus buhup “Nnaba yo di imai nya mitig ide nimai nya. Noro tut nani ne ma akwei bit Da hak ug.”

MATIUS 4:19

Yesus hig yok “Jikwei bit Da leu api midingginau je leu binhyepo jipos tungwatu nya kan.”

MAZMUR 37:37

Ma jitou kep no di ningon singat kin no di ningon sren. No di ningon jo nyahan bon nide nintun him yamti di bram yam nya imang bibor.

AYUB 1:1

Ayub bong ei Us. Noni kuk no bak Allah biningon gom tut Noni. Ayub ningon sren bimbres no leu mun di kinei hagom.

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 6:9

Ayat dini yok pui sut Nuh kin niyai munti nya. Nuh ningon sren ba, nongkom ningon kwes kin Allah mem nijam dima. Allah kin Nuh ingon ce yam bi.

MATIUS 19:20

No dima buhup “Dibit nicukti dima yok hagom tu ba, suar dibon mindei bu i?”

MATIUS 19:22

Tirigi no dima miap Yesus nibuhupti nok rino noni ba ningon di buhun bingkwei hanyen drek dip gi nyeng tut ndigban nindig bibor.