MATIUS 19:17 - ALLAH NIHYET MEM TUNGWATU NYA

¹⁷ Yesus buhup “Nggon rino ahig ser Da tut mun di kei i? Allah Nongkom kei. Gino ajoi sut atug ndei niyaijo kikau lene ma abit Allah nicukti nicuk nyeti nya.”

MATIUS 19:17 ပူးပေါင်းရင်းမြစ်များ

NEHEMIA 9:29

Asok kep yok leu binhyepo ibit Ade nipingok yoti. Mbro nok gino ikan tut bipia yo di ibit Ade nicukti nya migyai niyaijo lo, ingon jei ba, ikou sut Ade nicukti nya. Isem tut ahyet lewo ingkek ndok cem ighyet prinder cem.

MAZMUR 119:68

Lewo asingat kei ba, abon mun di kei. Angginau da tut Ade nimbrap tutti nya.

MAZMUR 52:1

Daud de doia ningginausi mem no di bie tut doia nimpung.

YEHEZKIEL 20:21

Noro pilei nya ei nijam dima cem yaham imbuk kep Da. Itunggwei Ditde nikos tutti nya ba, iba ikou yai Ditde nicukti nya di dem mem yo di ice tut ibit nya igyai niyaijo ba, ide njap jei cem. Ibindei ba, map kui Njap Nigwam Kep Ninghuisi bibor. Gima rino ditin ei mem dikes Ditde nigga biborti ei yok dip ei iggum ndigsi dima ba, dibiyai nimai bak yahagom.

IMAM NYA IDE MIDYAI 18:5

Ma jibit dimbrap tutti nya kin diggai serti nya di diyai bak jeni. Gino jiyai nok gima lene jingwes ngun. Dani ne tuhan ri.”

ROMA 10:5

Musa pas kep bipia no di yai ningon kwes kin Allah hanyenti tug hon nibit leu Puig Yahudi niggai ser noti mitug ndei niyaijo tug hon nibit niggai ser noti dima.

YAKOBUS 1:17

Mun di kei kin mun di dia-diau nya hagom ntun Allah him bisrek kwei leu Noni. Noni pai tes nipigati nya hagom ei mpia-bbed him. Noni luei ningonti bibindei ba, nidinditi nggai kep tungwatu nya bi.

YOHANES GI NIGOM 4:16

Nyenti ingon dorti tut ba, iba ingon com bipia Allah ningon ngakei nye. Allah ne nibousi mem ningon ngakei yamti ri. Gino ningon ngakeisi tak kep tungwa hi lene no dima niyaijo nok gom kin Allah ba, Allah niyaijo nok gom kin noni.

SAMUEL GI NIGOM 2:2

Tungwatu dihyeisi dini hi di ningon kwes-kwau nok tuhan bi! Nongkom ya srak ko hagau nye.