MATIUS 19:16 - ALLAH NIHYET MEM TUNGWATU NYA

¹⁶ Mpe di gom ne pinai pilei gom kwei ngat Yesus bihig ser Noni “Guru e, dibon mun di kei di notou leu binhyepo ditug ndei niyaijo nijep di jo kikau i?”

MATIUS 19:16 ပူးပေါင်းရင်းမြစ်များ

DANIEL 12:2

Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

MATIUS 19:15

Lene Noni kes ninda ei munggwom mien dima yok ibou nggram him biyai gi kei biyok leu api kes yok bimbut.

MATIUS 19:26

Yesus mian huk yok bibuhup “Bit bon tungwatu nya igyai mun dini yok kan bi! Noro Allah sindem mem gima yai mun nyeng hagom.”

MATIUS 19:29

Bikwop no di kes nide ig bei nsi nya kin nikindig-nikinjoi bat nya kin nikwohop bat nya kin nicig-nipmem nya kin nimunggwom bat nya kin nide miai bitut njita di joti ei leu binhyepo bit Da lene no dima miyai bibikwop mun dima yok hagom mbisratus gom bram yam hanyen bu bitut niyaijo nijep di jo kikau cem.

MATIUS 25:46

Gima rino yo dini itug ndei hukum di jo kikau noro yo di igyai igbit Allah ningon kanti icoi ug ei niyaijo nijep di jo kikauti.”

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 12:25

Bikwop no di ningon hek tut nonti bikan bipia niyaisi bon ninyeng mem nonti lene niyaisi misar. Noro no di kes niyaisi ei bikan bipia bon ninyeng mem nonti bi lene no dima minyohou niyaijo di jo kikau.

YOHANES 3:15

leu binhyepo bikwop no di ba ningon com Noni miyai niyaijo nijep di jo kikau.

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 5:39

Jipikor tut Allah nihyet bokti ninno tu lewo jikan bipia jibiyai niyaijo nijep di jo kikau. Noro Allah nihyet bokti dima ndo tut Da.

YOHANES 6:47

Ma jingon jo kep bipia bikwop no di ba ningon com Da yai niyaijo nijep di jo kikau ei ningonti tu.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

KISAH 16:30

Leu api buwak yok kwei ei nisai bihig ser yok “Andigpoi jen, dibon mindei mem gima diyai niteu leu sisar kin niyaijo nijep i?”

ROMA 2:7

Allah miyai niyaijo di ningat di jo kikau bikwop bak yo di ita ibou ei midyai di kei bibor nyati bibindei ba, Noni nggei sut yahagom bikon inyeng biyai niyaijo di singat kei biyok.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

TIMOTIUS GI NIGOM 1:16

Noro Allah singat tut da drek dip leu binhyepo Kristus Yesus moom ningon tut da di dinok no di bon sisar nindig bibor dor njiriek nindigsi nya yahagom. Lene gini ndo bindo bak yo di ingon jo kep Noni bigyai niyaijo nijep di jo kikau ei nidipti bu.

TIMOTIUS GI NIGOM 6:12

Suar ador sindem bibor kak puig tug hon ade niba ningon com Kristusti kikau ug bipek nipekti leu binhyepo ayai niyaijo nijep di jo kikau. Lewo Allah hig na mem gima ador sindem kak puig dima nipou tirigi atri tut ei yo di imang bibor yoho bei bipia angon jo kep Kristus.

TIMOTIUS GI NIGOM 6:19

Tug hon nisinati dima lene yoni minju mun di kei di pror yon kan bi keyam binok nitriti mem nijam di nidipti bu. Leu api idem mem gima igyai niyaijo nijep di jo kikau ba, niyaijo dima ne niyaijo di nijit-jau ri.

TITUS 1:2

Ide niba ningon com Kristusti kin ide ningon dorti tut nihyetti ntun gi igyok ingon mem niyaijo nijep di jo kikausi di Allah preu ei mem nye habiei ei nimbie him. Ba, bit bon Noni ris binye kan bi.

TITUS 3:7

Noni yai ingon di kwes kin Allah tug hon Nide nisingat tut nyeti leu api igyai niyaijo nijep di jo kikau di igyok ingon mem.

YOHANES GI NIGOM 1:2

Tirigi Niyaijo dima hei ei nibreisi biningat Noni bou niyai him. Gima rino nitri tut mun di ningat bou niyai him ba, nipui sut niyaijo nijep di jo kikau nibousi di ningat rin bit Icig Allah leu api kwei ttau kep nye.

YOHANES GI NIGOM 2:25

Kristus nonti preu ei mem nye tut niyaijo nijep di jo kikau.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

YUDAS 1:21

Ma jinyohou jenti leu binhyepo Allah ningon ngakei jeti ppu hum kin jingonti mem nijam di jiyok jingon mem ide Tuhan Yesus Kristus nikwei hanyenti. Noni miyai niyaijo nijep di jo kikau bije tug hon ningon di nggriu sut je.