MATIUS 18:7 - ALLAH NIHYET MEM TUNGWATU NYA

⁷ Ayo! Buhun bibor mem tungwatu dihyeisi dini lewo mun nyeng mang bibor bindei ba, icut ei sisarti. Mun dima yok mipek kep mem tungwatu nya kikau. Noro buhun bibor mem no di bindei dino hi ter cut ei sisarti!

MATIUS 18:7 ပူးပေါင်းရင်းမြစ်များ

NITRITI 13:7

Apino yo di ighyen kep Abram de mindhe-ndhe nya kin yo di ighyen kep Lot de mindhe-ndhe nya igbroi yam. (Mpe dima lene mben Kanaan kin mben Feris igya bidem minu dima hagom.)

SAMUEL GI NICAN 12:14

Noro apmot ningwoi-ngwoi dima miyai nimai drek dip gi po angwes pri gau tuhan tug hon ade niyai munti di kinei bibor dima.”

MATIUS 16:23

Yesus kiek noho ndam Petrus bipai binoni “Na di Bilis e, aug hak leu mpia dini! Ma abigen ser Ditde puig au. Angon kanti dima kwei leu Allah bi noro kwei leu tungwatu nya he!”

MATIUS 26:24

Munggwom Tungwatu Nipmot miyai nimai bit leu nok Allah Nihyet pai sut Noni. Noro aye! Notou mem no di tri Munggwom Tungwatu Nipmot i? Gi kei rino no dima nipmem srek tut noni habiei bi sren!”

MARKUS 13:7

Tirigi jimiap tut yo di ikon pran bit yam dideu je cem minu ting leu je cem lene ma jittin tut au. Lewo mun dini yok hagom midem igbit nipou ug e noro njap ningwig honti ne bigyo.

LUKAS 17:1

Yesus pai bak yo di igya kui Noni “Mun di bindei dino tungwatu nya ibon sisar nonaha. Noro aye! Buhun bibor mem no di bindei dino hiter bon sisar!

YOHANES 17:12

Tirigi digwam bit yok ne diba anyeng di sindem di ayai biDa binyohou yok apino ingwes ngun. Hi srawir bi. Noro no di suar srawir nongkom he. Suar noni srawir bit leu nok gi ipas kep ei Allah nihyetti.

KISAH 1:16

“Disut bat jen, suar mun di Allah Ninnei pai tug hon Daud nuhui him ei Allah nihyet bokti tut Yudas di bie tut yo di ikat Yesus pima hagom cut igkep noni hak ug.

KORINTUS GI NIGOM 11:19

Jo nibreisi bipia nimpung di iba nitok biyam dima intun jide mbusyamei him leu binhyepo jingat yo di ingon gom nya brei bou jiyai him.

TIMOTIUS GI NIGOM 6:1

Suar awak di ingon jo kep nya ibou cut bak iceu bat nya bikon inyenga leu binhyepo ibindei ba, Allah ninyeng kin side niba ningon com Kristusti di sitri tut kinei bi.

TITUS 2:5

ingon nddong cem ingon kwes cem inyohou ide ig bei nsi nya cem ikuk yok bak ijjep bat nya cem leu binhyepo tungwatu nya irom ighyet kui Allah nihyet bi.

TITUS 2:8

Suar ningginausi di atri tut dima com nigau ei angon di kiti leu binhyepo bit bon ade siceu nya irom ighyet kui na kan bi. Apino immai sut yonti lewo bit bon ipai kep nye di mbusyamei kan bi.

YUDAS 1:4

Lewo yo di isibut nya ibou poi imbris nyahan bisrig ikieti ba, ikiek-kiek nyen nihyet tut Allah nisingat tut nyeti leu binhyepo ibimbrap gau yonti ingut kanti di kinei di srou yok. Yo dima itte tut bipai sut Yesus Kristus bipia Nongkom ngat ne Iceu kin ide Tuhan rin bi. Allah nihyet pai sut ide hukum di hatap yok mimbrek ngan tu.

SAMUEL GI NIGOM 2:17

Gima rino Eli nipmot bat cin ibon sisar di buhun bibor ei tuhan niyai him lewo ibimangkrei mun di mben Israel indig ei nimbar hum dokti bak Noni.