MATIUS 18:3 - ALLAH NIHYET MEM TUNGWATU NYA

³ Leu api pai biyok “Ma jiyok ngon kep bipia gino jiluei jingon kanti dem kep munggwom mien dini ningon kanti bi ne mijicoi bit Allah Ninyeng Tak Kepti bi sren.

MATIUS 18:3 ပူးပေါင်းရင်းမြစ်များ

MAZMUR 131:2

Noro dingon jo nyahan ba, dingon gwam dem kep munggwom ngwoi di kes nuhui leu do ngei ba, bong nyahan hak ei nipmem nimigsi cem ba, noyam kin ningwoi-ngwoi di nipmem pai-hi-paisi. Dingon jo nyahan nok gima.

YESAYA 6:10

Noni pai bida “Ma abindei ba, yo dini ingkek ndok cem idat kep itingou cem imut igyai cem ser nhyema iba igyai ngat mungkun cem iba itingou miap mungkun cem iba ingon bisrip huk cem leu api ingkwei hanyen ndam Da bidibindei ba, ikei hanyen cem au.”

MATIUS 13:15

lewo ingon tindak ser ba, idat kep itingou ser lene imut igyai leu cem tu. Gi bi lene igyai piga ba, itingou tu cem lene ingon dorti hanyen apino ittin ser ide sisar bikiek ndam Da leu binhyepo dibindei ba, ikei hanyen.’ ”

MATIUS 18:2

Yesus hig munggwom mien gom kwei biya ei ikieti.

MATIUS 18:4

No di nim kep ningonti binok munggwom mien dini ningonti ne ninyeng jei dor njiriek nindigsi nya ei Allah Ninyeng Tak Kepti.

MATIUS 19:14

Gima rino Yesus srep “Ma jisindui sut munggwom dima yok bikwei ngat Da ba, jibigen ser yok au. Lewo tungwatu di ingonti noyam kin munggwom dini yok ingonti minggre kin Allah Ninyeng Tak Kepti.”

MATIUS 19:23

Lene Yesus pai bak yo di igya kui Noni “Dipai bije bipia nggruk bibor mem yo di inyeng nya inggre kin Allah De limwa nya.

MATIUS 5:18

Ma jiyok ngon kep bipia ei nijam di mpia-bbed him kin dihyeisi dini pror bigyo ne bit bon hurup mien kin titik di jo ei niggai serti nya dima pror kan bi bibou hagom dem igbit ug e.

MATIUS 5:20

Ma jiyok ngon kep bipia gino jingon gom tut niggai serti nya dima dor njiriek guru Puig Yahudi nicukti kin Farisi nya bi lene bit bon jicoi bit Allah Ninyeng Tak Kepti kan bi.”

MATIUS 6:16

“Tirigi jiyem njita bi mem nituti poi lene ma jibon jiimaisi hai dem kep yo di ingon can nya au. Lewo yo dima ibon nok bisinggre leu binhyepo tungwatu nya ingat ide niyem njita bisi. Ma jiyok ngon kep bipia imuhup tau biyok tu.

MATIUS 6:2

Gima rino tirigi jingondut yo di yuhui mbum lene ma jiyai gima brei bou tungwatu nya igyai him au. Lewo yo di ingon can nya igyai kep igyaisi dima ei mben Yahudi ide ig mbusyamei kin simpak ba, igyok ingon mem gima tungwatu nya inggei sut yok. Ma jiyok ngon kep bipia yo dima imuhup tau biyok tu.

MATIUS 6:5

“Tirigi jingat nadi lene ma jiyai bram yo di ingon can nya igyai kepti nya au. Lewo yo dima igya ter ei mben Yahudi ide ig mbusyamei kin simpak nahau yamti cem bingat nadi brei bou tungwatu nya igyai him. Ma jiyok ngon kep bipia yo dima imuhup tau biyok tu.

MARKUS 4:12

Leu binhyepo, ‘Mbro nok gino imian ser ninno lo, ingon dorti bi. Mbro nok gino ingig itingou mem nihyet ninno lo, imiap bi. Mun dini pek kep mem yok ser nhyema iba igyai bingat mungkun cem, iba ingon bisrip huk cem leu api ingkwei hanyen ndam Da bidibindei ba, ikei hanyen bidikos ser ide sisar cem au.’ ”

LUKAS 13:24

“Ma jigruap mem gima jicoi kak dimbou hui di kom lewo tungwatu nya imang bibor igruap mem gima icoi kak dimbou hui di kom noro bit bon icoi bi.

LUKAS 22:32

Noro Simon e, dingat nadi tindei na leu binhyepo ade niba ningon com Dati cut hacan bi. Tirigi angkwei hanyen ba, aya kui Da lene ma abiwin kep asut bat nya ingonti.”

YOHANES 1:51

Yesus pai bu “Ma jiyok ngon kep lewo dipai nijit-jau bije bipia mijingat mpia-bbed him kau leu lene Allah de malaikati nya ikui-juk nyen biti Munggwom Tungwatu Nipmot noyam kin iti lin.”

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

YOHANES 3:5

Yesus buhup “Dipai nijit bina bipia gino tungwagom srek tug hon minyei kin Ninnei Gi Kwes bi ne bit bon noni coi bit Allah Ninyeng Tak Kepti kan bi.

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

KISAH 28:27

Lewo mben dini ingkek ndok ser bidat kep itingou ser ba, imut igyai cem leu su. Mun dini cut igkep yok ser nhyema iba igyai bingat mungkun ba, iba itingou bimiap mungkun ba, iba ingon di bisrip huk bikwei hanyen ndam Da leu binhyepo dibindei ba, ikei hanyen cem au.’ ”

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KORINTUS GI NIGOM 14:20

Disut bat jen, ma jikan-kan nyenti noyam kin munggwom nya ikan-kan nyenti au. Tut mun di kinei nya lene ma joom je bijinok munggwom di ingon ngun nya. Noro tut jikan-kan nyenti nya lene ma jimahan nok andigpoi.

PETRUS GI NIGOM 2:2

Ma jibingon nok munggwom ngwoi di sindi srek ba, jingon rai Allah nihyet di nok do ngei di pimbai kei. Tug hon nisinati dima rino jimahan bijiyai niteu leu sisarti kin niyaijo nijep.

PETRUS GI NICAN 1:11

Apino jidem mem gima jicoi bit ide Tuhan Yesus Kristus di teu nye leu sisar biyai niyaijo nijep binye Ninyeng Tak Kepti di bit bon ug hon nohonti kan bi.