MATIUS 18:16 - ALLAH NIHYET MEM TUNGWATU NYA

¹⁶ Gino ningon tunggwei ade nipingok noti lene ma abuwak tungwagom-tungwacan ba, ibikum na. Lewo Allah Nihyet pai binye ‘Isuar ibou can ibou ningai di ingat no dima nitunggweisi bou igyai him nipou tirigi abakilak noni bigyo.’

MATIUS 18:16 ပူးပေါင်းရင်းမြစ်များ

NIBOU NDIG NYA GI NIGOM 21:13

Lene yo di imbuk nya ibou poi ipai kep Nabot bipia nihyet wer mpiahi tut Allah kin nibou ndig. Gima rino ikri noni ug ei minu ndig nisai lene iba tig biyai nimai binoni hak ug.

MBEN ISRAEL IMBUT-MBUT NYEN 35:30

Tut ninyeng nimbiam hyet lene suar ma jikes hukum nimai ei no di jiba jingon kan nok no di hwen nimbiam dip hak ug gino ibou can ibou ningai ipai sut niyai munti dima di ingat brei bou igyai him. Gino tungwagom he pai sut niyai munti di ngat brei bou niyai him dima lene gima dem tut bi. Gima bindo bipia gi iba ingon kan pima igbit kan bi.

YOHANES 8:17

Nibokti di ipas ei jide Puig Yahudi nicukti pai ‘Gino ibou can ingat mun nyeng gom bou igyai him ba, ighyet ket ei yam hyetti lene ighyet dima nijit ri.’

KORINTUS GI NICAN 13:1

Nogindini ditin ei mem dihwou ngat je mbiningai su. Bit leu nok ipas ei Allah nihyetti “Suar ibou can ibou ningai di ingat munhyet bou igyai him ipai jit nipou ug e leu api nikei kos tut hukum drek dip.”

NINDAT KEP TUHAN NICUKTI NYA 17:6

Noro ma ibou can ibou ningai njiriek bu ipai sut nitunggweisi di ingat bou igyai him ug e leu api tug ndei nimai drek dip. Ma hi tug ndei nimai drek dip tungwagom ngat di ngat nitunggweisi dima bou niyai him nihyet he au.

NINDAT KEP TUHAN NICUKTI NYA 19:15

“Gino no di niyai ngat nongkom ngat he pai sut hiter bipia yai mun tunggwei tu lene tungwagom ngat dima nibakilak no dimati dem bi. Suar ibou can di ingat no dima niyai mun tunggweisi bou igyai him ibakilak no dima lene dem.

TIMOTIUS GI NIGOM 5:19

Gino hi pai kep nibou mbusyamei gom lene ma amiap kep nihyet au bibou ibou can ibou ningai ighyet tot kep yam hyet tut ug e.

IBRANI 10:28

No di srep tut Puig Yahudi niggai serti di tug hon Musa tug ndei nimai ba, hi ningon nggriu sut noni bi. Gino ibou can ibou ningai ingat nibon munti di bindei ba, ningon mui bou igyai him.

NINGAT-HI-NGAT NYA 11:3

Midicuk nabi nya ibou can di ijuk sinsun kron leu binhyepo itri tut Allah ningon kanti kikau mem njap sribu gom sratus can ningot muhwindagom.”