MATIUS 18:15 - ALLAH NIHYET MEM TUNGWATU NYA

¹⁵ “Gino asut hi bon sisar tut na lene ma aug ngat noni ba, ando nide sisar brei bak nyahan binding leu nindigsi nya igyai him. Gino noni ce tut ade nipingokti lene bindo bipia jingon kwes kin yam hanyen tu.

MATIUS 18:15 ပူးပေါင်းရင်းမြစ်များ

MAZMUR 141:5

Disindui sut gino no di ningon kwes ttem da ne ba ningon sren bisok kep da cem lewo gima noyam kin mini di ui-gwang kei mem da. Midirok no dima ei bi. Gino yo di isibut imbuk tut da lo, midingat nadi tindei yok kikau.

NIPINGOK NINGONTI 11:30

tuhan cuon no di ningon kwes kei niyaisi. No di ningon ki bindei ba, nindigsi nya induk yam bibit bong.

IMAM NYA IDE MIDYAI 19:17

Harin dima jingon koi kep nindigsi nya a. Ma jimbus yam ngonti leu binhyepo jingon kwes kin yam apino mijicut ei sisarti drek dip yam bi.

MATIUS 18:14

Nok gima cem Jicig ei gwamti ningon llei sut gima yo di ingon mbum noyam kin munggwom mien dini yok ibihi israwir bi.”

MATIUS 18:21

Lene Petrus kwei hig ser Yesus “Tuhan e, gino disut hi bon sisar tut da lene suar dikos ser sisar di bon tut da mbipig i? Mbimuhwindacan bram yam e?”

MATIUS 18:35

Lene Yesus pai nihyet ningwigsi bitak kep nihyet nibiti nindati “Nok gima cem Dicig ei gwamti mibibon je bibikwop tungwagom-gom nok gima drek dip gi jiba jingon gom bikos ser sisar di jisut bon tut je bi nya.”

ROMA 12:21

Ma jisindui sut mun di kinei bibor bindei cut jeni au. Noro ma jiba niyai munti di kei bibor bicut mun di kinei bibor.

KORINTUS GI NIGOM 8:12

Tug hon nisinati dima lene abon sisar tut Kristus ba, abui asut no di Kresten drek dip ningon di nddong bi.

KORINTUS GI NICAN 7:12

Mbro nok gino dipas kep srat bije tu lo, dipas drek dip no di yai mun tunggwei kin gi hi di noni yai mun tunggwei sut dima bi. Noro diba srat dima bipai sut bijo nibreisi mem je bipia Allah kan tut jide ningon ngakei nye biborti.

GALATIA 6:1

Disut bat jen, gino jigom ttau kep tungwagom tirigi sisar sindi srou noni lene ma je di jibit Allah Ninnei nibie tut jeti jiba jingon di nggriu bibrim no dima hanyen kwei ei puig di nijitti. Lene ma jingon sok kep jenti ser nhyema jisindui sut ba, sisar dima srou jeni au.

KOLOSE 3:13

Ma jiwok yam au. Gino jibihi jipai yam kinei lene ma jikos ser jide sisar di jibon tunggwei sut yam biyam. Tuhan ba ningon di llei bikos ser jide sisar tu. Gima rino ma jikos ser sisar di jibon tunggwei sut yam biyam.

TESALONIKA GI NIGOM 4:6

Tut gima ne ma hi bon mun tunggwei sut nisut hi biris noni au. Nisok kep je ngkiem ser nipou su bipia Tuhan mikes hukum ei yo di ibon mun tunggwei nok gima dip.

TESALONIKA GI NICAN 3:15

Ma jiba nitok binoni au. Noro jisok kep noni dem kep nok jisok kep jide adig-ajoi.

TITUS 3:10

Mem no di bindei ba, yo di mbusyamei ikwas yam drek dip ingon di srep tut yam ne ma asok kep noni ngkiem ser mbigom mbican. Gino ningkek ndok ahyet ne ma acom noni leu yo di inggre kin mbusyamei ikieti hak ug.

PETRUS GI NIGOM 3:1

Nok gima cem tut je di sop nya. Ma jiba jibou coi mem jijjep bat nya ighyet leu binhyepo gino bihi ingon jo kep Allah nihyet bi ba, jahap jiji cem bi lo, jiyai munti di kei bibor nya mibindei ba, jijjep bat nya ingon jo kep Kristus.