MATIUS 18:14 - ALLAH NIHYET MEM TUNGWATU NYA

¹⁴ Nok gima cem Jicig ei gwamti ningon llei sut gima yo di ingon mbum noyam kin munggwom mien dini yok ibihi israwir bi.”

MATIUS 18:14 ပူးပေါင်းရင်းမြစ်များ

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MATIUS 18:13

Ma jiyok ngon kep bipia tirigi noni ttau kep domba di srawir lene nillei ngwig sut domba ningut gom dima dor njiriek domba di ningot muhwindatai ba, muhwindatai di israwir bi nya.

MATIUS 18:15

“Gino asut hi bon sisar tut na lene ma aug ngat noni ba, ando nide sisar brei bak nyahan binding leu nindigsi nya igyai him. Gino noni ce tut ade nipingokti lene bindo bipia jingon kwes kin yam hanyen tu.

MATIUS 5:16

Jeni cem ma jinok ninjeng di piga digai dihyeisi dini hagom leu binhyepo tungwatu nya ingat jiyai munti di kei bibor nya apino inggei sut Jicig ei gwamti.”

MATIUS 6:32

Lewo yo di igwam Yesus ninghim ingon bos-bos nyen tut mun dima yok hagom bijo ninno. Jicig ei gwamti kan tut mun di jisuar dima yok hagom tu.

MATIUS 6:9

Gima rino ma jingat nadi nok gini, ‘Arig e, Nangkom ne nyende Allah ei gwamti ri. Handei kon ba, tungwatu nya yahagom inggei sut Na tut anyeng di kwes-kwau cem.

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

YOHANES 17:12

Tirigi digwam bit yok ne diba anyeng di sindem di ayai biDa binyohou yok apino ingwes ngun. Hi srawir bi. Noro no di suar srawir nongkom he. Suar noni srawir bit leu nok gi ipas kep ei Allah nihyetti.

YOHANES 21:15

Tirigi igyem wau nghui bingwig leu lene Yesus hig ser Simon Petrus “Na di Simon di Yona nipmot e, angon ngakei Da nindig dor njiriek nindigsi dini ide ningon ngakei Dati e?” Petrus buhup “Tuhan e, igbit ri. Akan tut bipia dingon ngakei Na.” Yesus pai binoni “Ma anyohou Ditde domba pmot nya.”

2 TIMOTIUS GI NICAN 2:10

Gima rino diba dibou coi mem mun di buhun tak da hagom leu binhyepo yo di Allah dimig yok ei su nya igyai niteu leu sisarti kin niyaijo nijep ba, ipriet kin Allah nikei-kau-keisi di jo kikau tug hon Kristus Yesus.

IBRANI 12:13

Ma jikak puig di sur yam kei leu binhyepo jimig di lit kruwok bu bi noro yai nisindemti bikei hanyen.

PETRUS GI NICAN 3:9

Mbro nok gino tungwatu nya ikan bipia Tuhan binyen tut mun di Noni preu ei mem nye biyai binye bi lo, Noni om ningon tut je lewo joi sut tungwatu nya isar bi. Noni joi sut yahagom ittin ser ide sisar bikiek ndam Allah.