MATIUS 18:10 - ALLAH NIHYET MEM TUNGWATU NYA

¹⁰ “Ma jingon sok kep jenti ser nhyema jingwes pri gau munggwom mien dini hi au. Lewo jiyok ngon kep bipia ide malaikati nya igya hacan mem yok ei Dicig Noho bei ei gwamti bijo ninno. [

MATIUS 18:10 ပူးပေါင်းရင်းမြစ်များ

SAMUEL GI NICAN 14:28

Absalom bong ei minu ndig Yerusalem kikau mem ari bingwam can lo, ngat nibou ndig ningat bou niyai him bi.

NIBOU NDIG NYA GI NIGOM 22:19

Lene Mikha binut bu bipai “Ma angig atingou mem Allah nihyet! Dingat Allah tirigi Noni gwam Nide banggo mbrei dip ei gwamti lene Nide malaikati nya yahagom igya kui Noni.

ESTER 1:14

Yo dima inyeng rino Karsena kin Setar kin Admata kin Tarsis kin Meres kin Marsena kin Memukan ba, nibou ndig ba ningon com yahagom. Ba, igya kui nibou ndig minu Persia kin Media ba, inyeng jei dor njiriek nibou nindigsi nya.

MAZMUR 15:4

di ningwes pri gau yo di Allah kou sut yok nya di nggei sut yo di ibit Allah nihyet di mbro nok gino buhun mem noni lo, miyai hagom bit leu nok nipreu eisi

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.

MAZMUR 34:7

Yo di isindem bi nya ingat nadi bak tuhan leu api Noni buhup ighyet biteu yok leu mun di buhun tak yok hagom.

MAZMUR 91:11

Allah micuk nide malaikati nya leu binhyepo igya ser na bidem ambutti nya hagom.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MATIUS 1:20

Tirigi Yusuf kan-kan nyen tut mun dini yok hagom lene Allah de malaikati gom tau kep noni tirigi bong bimumpriem bipai bak “He na di Yusuf dino ade pung kim Daud e, ma angwes mien tut gima ayai Maria nok atnem au. Lewo noni nghop tug hon Ninnei Gi Kwes.

MATIUS 12:20

Noni midahat pika di koi ba, mu mini njeng di kinei bi noro mita nibou eisi bibou ningon srenti mikieng kep tungwatu nya yahagom ug e.

MATIUS 18:14

Nok gima cem Jicig ei gwamti ningon llei sut gima yo di ingon mbum noyam kin munggwom mien dini yok ibihi israwir bi.”

MATIUS 18:6

“Bikwop no di bindei dino munggwom mien gom ngat he ngkwei leu ba, ba ningon com Da bu bi ne gi kei rino tungwatu nya ikim tig mma di nindig bibor ba, ibisrou no dima nikimam binjei sut ug ei muk jou.

MATIUS 2:13

Tirigi yo di ingon ki nya imbut leu lene Allah de malaikati tau kep Yusuf tirigi bong bimumpriem bisok kep noni “Akiju ba, anang tut munggwom dima pip nipmem ug ei minu Mesir leu lene jibong kikau ei minu dima bibou dihig je hanyen kwei ug e. Lewo Herodes nggok ser munggwom dima mem gima kos Noni.”

MATIUS 2:19

Niabiati Herodes mai leu su lene Allah de malaikati gom tau kep Yusuf ei minu Mesir tug hon ningat-hi-ngat tirigi Yusuf bong bimumpriem,

MATIUS 24:31

Pun mbrei nindig bibor tibim leu api Noni cuk Nide malaikati nya ug ei nite bei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

LUKAS 1:19

Malaikati buhup “Dinyeng Gabriel. Diya hak ei Allah Noho bei. Noni cuk da kwei leu binhyepo ditri tut nihyet di kei dini bina.

LUKAS 10:16

Lene Yesus pai bak yo di ibit Noni “Bikwop no di ngig nitingou mem jihyet lene gima dem kep nok ngig nitingou mem Dani dihyet. No di kou sut je lene gima dem kep nok noni kou sut Dani cem. No di kou sut Dani ne gima dem kep nok noni kou sut No di cuk Da kwei cem.”

LUKAS 16:22

Mpe di gom ne no di nuhui mbum nide njap ngwig hon bimai leu api malaikati nya ibuwak noni buug gwam kui Abraham ninda com ei gwamti. No di nyeng bibor cem nide njap ngwi hon bimai ba, itig.

KISAH 10:3

Mpe di gom mem jam ningai di mpia caisi lene noni ngat-hi-ngat bingat lo, Allah de malaikati gom tau kep noni bihig noni “Kornelius e?”

KISAH 12:15

Noro isrep “Mirei ya angonti.” Noro Rode nihyet jo kep bipia Petrus ningat ri. Noro ibuhup “Gima ne njungwes he.”

KISAH 12:23

Hammi tirigi ikon ighyet nok rino Tuhan de malaikati gom tot Herodes kros lewo noni nggei sut Allah Nongkom he bi. Apino nji nya isui ningut bibindei ba, mai hak ug.

KISAH 27:23

Dikuk da bak Allah di ninyeng tak kep da ba, himmun di aponi lene Noni cuk Nide malaikati gom kwei,

KISAH 5:19

Noro Allah de malaikati gom kau dimbou ig bui leu yok mem mmun bibuwak yok leu ig bui lene pai biyok,

ROMA 14:10

Gima rino disut bat jen, nggon rino jiba jihyet biyai jisut no di ningon jo kep i? Nggon rino jingwes pri gau noni i? Lewo yahagom migya ei Allah nimig him leu binhyepo Noni mbus ingonti.

ROMA 14:21

Gi kei mem jimbres jenti leu mikwau di jiyem kin ba anggur ningei di jidut kin jiyai munti nindigsi nya di bindei dino jisut no di ningon jo kep cut ei sisarti.

ROMA 15:1

Gino iba ingon com Tuhan bibor ne ma yoom ingon tut yo di ingon jo kep Yesus bibor bi nya bimpu yok tut mun di buhun tak yok. Ma ita ibou ei mun di bindei ba, nyenti ingon kei bibor he au.

KORINTUS GI NIGOM 11:22

Mei! Nggon rino jiyai nok i? Jigimbun jide ig mem gima jiyem njita bijidut ba anggur ngei eisi bi e. Nggon rino jibimangkrei Allah de mbusyamei nya ba, jibinim kep yo di yuhui mbum nya i? Dibuhup bije notou i? Dinggei sut jeni e? E bi! Bit bon dinggei sut je kan bi.

KORINTUS GI NIGOM 16:11

Ma hi ningwes pri gau noni au. Noro ma jimpu noni leu binhyepo noni ba ningon di jo nyahan bimbut nut bu ba, ngkwei hanyen ndam da lewo diyok dingon mem noni kin nisut bat nindigsi nya ikweisi.

KORINTUS GI NIGOM 9:22

Tut yo di ingon nddong bi nya ne diyaijo tereu nok no di ningon nddong bi leu binhyepo dibindei ba, ikuk yok bak Kristus. Dindo diyaijoti bak tungwatu nya bit leu nok igyai munti nya leu binhyepo diba nisinati hi gom hi gom bindei ba, igyai niteu leu sisarti kin niyaijo nijep.

KORINTUS GI NICAN 10:1

Nogindini da di Paulus dipai dingon kanti gom bije. Hi pai dinghapti bipia tirigi dingat rin kin je lene diba dibou coi mem tungwatu nya lo, tirigi dingat rin ei minu ting lene dibrim dingkek kep je. Noro diba ningon nggriu sutti kin nisingat tutti di ntun Kristus him,

KORINTUS GI NICAN 10:10

Bihi ipai “Paulus ba nihyet di buhun kin nihyet di ten bipas srat binye. Noro tirigi ningat rin kin nye lene noni ba nibou coi mem nye ba, kimut nuhui hak.”

GALATIA 6:1

Disut bat jen, gino jigom ttau kep tungwagom tirigi sisar sindi srou noni lene ma je di jibit Allah Ninnei nibie tut jeti jiba jingon di nggriu bibrim no dima hanyen kwei ei puig di nijitti. Lene ma jingon sok kep jenti ser nhyema jisindui sut ba, sisar dima srou jeni au.

TESALONIKA GI NIGOM 4:8

Gima rino tungwa tou rino rok ningginausi dini lene rok tungwatu nya ighyet bi noro rok Allah di kes Ninnei nyahan ei jingonti nihyet tu.

TIMOTIUS GI NIGOM 4:12

Ma asindui sut ba, hi ningwes om kep na drek dip gino anok pinjoi pilei au. Noro ma ando bindo di kei bak yo di ingon jo kep nya tug hon mun di tibim ei ahui him kin ayai munti nya cem ba, tug hon angon ngakei tungwatu nyati kin ade niba ningon com Kristusti kin angon kwesti.

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

IBRANI 9:24

Lewo Kristus coi ug ei Ninsi Di Kwes-Kwau di tungwatu nya ibon bou inda him di dat Ninsi di jo kikauti bi. Noro noni coi kikau ug ei gwamti biya ei Allah Noho bei leu binhyepo ya hacan mem nye.

NINGAT-HI-NGAT NYA 8:2

Gima ngwig leu lene dingat malaikati nya ibou muhwindacan di igya ei Allah Noho bei bikrau pun mbrei nika muhwindacan.