MATIUS 17:17 - ALLAH NIHYET MEM TUNGWATU NYA

¹⁷ Yesus buhup “Mei! Jiba jingon com Da haigtu bi ba, jingon tindak e? Suar diya tut je ba, doom dingon tut je njap pig bu i? Ausap apmot kwei biDa!”

MATIUS 17:17 ပူးပေါင်းရင်းမြစ်များ

MAZMUR 95:10

Dikou sut yok mem ari bingwam ningot bitai bidikan “Yo dima ingon mang ba, ingkek ndok tut Side nicuk yokti nya.

NEHEI LEUSI 10:3

Gima rino Musa kin Harun yuug ngat Firaun bipai binoni “tuhan di nok mben Ibrani ide Allah hig ser na di Andigpoi bipia apig bu api akes hon ba, akuk na biNoni bu i? Suar akes Nide limwa nya bimbut leu binhyepo ikuk yok biNoni.

NEHEI LEUSI 16:28

Gima rino tuhan hig ser Musa “Yo dima ingkek ndok tut Ditde nicukti mem njap pig bu i?

NIPINGOK NINGONTI 1:22

Bipai “Je di jingon mbum e, mijisindui sut jingon mbumti kikau e? Ug ei mpe di tou leu api jiba nintin kimboti bikek ba, jikou sut ningon di dor niti bu bi i?

NIPINGOK NINGONTI 6:9

No di bong biei nda dip mibong mem nijam pig bu i? Ug ei mpe di tou leu api noni mikiju hanyen i?

YESAYA 19:14

tuhan rino bindei ba, iba nipingokti di bindei di ingon kiowi niti bipingok ide limwa nya. Gima ribindei di mben Mesir ibon mun tunggwei-tunggwei nyen ba, intig kriek-kriek nyen bidem kep yo di idut pes di ibou ngwak sibui di yonti injim dia tut yok ba, icut bitoi yonti injim a.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

MBEN ISRAEL IMBUT-MBUT NYEN 14:11

Lene tuhan hig ser Musa “Yo dini misrep tut Da kikau apig bu i? Mbro nok gino dindo bindo kin mun di mindur mang bibor ei ikieti tu lo, iba ingon com Da bi kikau apig bu i?

MBEN ISRAEL IMBUT-MBUT NYEN 14:27

“Yo di imbuk dini minso-nso nyen tut Da mem nijam pig bu i? Cobi! Dimiap mun di inso-nso nyen tut dima hagom tu.

MATIUS 13:58

Gima rino Yesus bibon mindur mang bibor ei mpia ttou nsi dima bi drek dip gi iba ingon com Noni bi.

MATIUS 16:8

Yesus kan tut mun di isimbot kep biyam dima leu api hig ser yok “Jisimbot kep biyam tut roti di jipwoi kwei bi tut nggon i? Jiba jingon com Da haigtu bi!

MATIUS 17:16

Duusap noni kwei bidindo noni bak yo di igya kui Na noro bit bon ibindei ba, kei hanyen kan bi.”

MATIUS 17:18

Lene Yesus ba nihyet bijji ninnei rom gom leu mot dima ningonti. Tirigi Noni pai nok rino mot pima kei hanyen hak.

MATIUS 6:30

Gino Allah pai tes mitou di kieng ammani leu api njap di hyep bu mui hanyen ba, tungwatu nya indig bingwig ne Noni minyohou jeni cem bi e? Mei! Jiba jingon com Noni haigtu bi e?

MATIUS 8:26

Yesus buhup “Jidigit tut mindei i? Jiba jingon com Da bi!” Lene Noni kiju biya leu api ggai ser hou di ten bibor kin igpong di roi bibor apino hou ntus hak ba, mpia mbum-bra.

MARKUS 16:14

Gima leu lene Yesus ndo Nonti brei bak yo di igya kui Noni ibou simnaibrimiggom tirigi igyem njita. Noni sinsam yok tut ide niba ningon com Noni mungkun bisi ba, ingon bit yo di ingat Noni bou igyai him tirigi kiju hanyen leu nimai eisi tu pima ighyet cem bi.

MARKUS 9:19

Lene Yesus buhup “Mei! Jo nibreisi bipia jiba jingon com Da bi! Diya tut je njap pig bu i? Doom dingon tut je njap pig bu i? Juusap noni kwei biDa!”

LUKAS 24:25

Lene Yesus pai biyok “Jingon mbum yo! Jingon tindak cem lewo jingon jo kep mun di tibim ei nabi nya yuhui him bi!

LUKAS 9:41

Yesus buhup “Mei! Jiba jingon com Da haigtu bi ba, jingon tindak e? Diya tut je njap pig bu i? Doom dingon tut je njap pig bu i? Ausap apmot kwei biDa.”

YOHANES 20:27

Leu api Yesus pai bak Tomas “Angat dinda ba, ayok anda pijum eisi lene asu anda ei dikimbu nimuhweisi cemti. Ma ahig angon eisi bu au noro ma angon jo kep!”

KISAH 13:18

Noni om ningon tut yok drek dip igyai munti nya kikau mem ari bingwam ningot bitai ei iggum ndigsi.

KISAH 2:40

Nok gima lene Petrus mbot kep tut biyok leu api huk nihyet kikau bisok kep yok “Ma jibrim jingkek leu binhyepo jingwes ngun leu hukum dino Allah mikes ei yo di isibut dini yok dip.”

KORINTUS GI NICAN 11:1

Mbro nok gino diba dintin di kiek bimbrap bit je noyam kin no di ningon jei lo, ma jisindui sut da mbigom ug e.

NINDAT KEP TUHAN NICUKTI NYA 32:5

Noro jingon gom tut Noni ba, dem mem Noni hig je nok Nide limwa nya bi. Lewo jinok mben di ibon sisar di kinei bibor ba, iris mun cem.