MATIUS 16:27 - ALLAH NIHYET MEM TUNGWATU NYA

²⁷ Lewo Munggwom Tungwatu Nipmot mikwei sut Nicig Nide nikei-kau-keisi kin Nide malaikati nya leu api mibirop hanyen bak tungwatu nya gom gom bit leu nok igyai munti nya.

MATIUS 16:27 ပူးပေါင်းရင်းမြစ်များ

AYUB 34:11

Noni birop bak tungwatu nya dem igbit igyai munti nya. Bibon bak tungwatu nya bit leu imuhup di mitau biyok.

MAZMUR 62:12

Dimiap Allah nihyet di pai poi su bipia ninyeng tak kep nisindemti titut yam ba,

NIPINGOK NINGONTI 24:12

Gino akan “Handei kon ba, sisrig nide munhyetti au.” Lene Allah mingig niyai kep na. Noni kan bidem tut akanti dima leu api ba ningon di sren kei bimbus angonti. Noni birop hanyen bak tungwatu nya bit leu igyai munti nya.

NIBA NINGON SRIP HUKTI 3:17

Lene di kan “Allah migwam nok nikei bimbus yo di ingon sren nya kin yo di isibut bibor nya ingonti. Lewo Noni bon nituti mem mun di pek kep nya kin tungwatu nya igyai munti nya cem hagom.”

YEREMIA 17:10

Da di tuhan rino diput ser tungwatu ingonti nya. Dibingon mun di jo ingon bei cem. Dibirop bak tungwatu nya bit leu igyaijoti. Dibibon yoni bit leu igyai munti di igyai kep nya.”

YEREMIA 32:19

Angon kanti di akos tut ei nya bibon ninggap leusi ba, Ade nibon munti nya mindur. Angat bidem mun nyeng hagom di tungwatu nya ibon ba, abirop biyok dem igbit ide nibon munti nya.

YEHEZKIEL 18:20

No di bon sisar nongkom he rino mitug ndei nimai drek dip. Nipmot mitug midut drek dip nicig de sisar bi ba, nicig cem mitug midut drek dip nipmot de sisar bi. No di ningon kwes mitug ndei mun di kei drek dip niyai munti di kei bibor nya. No di mbuk mitug midut drek dip niyai munti di kinei bibor nya.

YEHEZKIEL 7:27

Nibou ndig nya mipim kui jei lene nipmot di ya luei nohoti cem ningon dahat leu ba, limwa nya midigit-digoi ei ide nittinti. Midikes hukum ei je dip bit leu jide nibon munti nya hagom. Digwam nok nikei mem je nok gi jigwam nok nikei mem yo di hiter tu. Leu api mijikan tut bipia Dani ne tuhan ri.”

DANIEL 7:10

Hum dwim kwei leu banggo mbrei dima noyam kin minyei di biam kwei leu minyei bousi. Nide awak nya ibou sribu-ribu kin tungwatu nindigsi di imangti ibou juta-juta igya ei nimig him. Tto bou dem mem nikei mbus tungwatu nya ingonti leu api noni mbrek leu srat nya.

ZAKHARIA 14:5

Mijidor kak briep di bikwas nungug can dima noyam kin jidigup bat-jidigai bat di nipou nya inang ei mpe di ngkit cut ei nijam di nibou ndig Uzia di ninyeng tak kep timiei Yehuda nya yo. Lene ditde tuhan Allah mikwei sut Nide malaikati yahagom di injei bit Noni.

MATIUS 13:41

Munggwom Tungwatu Nipmot micuk Nide malaikat nya leu binhyepo yuug mbus yo di ibindei dino hiter cut ei sisarti kin yo di isibut bibor nindigsi nya yahagom kwei leu Allah Ninyeng Tak Kepti.

MATIUS 13:49

Gima ne bindo tut Njap Ningwig Honti ri. Mpe dima ne malaikati nya mittei yam mem gima imbus yo di isibut nya leu yo di ingon sren nya ikieti.

MATIUS 24:30

Gima ngwig leu lene Munggwom Tungwatu Nipmot nide bindo piga mpia-bbed him. Mpe dima ne tungwatu dihyeisi dini hagom ipim tirigi ingat lo, Munggwom Tungwatu Nipmot tau kwei sut Nide nisindemti kin Nide nikei-kau-keisi ei bumbuhuiti kwei.

MATIUS 25:31

“Tirigi Munggwom Tungwatu Nipmot mikwei hanyen nok Nibou Ndig bitut malaikat nya yahagom cem lene Noni migwam ei Nide banggo mbrei di kei-kau-keiti.

MATIUS 26:64

Yesus buhup “Bit leu nok apaisi dima. Noro ma jiyok ngon kep bipia hon kep ammani kui mporo jingat Munggwom Tungwatu Nipmot di gwam kui Allah Di Sindem Bibor ninda com lene mijingat Gi kwei hanyen ei bumbuhuiti leu mpia-bbed him kwei ri!”

MATIUS 8:20

Yesus buhup “Nsien bigbehei nya ibong kikepti nonaha, Ha nya cem ibas nonaha. Noro Munggwom Tungwatu Nipmot bon nibongti hi bi.”

MARKUS 14:62

Yesus ce “Bit leu nok jipaisi dima. Mijingat Munggwom Tungwatu Nipmot di gwam kui Allah Di Sindem Bibor ninda com tirigi Noni kwei ei bumbuhuiti leu mpia-bbed him kwei ri!”

MARKUS 8:38

No di mmai sut Da bitut Ditde ningginausi nya mem nijam di mpung tut tungwatu nya di ingon rom bingkek ndok cem dini lene Munggwom Tungwatu Nipmot mimmai sut no dima tirigi Noni kwei sut Nicig Nide nikei-kau-keisi kin malaikati di dia-diau nya.”

LUKAS 21:27

Mpe dima lene Munggwom Tungwatu Nipmot mittau kwei sut Nide nisindemti kin Nide nikei-kau-keisi ei bumbuhuiti kwei ri.

LUKAS 22:69

Hon kep ammani kui ne Munggwom Tungwatu Nipmot gwam kui Allah Di Sindem Bibor ninda com.”

LUKAS 9:26

No di mmai sut Da bitut Ditde ningginausi nya lene Munggwom Tungwatu Nipmot cem mimmai sut no dima tirigi Noni kwei sut Nide nisindemti kin Nicig Nide nisindemti kin malaikati di dia-diau nya ide nisindemti!

YOHANES 21:22

Yesus buhup “Gino dijoi sut bipia no dima niyaijo kikau ug bipek dikwei hanyenti kep lene ma aba angon srip huk munhyet dima au. Noro tut nani ne ma abit Da!”

YOHANES 21:23

Gima rino yo di ibit Yesus nindigsi nya isuglai biyam bipia no dima mimai bi sren. Noro Yesus pai sut no dima niyaijo kikausi bi. Noni pai hak “Gino dijoi sut bipia no dima niyaijo kikau ug bipek dikwei hanyenti lene ma aba angon srip huk munhyet dima au.”

KISAH 1:11

bipai biyok, “Je di mben Galilea e, nggon rino jiya hak bijitou kep mpia-bbed him i? Allah kon Yesus bikui ug ei gwamti leu joho bei. Noni mikwei hanyen tug hon nisinati di jingat bou jiyai him aponi dima yo.”

ROMA 14:12

Gima rino bikwop nyeni yahagom mibuhup hanyen bak Allah tut igyai munti nya.

ROMA 2:6

Lewo Allah mibirop hanyen bak tungwatu nya yahagom bit leu nok igyai kepti nya.

KORINTUS GI NIGOM 15:23

Noro bikwop tungwagom-gom mikiju hanyen sindam ba, Kristus nok mighumbou bibie ug e. Leu api Kristus de limwa nya mikiju hanyen bu nok nipumiap mem Kristus nikwei hanyenti.

KORINTUS GI NIGOM 3:13

Mun di ibingot ig mijo ei nibreisi tirigi Kristus De Njap piga digai ide igya. Lewo hum njeng di sror mem Njap dima mibingon bibikwop ig dima hagom leu binhyepo ndo igbit mun di ibingot ide ig dima nibon ninyengti.

KORINTUS GI NIGOM 8:8

Ningat ne njita bikum ei ide ningon kwes kin Allahti bi. Gino igyem njita lene gima bindei ba, itug ndei mun di kei hi bi. Gino igyem njita bi lene gima bindei ba, ikrau tunggwei mun di kei cem bi.

KORINTUS GI NICAN 5:10

Lewo ikan tut bipia yahagom mikuk nye ei Kristus Noho bei lewo Noni ne Nikei ri. Noni mimbus tungwagom-gom ningonti leu api buhup biyok bit leu nok igyai munti di kei nya kin gi kinei nya di igyai kikep tirigi ingat rin ei dihyeisi dini.

EFESUS 6:8

Ma jiyok ngon kep bipia awak nya kin yo di igyati kwes nya yahagom mitug ndei imuhup leu Tuhan drek dip ide midyai di kei bibor nya.

KOLOSE 3:25

Tungwa tou rino yai mun tunggwei mitug ndei nimuhup sur nitunggweisi. Lewo Allah mbus nggok tungwatu bibit leu nok itta di jo brei bou niyai him bi.

TESALONIKA GI NIGOM 1:10

jimem kep ser Nipmot nikwei hanyenti leu gwamti. Lewo Allah win Nipmot Yesus hanyen leu nimai eisi tu ba, Noni miteu nye leu hukum di mikwei drek dip Allah nigga biborti.

TESALONIKA GI NIGOM 4:16

Mpe dima lene Allah nihyet sra tut nicukti lene malaikati nibou ndig nihyet kin Allah de pun mbrei hacem mitibim leu api Tuhan Yesus Nonti mijuk kwei leu gwamti. Lene yo di imai su di iba ingon com Kristus nya mikiju hanyen leu imai eisi bibie ug e.

YAKOBUS 5:7

Gima rino disut bat jen, ma jibet jingon mem Tuhan nikwei hanyenti. Dem kep nok no di ndim ningan di bet ningon kikau ba, njita len kep. Noni bet ningon mem bed di biang mpia di but kwei kin bed di biang bigeda.

PETRUS GI NIGOM 1:17

Tirigi jingat nadi bak Allah lene jindat kep ninyeng Arigya. Noni mbus nggok tungwatu nya bibit leu nok yonti njem di Noni ngat bou niyai him bi. Noro buhup biyok bit leu nok igyai munti nya. Gima rino ma jiba jiyaijoti ei dihyeisi dini bikon Allah ninyeng.

YOHANES GI NIGOM 2:28

He dimunggwom bat jen, ma jiyaijo nok gom kin Kristus leu binhyepo tirigi ttou bou dem mem Noni ttau hanyen kwei lo, no sisip ibrim ingkek yo ba, immai sut nyenti ei Noho bei bi.

YUDAS 1:14

Lewo Henokh di nok pung nimuhwindacan di ntun Adam him tri tut yo dini mimbrek ngan tu bipai “Jingat i! Tuhan mehei sut Nide malaikati di ingon kwes-kwau nya ibou sribu-ribu kwei,

NINGAT-HI-NGAT NYA 1:7

Jingat i! Noni mikwei ei bumbuhuiti kwei ri! Tungwatu nya yahagom bitut yo di idat Noni cem ingat Noni ei igyai him. Ba, tungwatu dihyeisi dini hagom iba nicot bipai sut nikweisi. Gini ne mun di mungkun ri! Igbit ri!

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

NINGAT-HI-NGAT NYA 20:12

Leu api dingat lo, yo di imai su nya bitut yo di inyeng jei nya kin yo di inyeng bi nya yahagom igya simiak banggo mbrei. Lene hi mbrek leu srat nya lo, mbrek leu srat gom kin bu ba, srat dini ne Srat Yo Di Igyaijo Nya ri. Yo di imai su nya itug ndei hukum bibit leu igyai munti nya di jo ei srat dimati.