MATIUS 16:24 - ALLAH NIHYET MEM TUNGWATU NYA

²⁴ Lene Yesus pai bak yo di igya kui Noni “Bikwop no di joi sut bit Dani lene ma ningon hek tut mun di bon ninyeng mem nonti au. Noro suar kon nide biei salib bibit Da.

MATIUS 16:24 ပူးပေါင်းရင်းမြစ်များ

MATIUS 10:38

No di kon nide biei salib bibit Da bi ne noni dem mem gima ya kui Da bi.

MATIUS 27:32

Tirigi ibuwak Yesus biyuug cut puig sinon lene yuum Simon leu Kirene. Ikat noni bikes Yesus de biei salib ei ninghat dip bittei.

MARKUS 10:21

Yesus tou kep noni nggilun bingondut lene pai binoni “Atunggwei sut mun nyeng gom ngat he. Ma atri ade ndigban hagom ba, abipek mitiei leu api akwas hagom tut yo di yuhui mbum nya leu binhyepo abikum ei ade mun di keiti mem nanti ei gwamti. Ayai gima bidem leu api akwei bit Da.”

MARKUS 15:21

Imbut biyuum Simon leu minu ndig Kirene tirigi noni jo leu ngoi dumti kwei. Ikat noni bikes Yesus de biei salib ei ninghat dip bittei. (Simon nitimieisi leu minu ndig Kirene ba, nipmot bat cin inyeng rino Aleksander kin Rufus.)

MARKUS 8:34

Leu api Yesus hig tungwatu ningot ndig dima kwei bit yo di igya kui Noni bipai biyok “No di joi sut bit Dani lene ma ningon hek tut mun di bon ninyeng mem nonti au. Noro suar kon nide biei salib bibit Da.

LUKAS 14:27

No di kon nide biei salib bibit Da bi dem tut gima ya kui Da bi.

LUKAS 23:26

Gima rino tentara nya ibuwak Yesus bimbut tut ba, ikat Simon leu minu ndig Kirene ei puig sinon tirigi jo leu ngoi dumti bikwei dideu minu ndig dima. Ikes Yesus de biei salib ei Simon ninghat dip bittei bram Yesus.

YOHANES 19:17

Yesus hei ug ei ngug sai bittei Nide biei salib buug sut ei mpia ttou nsi di ijem ninyeng Gumihyep Nimbiam Bou. (Iba nihyet Ibrani bijem ninyeng Golgota.)

YOHANES 21:19

(Tug hon nipaisi dima lene Yesus mbot kep tut notou Petrus miba nimaisi bikon Allah ninyeng ei nidipti bu.) Gima ngwig leu api Yesus pai binoni “Abit Da.”

YOHANES 21:22

Yesus buhup “Gino dijoi sut bipia no dima niyaijo kikau ug bipek dikwei hanyenti kep lene ma aba angon srip huk munhyet dima au. Noro tut nani ne ma abit Da!”

KISAH 14:22

Yoni ibiwin kep yo di ingon jo kep nya ingonti ei minu ndig dima yok leu binhyepo igya ngkiem ba, iba ingon com Yesus kikau. Yoni ingginau timiei nya ei minu ndig dima yok bit leu nok Yesus nipaisi “Mun di buhun mang bibor cut igkep nye di ikak puig di bie ug ei Allah Ninyeng Tak Kepti.”

KOLOSE 1:24

Nogindini ninghuisi wei di diyai drek dip je biyai dingon llei. Diyai munti nya bindei ba, ninghuisi wei di ug hon nohonti bigyo di Kristus de awak nya igyai drek dip nimaisi ei biei salibti dima ngwig sindam. Diyai ninghuisi wei drek dip mbusyamei di ijem ninyeng Kristus ningut.

TESALONIKA GI NIGOM 3:3

leu binhyepo jigom ngkwei hanyen drek dip tungwatu nya di ihwen bit je bi. Lewo jikan tut bipia Allah sindui sut ba, tungwatu nya igyai ninghuisi wei binye.

2 TIMOTIUS GI NICAN 3:12

Jo nibreisi bipia yo di ijoi sut gima igyai mun bit leu Allah ningon kanti mem yok ba, inok gom kin Kristus Yesus cem migyai ninghuisi wei leu yo di ihwen bit yok lo,

PETRUS GI NIGOM 2:21

Noni dimig je ei mem gima jiyai ninghuisi di wei. Lewo Kristus Nonti yai ninghuisi wei drek dip je ba, ndo bindo bije leu binhyepo jiyai bram niyaisi.