MATIUS 16:21 - ALLAH NIHYET MEM TUNGWATU NYA

²¹ Leu mpe dima bikui ne Yesus kindi pai brei bak yo di igya kui Noni “Suar Da duug ei Yerusalem leu api nibou mben Yahudi nya kin imam nindig nya kin guru Puig Yahudi nicukti nya migyai ninghuisi wei biDa leu api mijem nimai gau Da noro njap ningai bu lene midikiju hanyen leu dimai eisi.”

MATIUS 16:21 ပူးပေါင်းရင်းမြစ်များ

MATIUS 12:40

Yunus bong ei wau ndig ninghopti mem mmun-njap ningai. Nok gima cem tut Munggwom Tungwatu Nipmot. Noni mibong ei dihyei jou mem mmun-njap ningai.

MATIUS 16:22

Lene Petrus buwak noni ter leu api kindi srep “Tuhan e, apai nok au! Allah misindui sut mun dima bicut igkep Nani bi sren!”

MATIUS 16:28

Ma jiyok ngon kep bipia je di jingat rin ei mpia dini jibihi mijimai bi bibou jingat Munggwom Tungwatu Nipmot di kwei nok Nibou Ndig bou jiyai him ug e.”

MATIUS 17:12

Noro dipai bije bipia Nabi Elia ttau kwei su noro tungwatu nya ingat igbit noni bi. Ibibon noni ugwai-gwai bit leu ingon kanti. Nok gima cem tungwatu nya mibibon Munggwom Tungwatu Nipmot ugwai-gwai.”

MATIUS 17:9

Tirigi ijuk kep kwei leu mbigdip dima lene Yesus sok kep yok ngkiem ser “Ma jitri tut mun di jingat bou jiyai him dima au bibou Munggwom Tungwatu Nipmot kiju hanyen leu nimai eisi ug e.”

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

MATIUS 26:2

“Jikan tut bipia njap can bu ne tto bou dem mem ibon pesta kep Njap Ndig Paskah ri. Lene tungwagom mikes Munggwom Tungwatu Nipmot ei siceu nya indati leu api yoni mipek Noni ei biei salibti.”

MATIUS 26:47

Tirigi Noni pai biyok nok rino Yudas di nggre kin ibou simnaibrimigcan dima tau kep yok bibuwak yo di isibut nya di ikwei sut ide simeda kin biap tindak. Imam nindig nya kin nibou mben Yahudi nya icuk yok kwei.

MATIUS 27:12

Noro tirigi imam nindig nya kin nibou mben Yahudi nya ikkin kep Yesus ninghapti tut mun nyeng mang bibor lene Yesus birop ighyet bi.

MATIUS 27:63

bipai binoni “Andigpoi e, nikan kep bipia tirigi niris mun cig pima niyaisi jo yo ne pai bak tungwatu nya ‘Njap ningai bu ne mporo dikiju hanyen leu dimai eisi.’

MATIUS 28:6

Ningat rin ei mpia ttou nsi dini bi. Noni kiju hanyen leu nimaisi bit leu nok nipaisi tu. Jikwei ngat mpia di ikes ningut eisi rini.

MARKUS 8:31

Gima ngwig lene Yesus kindi ngginau yo di igya kui Noni bipai “Suar Munggwom Tungwatu Nipmot yai ninghuisi wei nindig bibor ba, mben Yahudi ide nibou nya kin imam nindig nya kin guru Puig Yahudi nicukti nya mikou sut Noni. Tungwatu nya migyai nimai biNoni noro njap ningai bu lene Noni mikiju hanyen leu nimai eisi.”

MARKUS 9:12

Yesus buhup “Gima igbit rin lewo Nabi Elia ttau bibie kwei leu binhyepo nyohou dimig mun nyeng hagom bikei hanyen. Noro notou mem Munggwom Tungwatu Nipmot i? Nggon rino Allah nihyet pai sut Munggwom Tungwatu Nipmot bipia miyai ninghuisi wei nindig bibor ba, tungwatu nya mibimangkrei Noni ugwai-gwai i?

LUKAS 17:25

Noro suar Noni yai ninghuisi wei nindig bibor bibie ug e ba, tungwatu nya ei nijam dini mikou sut Noni.

LUKAS 24:46

Lene Noni pai biyok “Suar Nibou Ndig di teu tungwatu nya biyai niyaijo nijep biyok yai ninghuisi wei leu api kiju hanyen leu nimai eisi ei njap gi niningai.

LUKAS 9:31

Nikei-kau-keisi leu gwamti piga yahacem. Yoni imbrap bit Yesus tut nimaisi di jei bi Noni mibindei mbut ei Yerusalem bit leu nok Allah ningon kanti mem Noni.