MATIUS 16:19 - ALLAH NIHYET MEM TUNGWATU NYA

¹⁹ Midiyai kusin mem Allah Ninyeng Tak Kepti bina leu binhyepo mun di aggai ser ei dihyeisi dini lene Allah ei gwamti ggai ser. Mun di asindui sut ei dihyeisi dini lene Allah ei gwamti sindui sut.”

MATIUS 16:19 ပူးပေါင်းရင်းမြစ်များ

YESAYA 22:22

Noni miyai nisindemti titut yam ei nibou ndig di ntun Daud him ninda behei. Noni mikrau kusin mem minu ndig dima ninyeng tak kepti cem. Gino noni kau leu lene bit bon hi dima nggam kep kan bi. Lene gino noni nggam ser lene bit bon hi dima kau leu kan bi.

MATIUS 18:18

“Ma jingon dorti tut gini ug e. Mun di jiggai ser ei dihyeisi dini ne Allah ei gwamti cem ggai ser tu ba, mun di jisindui sut ei dihyeisi dini ne Allah ei gwamti cem sindui sut tu.

YOHANES 20:23

Gino jikos ser tungwatu nya ide sisar lene Allah cem kos ser ide sisar. Gino jikos ser ide sisar bi lene Allah cem kos ser ide sisar bi.”

KISAH 15:7

Iba ighyet bidahat yam ninno tu lene Petrus kiju biya lene pai biyok “Disut bat jen, jikan tut bipia Allah dimig da leu jikieti nipou su leu binhyepo ditri tut Nihyet Di Kei bak ngkiai nya apino yoni cem imiap nihyet ba, ingon jo kep Yesus.

KORINTUS GI NICAN 2:10

Gino jikos ser hi nide mun di yai tunggwei ne bitut dani cem ba, dikos ser tu. Lewo tut mun di dikos ser tu (gino ningat ne suar dikos ser mun nyeng hi) ne dikos ser ei Kristus niyai him lewo disingat tut je.

TESALONIKA GI NIGOM 4:8

Gima rino tungwa tou rino rok ningginausi dini lene rok tungwatu nya ighyet bi noro rok Allah di kes Ninnei nyahan ei jingonti nihyet tu.

NINGAT-HI-NGAT NYA 1:18

kin No di niyaijo ri. Nipou ne dimai su noro angat i! Nogindini diyaijo kikau buug hon nohonti bi. Dinyeng tak kep yo di imai su kin minu nimai nya ide.

NINGAT-HI-NGAT NYA 11:6

Nabi cin dini inyeng tak kep mpia-bbed him leu binhyepo ibindei ba, mpia but bi mem nijam di itri tut Allah ningon kanti. Inyeng tak kep minyei yaisi nya bibindei minyei yaisi nya noyam kin nggrom. Inyeng tak kep nsuwer ajar ninyeng hagom bibindei ba, kieng kep dihyeisi dini ninyen bit leu ingon kanti.

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.

NINGAT-HI-NGAT NYA 9:1

Tirigi malaikati gi nimuhwi miep nide pun mbrei lene dingat ham ningat gom di cut ug ei dihyeisi mu bikrau kusin jui ninnei rom nya ide.