MATIUS 16:18 - ALLAH NIHYET MEM TUNGWATU NYA

¹⁸ Gima rino dipai bina di Petrus bipia nani ne tig di nddong kei ri. Midita Ditde mbusyamei ei tig di nok cou nipmem dip rin ba, bit bon Bilis kin nide limwa nya ibindei cut mbusyamei dima kan bi.

MATIUS 16:18 ပူးပေါင်းရင်းမြစ်များ

NITRITI 22:17

Gima rino midinjei mun di kei nindig bibor bak nani ba, dibindei ba, ade nintun him yamti di bram yam nya imangti dem ham mpia-bbed him kin iggum ei muk nipimat cem nimangti. Yoni migya kep bihwen ide siceu nya yahagom bitimek.

SAMUEL GI NICAN 18:4

Lene nibou ndig buhup “Igbit ri. Midiyai hagom bit leu jingon kanti.” Lene noni ya kui dimbou heisi tirigi nide limwa nya inyohou mbus yam ei nimpung nya ibou sribu gom kin ibou sratus gom ba, ikinyon ei ide nimbut bikon pranti.

AYUB 38:17

Hi ndo dimbou nya di ngkiem ser nimai nya ikieti di dindi kai bina tu e?

MAZMUR 107:18

Ingon him wei bibindei ba, igyem njita kan bi apino iduhug-duhug nyen.

MAZMUR 127:5

No di krau tibor di nok gima mang bibor ningon nggei-hi-nggei ei mpe di noni um nide siceu nya ei nikei noho bei lewo noni micut biyok bi sren.

MAZMUR 129:2

Nyende siceu nya ihwen bit nye habiei nijam di nipilei yo kwei su. Noro gi mbun igibindei timek nye kan bi.

MAZMUR 69:12

Ipa ndip da drek dip gi dijuk sinsun kron dem kep nok no di ningon ngguk tut nimai.

MAZMUR 9:13

Lewo Noni yok ngon kep yo di yuum mun di nggruk nya. Noni gibbwe ser yok tirigi yahara Noni bi. Noro kes hukum ei yo di imbuk tut yok nya dip.

NIPINGOK NINGONTI 24:7

Bit bon no di ningkek ndok ningon dorti tut ningon kiti kan bi lewo jut bibor. Bit bon noni bohom ndat mun hi ei mpe dino hiter isimbot kep biyam tut mun di bon ninyeng kan bi.

YESAYA 28:16

Gima rino tuhan Di Sindem Bibor pai “Midita cou nipmem di sindem bibor ba, nddong kei cem ei mem Sion. Midiprion tig mma di bon ninyeng ei ig nuhuisi ba, mun di ipas eisi pai ‘Tungwa tou riba ningon com Da bingkiem kei miningon pus tut bi.

YESAYA 28:6

Noni mibindei ba, nikei nya iba ingon di sren bimbus tungwatu nya ingonti. Noni miyai nibrim ningkekti bak yo di igya ei ngug tig dip di itindei ser ide siceu nya ikweisi.

YESAYA 38:10

Dipai bipia side njap ug ei nahacanti he yo lo, suar suug bisibindei ngwig side njap nikenti ei minu nimai nya ide.

YESAYA 54:17

Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.

YUNUS 2:6

Dicut ug ei muk jou dideu nungug nikiou nya bidikan bipia aom kusin ser dimbou heisi ei dibinyai dip bijo ninno. Tirigi diduhug-duhug nyen ne dingat nadi bak Na di tuhan di angat rin ei Ade Ig di kwes-kwau leu api amiap mun di dipai hwou biNa tu. tuhan di nok ditde Allah kon da leu minyei jou bidiyaijo hanyen.

MATIUS 10:2

Yo di igya kui Noni inyeng rino Simon (ijem ninyeng hi Petrus) kin nikinjoi Andreas kin Yakobus kin nikinjoi Yohanes di Zebedeus nipmot bat cin,

MATIUS 11:23

Nok gima tut je di timiei minu ndig Kapernaum cem! Jijoi sut jingon di jei kui sur mpia-bbed him e? Noro Allah micom je ug ei hum njengti! Mindur di dibibon mem je pima gino dibibon bak timiei minu ndig Sodom ne minu ndig dima mijo nijoti kikau kwei bipek ammani kep.

MATIUS 18:17

Gino ningon tunggwei yo dima cem ide nipingok noti lene ma ambot kep tut bak yo di inggre kin mbusyamei nya yahagom. Gino ningon tunggwei yo di inggre kin mbusyamei cem ide nipingok noti lene ma aba anghim birok noni noyam kin no di gwam Allah ninghim kin no di ya tindei belasten biyem jimuhup cem.”

MATIUS 4:18

Tirigi Yesus mbut nimig ug ei Igpong Galilea nintig dip lene Noni ngat Simon Petrus kin Andreas nikindig-nikinjoi nya di iba jala bipos wau ei minyeiti lewo gima ne ide midyai di igyai kep nya ri.

MATIUS 7:24

“Bikwop no di miap kep dihyet bibit hagom lene no dima dem kep tukan di ningon ki di ngot ig ei tig di nok cou nipmem dip.

YOHANES 1:42

Leu api noni buwak Simon bikwei ngat Yesus. Yesus ngig niyai kep Simon lene pai bak “Anyeng Simon ba, acig ninyeng Yona. Noro hon kep ammani kui ne ijem anyeng Kefas bu.” (Ninyeng Kefas noyam kin ninyeng Petrus ba, ndo tut nungug tigya.)

KISAH 2:47

Yoni inggei sut Allah ba, tungwatu nindigsi nya yahagom ijoi sut yok. Tuhan ba yo di sindi igyai niteu leu sisarti kin niyaijo nijep bikum ei yo di ingon jo kep nya imangti bikwop njap-njap.

KISAH 20:28

Ma jinyohou jenti kin jide domba nya di Allah Ninnei ba ningon com je tut cem yahagom. Ma jinyohou jide mbusyamei nya noyam kin gembala di nyohou domba nya lewo Allah bindei ba, Nonti nok niceu mem mbusyamei nya tug hon Nipmot nimaisi.

KISAH 8:1

Ba, Saulus cem ningon kei sut Stefanus nimaisi. Ei njap gom ndia lene tungwatu nya sindi ihwen bit yo di inggre kin mbusyamei ei minu ndig Yerusalem nindig bibor. Gima rino yo di ingon jo kep nya inang bintek gimahap bidem hanjop Yudea kin Samaria noro yo di igya kui Yesus igwam nyahan bintek gimahap bi.

KORINTUS GI NIGOM 15:55

We nimai e, ade nisindemti di bindei timek nye no ritou i? We nimai e, ade nisindemti di pinggin nye no ritou i?

GALATIA 2:9

Jo nibreisi mem Yakobus kin Petrus kin Yohanes bipia Allah ndo midyai di bon ninyeng dini bida. Gima rino ibou ningai dini di tereu nok ninyohou mbusyamei cig iba inda com bikrau Barnabas nyeni ninda nok bindo bipia ninjei bit yam. Nahagom nice tut yam hyet bipai bipia nyeni niyai midyai ei ngkiai nya ikieti lene yoni igyai midyai ei mben Yahudi ikieti.

EFESUS 3:10

leu binhyepo tini bu lene mbusyamei nya ibindei ba, mun nyeng hagom di ikrau kep nisindemti ei mpia-bbed him nya ikan tut bipia Allah ningon kiti bon ninyeng mang bibor.

EFESUS 5:32

Nipas kepti dini mbot kep tut nimimun di jut bibor lo, dikan tut bipia bitut Kristus kin mbusyamei.

KOLOSE 1:18

Kristus ne nibou mem Nonti ningut ri. Ningut dima ne mbusyamei ri. Noni ne niyaijo nibousi mem ningut ri. Noni ne Allah Nipmot mighumbou di Allah win hanyen leu nimai eisi leu binhyepo Noni bon ninyeng biya bibie mem mun nyeng hagom ri.

TIMOTIUS GI NIGOM 3:15

leu binhyepo gino dibinyen lene srat bokti dini mipingok angonti tut notou nye di mbusyamei igyai kep ide midyai nya. Nyeni ne Allah Di Niyaijo Nide bat nya ri. Allah de mbusyamei rinok cou di sindem tut nihyet di nijit ba, nyohou nihyet dima cem.

TIMOTIUS GI NIGOM 3:5

Leu gino noni nyohou bie tut nide ig bei nsi nya kan bi ne notou noni nyohou bie tut Allah de mbusyamei i?

IBRANI 12:28

Gima rino ma ipai sigyo bak Allah lewo Noni bindei ba, iba nyekep ninyeng tak kepti di bit bon ugwa-kwei kan bi. Ma inggei sut bittin tut Noni bipai sigyo biNoni tug hon nisinati di bindei ba, joi sut nye.

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”

NINGAT-HI-NGAT NYA 21:14

Ngug dima bon nikiou di nok hak nindig bibor nindak simnaibrimigcan ba, yo di igya kui Domba Pmot inyeng jo kin nikiou dima yok.