MATIUS 15:4 - ALLAH NIHYET MEM TUNGWATU NYA

⁴ Lewo Allah pai binye ‘Ma jibou cut bak jicig jipmem nya bijibit ighyet.’ Gima cem pai binye ‘No di sigion nicig nipmem lene suar jikes hukum nimai ei noni dip.’

MATIUS 15:4 ပူးပေါင်းရင်းမြစ်များ

NEHEI LEUSI 20:12

Ma jibou cut bak jicig bat-jipmem bat nya bijibit ighyet. Leu binhyepo mijibong kei mijigwam kei mem nijam di jei ei minu di dindo ei mem je tu.

NEHEI LEUSI 21:17

Tungwa tou rino sriman nicig nipmem nya lene je di nindigsi jikes hukum nimai ei noni dip.

NIPINGOK NINGONTI 20:20

Gino ahyet wer mpiahi tut acig bat-apmem bat nya ne ayaijo mingwig hon nohonti dem kep nok njeng mbrei di mu ba, piga digai nidinditi bu bi.

NIPINGOK NINGONTI 23:22

Ma abit acig nihyet. Leu gino abon acig bi lene bit bon nani cem angat rin bi. Gino apmem wer sindig-ndau lene ma abon mun di bindo bipia angon ngakei noni.

NIPINGOK NINGONTI 30:17

Gino tungwagom nihyet wer mpiahi tut nicig-nipmem nya di inghim koi su lene ma tungwatu nya injei noni ug ei nisai leu binhyepo mini wou nya ipuk niyai njep leu ba, hacam krubri nya ipuk ningut nok ide mun di igyem.

YESAYA 8:20

Noro ma jibuhup biyok, “Ma jimiap kep tuhan nipingok jeti! Yo di ipai mun tunggwei sut nipingok jeti dima ibon ide mun di igyok ingon mem hi bi.”

IMAM NYA IDE MIDYAI 19:3

Suar jeni bikwop tungwagom-gom kuk no bak nicig bat nipmem bat nya bibit ighyet. Suar jikes tut Njap Nigwam Kep Ninghuisi ei mem Da bit leu nok dicuk jeti tu. Dani ne tuhan bidinok jide Allah ri.

IMAM NYA IDE MIDYAI 20:9

Lene tuhan yai nicukti dini biyok, “No di sigion nicig nipmem lene suar jikes hukum nimai ei noni dip. Noni mai drek dip nonti niyai mun tunggweisi dima.

MATIUS 15:3

Yesus buhup “Nggon rino jipigau Allah Nihyet leu api jibit jidigup bat-jidigai bat nya ide ningginausi i?

MATIUS 15:5

Noro jingginau tungwatu nya bipia gino hi nyeng tut mun di binyohou nicig nipmem nya lo, pai biyok ‘Diyai mun di dinyeng tut dima nok nimui bak Allah leu su.’

MATIUS 19:19

Ma akuk na ba, anyohou acig apmem nya ba, angon ngakei yo di hiter bit leu nok angon ngakei nanti.”

MATIUS 4:10

Noro Yesus pai bu “Bilis e, aug leu Da hak ug. Lewo Allah Nihyet pai bipia ma jikuk je bak jide Allah ba, jibit Nongkom hak.”

ROMA 3:31

Gini ndo bipia ide niba ningon com Kristusti com Puig Yahudi nicukti nya bihigom e? Nok bi! Noro iba ide niba ningon com Kristusti bahati tut nicukti dima.

EFESUS 6:1

Munggwom jen! Ma jibit jicig bat-jipmem bat nya ighyet noyam kin munggwom di ingon jo kep Tuhan lewo gini igbit ri.

NINDAT KEP TUHAN NICUKTI NYA 27:16

‘Ma tuhan sigion No di kon nicig kin nipmem inyeng bi bisindui sut yok ba, iwer nikinei-kinau.’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 5:16

Ma jikon jicig bat-jipmem bat nya inyeng ba, jinyohou yok. Gini ne jide tuhan Allah nicuk jeti rin leu binhyepo jibong kei jigwam kei ba, jide njap jei ei minu di midikwas tut je.