MATIUS 15:32 - ALLAH NIHYET MEM TUNGWATU NYA

³² Lene Yesus hig yo di igya kui Noni kwei bipai biyok “Dingondut tungwatu ningot ndig dini lewo igwam bit Da mem njap ningai ba, njita ngwig leu yok tu. Dipi bidicuk yok bingkwei hanyen ug ei ide ig lo, inghop ngwak apino imai inggum hapuig ri.”

MATIUS 15:32 ပူးပေါင်းရင်းမြစ်များ

NIBOU NDIG NYA GI NICAN 4:42

Mpe di gom bu lene pinai gom jo leu Baal-Salisa bittei gandum ningat di sindi ikos leu miaisi kin roti nindak nyatungwagom di iba gandum ngat di ikos nimbie him ngat ei ari bingwam dima bikwei yai bak Elisa. Lene Elisa cuk nide awak bikwas roti nindak dima hagom tut nabi dima yok.

MATIUS 12:40

Yunus bong ei wau ndig ninghopti mem mmun-njap ningai. Nok gima cem tut Munggwom Tungwatu Nipmot. Noni mibong ei dihyei jou mem mmun-njap ningai.

MATIUS 14:13

Tirigi Yesus miap tut Yohanes nimaisi rino Noni bri ut bikes mpia ttou nsi dima leu buug ei mpia ttou nsi hiter di nok ha ngunti biNongkom. Noro tungwatu ningot ndig ikan tut nimbutti lene induk yam leu ide minu ndig nya ba, imbut sir mam bijop bram Noni.

MATIUS 15:33

Lene yo di igya kui Noni ihig ser “Ninggok njita ei hantou bibitri tungwatu ningot ndig dini ei ha ngunti dini i?”

MATIUS 20:34

Yesus ngondut yok bingget igyai njep. Tirigi Noni ngget igyai njep rino igyai da leu api ibit Noni.

MATIUS 27:63

bipai binoni “Andigpoi e, nikan kep bipia tirigi niris mun cig pima niyaisi jo yo ne pai bak tungwatu nya ‘Njap ningai bu ne mporo dikiju hanyen leu dimai eisi.’

MATIUS 9:36

Noni mian ser tungwatu di inggreu bibor nya bingondut yok nindig bibor lewo inok domba nya di ibou ngwak sibui ba, inghuisi jet cem lewo ibon ide gembala bi.

MARKUS 9:22

Ninnei rom njei noni ug ei humti kin minyeiti ninyen leu binhyepo yai nimai binoni. Gino asindem mem gima ampu nye lene ma angondut nye ba, ampu nye o!”

LUKAS 7:13

Tirigi Yesus ngat kibom dima lene ngondut noni bipai bak “Sindig e, ma ayai nggwei kibor au!”

KISAH 27:33

Paulus ba mmun ngwa kin bipingok yo di kibar nsi nya yahagom leu binhyepo igyem njita bipai biyok “Jibet jingon kikau mem mmun-njap simnaibrimigtai bijiyem njita hi bi.

IBRANI 4:15

Ide Imam Nibou Ndig di ninyeng jei ningon dorti tut nye di inghuisi wei lewo Noni ba nibou coi mem mun nyeng di bingon Noni hagom noyam kin nyeni noro bon sisar drek dip bi.