MATIUS 15:19 - ALLAH NIHYET MEM TUNGWATU NYA

¹⁹ Lewo nihwen mun kin nicut tut hi nitnem kin nicut tut yam kin ninggimang mun kin niris yam kin nikucang yam hagom ntun ningon him.

MATIUS 15:19 ပူးပေါင်းရင်းမြစ်များ

NITRITI 6:5

Tirigi tuhan ngat lo, tungwatu dihyeisi dini yahagom imbuk bibor ba, ingon kanti titut yam kinei bibor kikau lene,

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

MAZMUR 119:113

Dingon mpo tut yo di ingon gom tut Na bi nya noro dingon ngakei Ade niggai serti nya.

NIPINGOK NINGONTI 22:15

Munggwom nya ibon kep mun ningon mbum de ngan-ngan bijo. Noro iba biap tindak bingginau yok bibijji igyai kepti leu yok.

NIPINGOK NINGONTI 24:9

No di ningon tindur ningon kanti di tin ei nya bindei ba, sisar ntun him. Tungwatu nya ingon mpo tut no di ba nihyet bicig yok.

NIPINGOK NINGONTI 4:23

Ma anyohou ya ser angonti lewo angonti rino bindo tut puig di ayaijoti mbut kak.

NIPINGOK NINGONTI 6:14

ibou ngwakti di mpiei mpung tut nitin ei ningon kanti di kinei di bindei ba, niba nitok biyamti jo bidem ug.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YESAYA 59:7

Jitin ei jingonti tut mun di kinei bijo-jo yam dip kikau leu api jingon ya mem nituti di jibindei mbut jingon kanti dima haninyai. Jihig jingon ei yo di ingon ngun nyati bi noro jiyai nimai biyok hak. Ninggekti kin nibindei sarti jo bidem jimbutti nya hagom.

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

MBEN ISRAEL IMBUT-MBUT NYEN 22:29

Lene Bileam buhup “Dibui na lewo aba da bikek! Gino dipwoi ditde simeda kwei lene midiyai nimai bina hak ug.”

MATIUS 15:20

Mun dima yok bindei ba, map kui yokti. Noro tut gi iba inda di ipiap haigtu bi bigyem njita ne gima bindei ba, map kui yokti bi.”

MATIUS 5:28

Noro tini bu ne dipai bije bipia no di ningon pri kep sop hi ba, ningon bisau sut gima cut tut noni lene no dima bon sisar nicut tut sopti ei ningonti ba, ningon mui su.

MATIUS 9:4

Noro Yesus kan tut ingon kanti leu api hig singgre yok “Jikan-kan nyen mun di mbuk ei jingonti leu binggon i?

KISAH 8:22

Gima rino ma attin ser angon kanti di kinei dima leu ba, angat nadi bak Allah leu binhyepo Noni kos ser angon kanti di kinei dima hak ug!

ROMA 7:18

Dikan tut bipia mun di kei nyeng hi ningat rin ei dingonti kin dingut kanti di ntun dihyeisi dini himti bi. Mbro nok gino dingon kanti di kei bibor ntun dingon him lo, bit bon diyai dibou tut kan bi.