MATIUS 14:9 - ALLAH NIHYET MEM TUNGWATU NYA

⁹ Herodes miap nibuhupti dima lene ningon ngkwei leu nipreu eisi noro gi mbun noni luei ningonti tut kan bi. Lewo noni preu ei bak misop dima ei nisut bat nya yahagom yoho bei tu. Gima rino noni kos tut bipia miyai igbit misop dima nibuhupti.

MATIUS 14:9 ပူးပေါင်းရင်းမြစ်များ

NIBA NINGON SRIP HUKTI 5:2

Ningon bos-bos nyenti bindei ba, nimumpriem kineisi cem kum eisi bibor. Niji ngganti bindei ba, nihyet di tibim kwei leu ade ningon mbumti cem kum eisi bibor.

YEREMIA 44:25

tuhan Di Sindem Bibor di Allah Israel pai “Jiya tut jitnem bat nya ba, jiba neheng bipreu ei mem Nibou Ndig Sop Gwamti bipia mijibon midut nindig mindhe-ndhe ei humti ba, jikiber ba anggur ngei ei noho bei nok mun di jibikuk je bak noni cem. Lene jiyai bipek kep jipreu eisi dima tu. Gima rino nnaba jiyai mun bipek kep jide nipreu ei mem noti tu dima hak ug!

MATIUS 14:1

Mpe dima lene Yesus ninghapti tibim ug ei Herodes di ninyeng tak kep hanjop Galilea nitingou nsi.

MATIUS 14:10

Gima rino cuk nide tentara nya biyuug ei ig bui nsi birop Yohanes nibou leu.

MATIUS 14:5

Herodes pi bikos Yohanes lo, noni digit tut mben Yahudi lewo ikan bipia Yohanes ne nabi ri.

MATIUS 14:8

Misop dima nipmem pingok ningonti leu binhyepo buhup bipai “Dijoi sut arop Yohanes di tur tungwatu nya ei minyeiti nibou leu lene attei nitibou ei srierti kwei bida nogindini hak ug.”

MARKUS 6:14

Mpe dima ne Yesus ninghapti tibim ug ei Nibou Ndig Herodes nitingou nsi lewo Yesus ninghapti tibim bidem hanjop dima nisurti-nipekti tu. Tungwatu nya bihi ipai “Yohanes di tur tungwatu nya ei minyeiti kiju hanyen leu nimai eisi tu! Gima rino noni yai nisindemti mem bibon mindur dima yok.”

MARKUS 6:20

lewo noni nyohou Yohanes ei ig bui nsi bidigit tut noni. Herodes kan bipia Yohanes ningon sren cem ningon kwes kin Allah cem. Noni joi sut ngig nitingou mem Yohanes nihyet lo, ningon ku nonti nindig bibor drek dip.

MARKUS 6:26

Herodes ningon ngkwei leu nipreu eisi dima. Noro gi mbun noni luei ningonti tut kan bi lewo nipreu bak misop dimati tibim ei nisut bat nya yahagom itingou nsi tu.

LUKAS 13:32

Yesus buhup “Ma juug pai bak nikinei-kinau dima ‘Njap di ammani kin njap di hyep bu dijji ninnei rom nya bidibindei ba, tungwatu nya ikei hanyen. Noro midibindei put Ditde midyai nya ei njap gi niningai.’

NIJAM NIKEI NYA 11:39

Tirigi bed can pima ngwig leu su lene nipmisop ngkwei hanyen leu api nicig yai igbit mun di preu ei bak tuhan pima. Gima rino misop dima mai tirigi gwam nitta pilei. Niyai munti dima ne midut di mben Israel ibon kikep ngan-ngan nimbie him rin apino,

NIJAM NIKEI NYA 21:1

Mpe di po mben Israel idem yam ei Mizpa pima lene ipreu ei bak tuhan bipia hi di leu ikieti misindui sut gima ndo nipmisop hi bak pinai Benyamin nok nitnem bi.

SAMUEL GI NIGOM 14:24

Njap dima ne tentara Israel yahagom inggum bibor lewo Saul cuk yok tug hon neheng bipai “No di yem njita nipou tirigi dihwen ditde siceu nya bingwig bigyo mitug ndei nisigion noti.” Gima rino nide tentara nya igyem njita hi ei njap jei dima bi.

SAMUEL GI NIGOM 14:28

Noro nisut gom pai binoni “Nyeni nahagom ninggum bibor ba, ninghuisi jet lewo acig heng ser nye bipia no di yem njita njap di ammani mitug ndei nisigion noti.”

SAMUEL GI NIGOM 25:22

Gino sigiyai nimai bak pinai di ingat rin ei sirima yahagom nipou tirigi mpia pri bigyo bi lene ma Allah yai nimai bisa hak ug.”

SAMUEL GI NIGOM 28:10

Noro Saul ba neheng bibuhup “Deheng bitug hon tuhan di niyaijo ninyeng bipia atug ndei hukum drek dip ayai munti dini bi.”