MATIUS 13:52 - ALLAH NIHYET MEM TUNGWATU NYA

⁵² Lene Yesus pai “Bikwop guru Puig Yahudi nicukti di coi bit Allah Ninyeng Tak Kepti rinok nibou ig bei gom di cat mun di nijep kin mun di nitimiei leu nide ig gudanti.”

MATIUS 13:52 ပူးပေါင်းရင်းမြစ်များ

EZRA 7:10

Ezra dimig nide njap ei mem gima kwop-kwop nyen tuhan de nicukti nya bibindei mbut nicukti dima cem ngginau yok tut cem leu nipou kwei bipek ammani kep tu.

EZRA 7:21

Ditri tut nicukti dini bak nibou kintror mitiei nibousi bidem hanjop Efrat-Ei-Mpia-Nikimbasti hagom leu binhyepo ibipbur ba, ikwas mitiei tut Imam Ezra di ningon ki tut Allah di ninyeng jei ei gwamti Nicukti nya dima bit leu nok nahara yok tutti.

EZRA 7:6

Mpe dima lene Ezra jo leu minu Babel bimbut ug ei minu ndig Yerusalem. Noni coi pikor wer ninno tu apino ningon ki ba, kan bidem tuhan di mben Israel ide Allah nicukti nya di tug hon Musa cem. Ezra kuk no bak tuhan apino Allah njei mun di kei bak noni bisindem tut noni nindig bibor. Gima rino nibou ndig Persia kwas mun di Ezra suar nya tut noni bit leu Ezra ningon kanti.

NIPINGOK NINGONTI 11:30

tuhan cuon no di ningon kwes kei niyaisi. No di ningon ki bindei ba, nindigsi nya induk yam bibit bong.

NIPINGOK NINGONTI 15:7

Yo di ingon ki nya imbrap bibit leu ide nintin kimboti noro yo di ingkek ndok nya igimbrap nok gima kan bi.

NIPINGOK NINGONTI 18:4

Nihyet di tibim ei tungwagom nuhui him dem kep nok ningon kiti nibousi bijut bibor noyam kin muk ngeisi ba, pimbai kei noyam kin minyei bousi cem.

DIUN MIMUN 7:13

Mpam ndum di ntun dui arak ninjem him nuui tun kei bikieng kep mpia. Ningat di nyop kei jo kui dimbou hui a. No di dingon ngakei e, dikes ningat di dipuk kwei nipou su kin gi sindi dipuk kwei yo cem keyam mem na.

MATIUS 12:35

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei.

MATIUS 13:51

Lene Yesus hig ser yok “Jimiap tu e?” Lene ibuhup “Andigpoi e, ningon dorti tu!”

MATIUS 13:53

Tirigi Yesus kes hon gi tri tut nihyet nibiti nindati tut ningginau yokti lene Noni jo leu mpia dima,

MATIUS 23:34

Gima rino ma jiyok ngon kep bipia midicuk nabi nya kin yo di ingon ki nya kin guru nya yahagom ndam je noro jikimukep bihi bijipek bihi ei biei salibti cem. Jimbas bihi ei jide ig mbusyameisi bijuhuk yok leu minu ttou nsi hi ug ei minu ttou nsi hi kin bu.

MATIUS 28:19

Gima rino ma je juug ba, jibindei tungwatu dihyeisi dini hagom bibit Da leu api jitur yok ei minyeiti tug hon ninyeng Nicig kin Nipmot kin Ninnei Gi Kwes.

LUKAS 11:49

Gima rino Allah Di Ningon Ki pai ‘Midicuk nabi nya kin yo di itri nihyet ndam yok noro mikimukep bihi lene mihwen bit bihi kin bu.’

YOHANES 13:34

Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam.

KORINTUS GI NICAN 6:10

Mbro nok gino mun-mun hi bindei ba, ningon buhun lo, ningon llei sutti ntun nye him kikau. Nuhui mbum tut mun di mipror yon noro nibindei ba, yo di hiter inyeng tut mun di jo gingga. Mbro nok gino tungwatu nya ikan bipia nimbun mun nyeng hi bi lo, ningat ne nimbun mun nyeng hagom.

EFESUS 3:4

Gino jikwop kep srat dini nitriti igbit lene mijikan tut notou dingon dorti tut Allah nimimun di Noni kos tut ei nipou su di Yesus bindei ba, pek kep mem tungwatu nya.)

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

KOLOSE 1:7

Epafras di nyeni ningon kieti tri tut Allah nisingat tut jeti bije ba, noni ne Kristus de awak di ba ningon di gom biyai kep midyai di bon ninyeng mem jeni cem ri.

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

TIMOTIUS GI NIGOM 3:6

Ma ata no di sindi nok no di Kresten nijep-jep binok nibou mbusyamei au. Leu gi nok ne ningon jei apino Allah misigion noni noyam kin Bilis di tug ndei nisigion noti.

TITUS 1:9

Ba, suar noni krau kep nihyet di Kristus ngginau nye tut di iba ingon com tu. Tug hon nisinati dima ne noni sindem mem gima ba ningginausi di nijit biwin kep yo di mbusyamei ingonti ba, brim ningkek kep yo di isrep tut nihyet ba, ndo mun di igyai tunggwei nya brei biyok.