MATIUS 13:35 - ALLAH NIHYET MEM TUNGWATU NYA

³⁵ Tug hon nisinati dima lene mun di tibim ei nabi nuhui him pek kep tu. Ba, nabi pai, “Diba nihyet nibiti nindati bingginau tungwatu nya. Dimbot kep tut mimun di jo nding habiei ei nimbie him kikau kwei bipek ammani kep.”

MATIUS 13:35 ပူးပေါင်းရင်းမြစ်များ

MAZMUR 49:4

Miditri tut mun di kwei leu dingon kiti. Midiba dibou ngwakti di kwes bikan-kan nyen.

MAZMUR 78:2

Dindat kep nihyet nipingok tungwatu nyati kin nihyet nibiti nindati ba, dibimbot kep mimun tut nijam gi nipou.

YESAYA 42:9

Nisinati di ditri tut nya hagom pek kep mem nye nogindia tu. Nogindini miditri tut mun di nijep-jau bu bije nipou tirigi kindi pek kep mem je bigyo.”

AMOS 3:7

tuhan Di Ninyeng Jei Bibor kinyon ei Nide midyaiti nipou tirigi Noni tri tut bak Nide awak di nabi nya bigyo bi sren.

MATIUS 13:14

Gima rino mun di tibim ei Nabi Yesaya nuhui him pek kep mem yok, ‘Allah pai bipia mbro nok gino ingig itingou mem dihyet lo, imiap bi ninno. Mbro nok gino imian ser lo, ingat bi ninno,

MATIUS 13:3

Lene Yesus ba nihyet nibiti nindati mang bibor bingginau yok. Noni pai, “Mpe di gom ne tungwagom ug ei nide miai ngwoisi bahap njita ngan.

MATIUS 25:34

Leu api Nibou Ndig dima mipai bak yo di igya kui ninda com ‘He je di Dicig singat tut jeni e, jikwei coi bit Allah Ninyeng Di Tak Kepti di Noni tin ei mem je habiei ei nimbie him tirigi Noni pai tes dihyeisi bitut mun di joti nya.

MATIUS 5:2

Noni sindi tri tut nihyet biyok,

LUKAS 10:14

Tirigi njap dem mem Allah kes hukum ei tungwatu nya dip lene ningon nggriu bibor tut timiei minu ndig Tirus kin Sidon nya dor njiriek jeni.

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

KISAH 15:18

lewo Noni tri tut mun dini yok habiei ei nimbie him.”

KORINTUS GI NIGOM 2:7

Noro ningon di ki di nijit-jau di dingginau je tut dima ne ningon di ki di kwei leu Allah ri. Ningon di ki di nijit-jau dima jo nding leu tungwatu nya igyai him. Nipou tirigi Allah pai tes dihyeisi dini bigyo ne Noni kos tut bipia ba ningon di ki di nijit-jau dima bipriet kin Nide nikei-kau-keisi.

EFESUS 3:5

Nipou ne hi mbot kep tut nimimun dima bak tungwatu nya bi. Noro tini bu ne Allah Ninnei mbot kep tut nimimun dima bak yo di igya kui Yesus kin Nide nabi nya.

EFESUS 3:9

Ditde midyai nya hi bu rinok gini. Dibindei ba, tungwatu nya ingon dorti tut notou nimimun di Allah tin ei nipou su mipek kep mem nye. Allah di pai tes mun nyeng hagom ku nimimun dima nyahan habiei ei nimbie him kikau kwei bipek ammani kep,

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 17:8

Mindhe di niten-pos di angat dima niyaijo nipou su noro niyaijo bu bi. Jei bi ne noni hei kwei leu ninnei rom nya ide jui nsi bidor ug ei nisar bihigomti. Tungwatu dihyeisi di inyeng jo ei srat niyaijoti habiei ei nimbie him tirigi po Allah pai tes dihyeisi dini bigyo bi nya inga leu tut noni. Lewo niyaijo nipou su noro tini bu ne niyaijo bi noro noni ttau hanyen kwei.