MATIUS 13:20 - ALLAH NIHYET MEM TUNGWATU NYA

²⁰ Njita ngan di cut ug ei tigsi di bon dihyei suti bi bindo tut yo di intu kep nihyet lene iba ingon di kei bingon jo kep.

MATIUS 13:20 ပူးပေါင်းရင်းမြစ်များ

NIBOHON MBEN ISRAEL GI NICAN 24:14

Tirigi midyai dima put leu su lene mindor nya ittei mas kin perak niken di jo nya ba, ikes bak nibou ndig kin Yoyada. Leu api iba mas kin perak dima bikinding nimbumbati di isuar nya ei tuhan De Ig. Nimbumbati dima mem gima ibibon midut nikuk no bak Allah kin midut nindig mindhe-ndhe titut kin den mem biei nggrai di ui-gwang kei kin bokor mien nya hagom. Tirigi Imam Yoyada niyaisi jo yo lene ibon midut nibui mindhe-ndhe bindig ei nimbar hum dokti ei tuhan De Ig.

NIBOHON MBEN ISRAEL GI NICAN 24:2

Ei nijam di Imam Yoyada niyaijo yo lene Yoas bon kep mun nyeng di bipwoi tuhan ningon kikau.

NIBOHON MBEN ISRAEL GI NICAN 24:6

Gima rino Yoas jem Imam Yoyada di nok mindor mem midyai dima bipai bak “Apo Musa di tuhan de awak cuk nide limwa nya yahagom leu binhyepo igo belasten mem gima ibahati tut tuhan De Prak Meng bi e? Nggon rino nogindini acuk Lewi nya leu binhyepo ibrim belasten leu limwa di ibong ei minu Yehuda kin minu ndig Yerusalem didiyam bi i?” (

YESAYA 58:2

Ikuk yok biDa bikwop njap ba, ingon bisau sut dingon kanti nya tereu nok igyai mun di igbit ba, ingon gom tut dicuk yokti nya cem. Ipai ei yuhui him bipia illei sut gi ikuk yok biDa ba, ijoi sut gi ditri tut dicukti nya biyok.”

MATIUS 13:19

Njita ngan di cut ug ei puigsi bindo tut yo di intu kep nihyet tut Allah Ninyeng Tak Kepti noro imiap ba, ingon dorti bi. Apino Bilis kwei pos nihyet di cut ug ei ingonti.

MATIUS 13:21

Noro nihyet com nigau ug ei ingonti bi apino ingon nddong bi. Tirigi mun di kinei cut igkep yok ba, hiter hwen bit yok drek dip nihyet lene jei bi ingkwei hanyen.

MATIUS 7:8

Lewo no di hara miyai ba, no di nggok ser hak mingat ba, no di puk dimbou hak lene dimbou mikau leu noni.

MARKUS 6:20

lewo noni nyohou Yohanes ei ig bui nsi bidigit tut noni. Herodes kan bipia Yohanes ningon sren cem ningon kwes kin Allah cem. Noni joi sut ngig nitingou mem Yohanes nihyet lo, ningon ku nonti nindig bibor drek dip.

YOHANES 5:35

Yohanes dima ne mini njeng di piga digai puig mem je rin lo, jijoi sut noni mem njap poi he.

KISAH 8:13

Simon cem ningon jo kep Nihyet Di Kei. Tirigi itur noni ei minyeiti leu lene noni bit-bit nyen Filipus binggap leu tut mindur kin bindo di noni bibon nya.