MATIUS 13:19 - ALLAH NIHYET MEM TUNGWATU NYA

¹⁹ Njita ngan di cut ug ei puigsi bindo tut yo di intu kep nihyet tut Allah Ninyeng Tak Kepti noro imiap ba, ingon dorti bi. Apino Bilis kwei pos nihyet di cut ug ei ingonti.

MATIUS 13:19 ပူးပေါင်းရင်းမြစ်များ

NIPINGOK NINGONTI 1:7

Gino tungwatu nya ijoi sut ningon kiti di nijit lene ma ikuk yok bak tuhan bittin tut Noni bibie ug e. Lewo yo di ingkek ndok nya irok ningon kiti ba, ikou sut gino hi ngginau yok.

NIPINGOK NINGONTI 17:16

No di ningon mbum tri mitiei bingwig ei nipek ningon kiti mikui-kausi lewo nibou ngwakti kwes bi.

YEHEZKIEL 31:18

Biei dima bindo tut nibou ndig minu Mesir bitut nide limwa nya. Biei di hei ei miai Eden hi gi jei bibor ba, kei-kau nok biei dima bi. Noro tini bu ne biei dima juk ug ei minu nimai nya ide noyam kin biei Eden nya bibicom yam bit yo di ikan tut Allah bi kin yo di ikrop ei pranti nya. Da di tuhan Di Dinyeng Jei Bibor disimbot dat tu.”

MATIUS 12:26

Nok gima cem tut ninnei rom di Bilis ninyeng tak kep yok nya. Gino ikwas yam ei nimpung can bikon pran bit yam lene bit bon Bilis ninyeng tak kepti jo kikau bi.

MATIUS 13:20

Njita ngan di cut ug ei tigsi di bon dihyei suti bi bindo tut yo di intu kep nihyet lene iba ingon di kei bingon jo kep.

MATIUS 13:38

Miai ngoi ne dihyeisi dini ri. Gandum nitu ne yo di icoi bit Allah Ninyeng Tak Kepti ri. Gandum sisron ne Bilis de limwa nya ri.

MATIUS 4:23

Yesus mbut nimig bidem hanjop Galilea hagom ba, ngginau mben Yahudi ei ide ig mbusyameisi bitri tut Nihyet Di Kei tut Allah Ninyeng Tak Kepti lene bindei ba, yo di inggwen ninyeng hagom ikei hanyen cem.

MATIUS 5:37

Ma jice hak ‘I’ he lene ma jikou hak ‘Bi’ he. Lewo mun di jibikum bu hagom kwei leu Bilis.”

MARKUS 4:15

Njita ngan di cut ei puigsi bindo tut yo di intu kep nihyet noro hammi tirigi intu kep nihyet rino Bilis kwei pos nihyet di cut ei ingonti.

LUKAS 10:9

Ma jibindei ba, yo di inggwen ei minu ndig dima ikei hanyen lene ma jitri tut biyok ‘Allah ninyeng tak kepti dideu kwei ei jikieti tu.’

LUKAS 9:2

Lene Noni pinak yok biyuug bindei yo di inggwen nya bikei hanyen. Lene itri tut Allah ninyeng tak kepti.

YOHANES 18:38

Pilatus hig ser Yesus “Mun mijit-jau dima rimindei i?” Lene Pilatus hei hanyen bipai bak mben Yahudi “Dimbus ningonti tu noro dikan tut Nide mun di yai tunggwei hi bi.

YOHANES 8:43

Nggon rino jingon dorti tut dihyet bi i? Jingon dorti bi lewo jingon tunggwei nihyet di tibim ei duhui him.

KISAH 17:32

Tirigi yo dima imiap Paulus tri tut tungwagom di kiju hanyen leu nimai eisi tu lene ibou poi ipa ndip noni lo, hiter ipai binoni “Ningon ya mem nituti tirigi akwei tri tut nihyet dini hanyen binye.”

KISAH 18:15

Noro jikon jihyet kep yam drek dip jihyet kin tungwatu inyeng nya kin jide niggai serti nya! Gima rino ma jenti jimbus yam ngonti tut gima yok hagom hak ug. Dimbus jingonti tut mun dima yok bi!”

KISAH 20:25

Disut bat jen, dikwei sut nihyet tut Allah ninyeng tak kepti ei jahagom jikieti tu. Noro dikan bipia mijingat diimaisi bou jiyai him bu bi sren.

KISAH 28:23

Gima rino Paulus kin yoni ipreu ei mem yam tut njap gom dima imbus yam ei. Tirigi tto bou dima dem lene imang bibor induk yam kwei ei nide ig bei. Ba, noni nyohou tri tut nihyet biyok bimbot kep tut Allah Ninyeng Tak Kepti biyok mem mpia nipriti kikau ug bipek mpia nicutti kep. Noni ba ayat di kus leu Puig Yahudi nicukti nya kin Nabi nya ide srat nya cem bipingok yok lene biyai ba, yoni ingon jo kep Yesus.

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 2:8

Noro tut nindigsi di ibon mun bit leu yonti ingon kanti bikou sut Allah nihyet leu binhyepo yuhuk bram mun di kinei ne Allah mikes hukum nindig bibor ei yok dip.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

TESALONIKA GI NICAN 2:12

Ningwigsi rino yo di iba yoho rok sisar kin yo di iba ingon com nihyet di nijit bi yahagom mitug ndei hukum.

IBRANI 2:1

Gima rino suar ikrau kep nihyet di nijit-jau di imiap tu leu binhyepo ingkwei leu ba, israwir au.

YOHANES GI NIGOM 3:12

Ma igyai bram Kain niyaisi au. Noni jem niceu bit Bilis bikimukep nikinjoi. Nggon rino Kain kimukep noni i? Lewo Kain yai mun tunggwei noro nikinjoi yai mun igbit.

YOHANES GI NIGOM 5:18

Ingon dorti tut bipia Allah nimunggwom bat nya ibon kep sisar bi lewo Allah Nipmot nyohou yok ba, bit bon No Di Ba Nitok Bak Allah ngget yok kan bi.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.