MATIUS 13:15 - ALLAH NIHYET MEM TUNGWATU NYA

¹⁵ lewo ingon tindak ser ba, idat kep itingou ser lene imut igyai leu cem tu. Gi bi lene igyai piga ba, itingou tu cem lene ingon dorti hanyen apino ittin ser ide sisar bikiek ndam Da leu binhyepo dibindei ba, ikei hanyen.’ ”

MATIUS 13:15 ပူးပေါင်းရင်းမြစ်များ

MAZMUR 119:70

Yo dima ingon huk niti bi. Noro Ade nikos tutti nya biyai dingon di kei.

NIPINGOK NINGONTI 16:30

Ma atindei ser no di humpo bikek niyai lewo noni kos dat mun di kinei ei ningonti tu.

YESAYA 44:20

Niyai munti dima dem kep nok no di yem kep atriem ndung. Ningon kanti di mbum bibor dima ris noni apino bit bon hi mpu noni kan bi. Ningkek ndok ser leu ba, ningon gi dorti tut bipia kwar di noni krau ei nindati dima ne kwar rin bi noro mun di biris noni ug ei nikineisi.

YESAYA 57:18

Dingat igyai munti nya tu noro midibindei ba, ikei hanyen. Midikrau inda bidicen yok cem. Dibimpu yok bidigwam ser yo di ingon ngguk nya ingon cem.

YESAYA 6:10

Noni pai bida “Ma abindei ba, yo dini ingkek ndok cem idat kep itingou cem imut igyai cem ser nhyema iba igyai ngat mungkun cem iba itingou miap mungkun cem iba ingon bisrip huk cem leu api ingkwei hanyen ndam Da bidibindei ba, ikei hanyen cem au.”

YEREMIA 17:14

tuhan e, ma angget da leu binhyepo dikei hanyen. Ateu da bidingwes ngun. Dikon Nangkom he anyeng bijo nai!

YEREMIA 17:9

Tou riningon dorti tut mun di jo ningon bei i? Ningon ki tut niris mun igkeisi dor njiriek mun nyeng hagom ba, ninggwenti buhun bibor.

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YEREMIA 33:6

Noro ei nidipti bu lene dibindei minu ndig dini kin timiei nya bikei hanyen nok gi nipou pima bu. Yoni migyai nisindemti hanyen bu. Midibindei ba, nibong kei nigwam keisi kin ningon jo nyahanti kieng kep idihyei hanyen.

HOSEA 14:4

Bit bon tentara Asyur iteu nye biningwes ngun kan bi. Bit bon kuda pran cem mpu nye kan bi. Nipai bak kwar di nibon bou ninda him nya bipia inok nyende Allah rin bu bi sren. Na di tuhan e, angondut yo dino tungwatu hiter impu yok bi nya.”

ZAKHARIA 7:11

Noro Ditde limwa nya ingkek ndok ba, idat kep itingou ser leu ba, igimiap dihyet bi.

MALEAKHI 4:2

Noro Ditde nisindemti di teu je mitau kep je nok mpia nipriti ba, nimbai di nok mpia nimbai mibindei ba, jikei hanyen. Jiyati kwes bijingon nggan-triot dem kep sapi pmot di sindi hei leu sar nsi.

MARKUS 4:12

Leu binhyepo, ‘Mbro nok gino imian ser ninno lo, ingon dorti bi. Mbro nok gino ingig itingou mem nihyet ninno lo, imiap bi. Mun dini pek kep mem yok ser nhyema iba igyai bingat mungkun cem, iba ingon bisrip huk cem leu api ingkwei hanyen ndam Da bidibindei ba, ikei hanyen bidikos ser ide sisar cem au.’ ”

LUKAS 19:42

bipai “Ndina! Gi kei rino njap di ammani jingon hukti tut mun di biyai jingon di kwes kin Allah! Noro nogindini mun dima jo nding leu jiyai him!

KISAH 28:27

Lewo mben dini ingkek ndok ser bidat kep itingou ser ba, imut igyai cem leu su. Mun dini cut igkep yok ser nhyema iba igyai bingat mungkun ba, iba itingou bimiap mungkun ba, iba ingon di bisrip huk bikwei hanyen ndam Da leu binhyepo dibindei ba, ikei hanyen cem au.’ ”

KISAH 3:19

Gima rino disut bat jen, ma jittin ser jide sisar bijikwei hanyen ndam Allah leu binhyepo Noni ciu ser jide sisar.

KISAH 7:57

Nikei Puig Yahudi Nya iba ighyet nindig bibor bimbrua kep noni bidat kep ser itingou leu lene yahagom ikiju igkep noni,

2 TIMOTIUS GI NICAN 4:4

Apino itingou ndok ser nihyet di nijit lo, itingou dile mem mumpui hyet he.

IBRANI 5:11

Suar nipingok jingonti bu tut Yesus di ninyeng Imam Nibou Ndig noro nggruk bibor lewo jingon hukti tut bi.

NINGAT-HI-NGAT NYA 22:2

bibiam kak simpak ninggimau ei minu ndig dima. Biei di biyai niyaijo cem hei ei minyei dima nite hi nite hi ba, ngat ningat bikwop beda. Nok ari bingwam nitindur gom lene biei dima ngat ningat mbisimnaibrimigcan ba, nimeng cem nok obat mem tungwatu dihyeisi dini hagom.