MATIUS 13:11 - ALLAH NIHYET MEM TUNGWATU NYA

¹¹ Noni buhup “Allah mbot kep mimun tut Ninyeng Tak Kepti bije tu noro Noni mbot kep mimun dima bak yo di hiter bi.

MATIUS 13:11 ပူးပေါင်းရင်းမြစ်များ

MAZMUR 25:14

tuhan ne yo di ingon gom nya isut rin bimbot kep tut ningon kanti biyok.

YESAYA 29:10

tuhan bindei bijiiman ba, jibong mai. Noni tak kep ser nabi nya igyai binggai kep yo di ingat ningat-hi-ngat iimaisi cem.

YESAYA 29:11

Noni mibindei ba, jingon dorti tut bikwop nabi de ningat-hi-ngat bi bijo nding leu je dem kep srat di iba lem bikrau ser. Gino jindo srat dima bak tungwagom di niyai tot srat bokti kan leu binhyepo noni mbot kep nibokti dima bije lene noni mipai bipia dem mem gima dikwop gini bije bi. Lewo iba lem srat dima ser tu.

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

MATIUS 13:10

Lene yo di igya kui Yesus ikwei hig ser Noni “Nggon rino aba nihyet nibiti nindati bingginau yok i?”

MATIUS 16:17

Yesus buhup “Simon di Yona nipmot e, angon nggei-hi-nggei lewo mun di nijit-jau di tibim leu ahui him dima ne tungwatu nya ipingok na tut bi noro Dicig ei gwamti pingok angonti tut.

MATIUS 19:11

Yesus buhup “Tungwatu nya yahagom mibit jipaisi dima kan bi noro yo di Allah dimig yok ei mem nya he.

MATIUS 20:23

Yesus pai biyok “Igbit ri. Jidut ei gi mokti di didut eisi. Noro tut yo di igwam kui dinda com kin dinda prak ne bit bon dindo yok bi lewo Dicig jem gumihyep dima bou No mem yo di inyeng jo niti he.”

MARKUS 10:40

Noro tut yo di igwam kui dinda com kin dinda prak ne bit bon dindo yok bi lewo Dicig jem gumihyep dima bou No mem yo di inyeng jo niti he.”

MARKUS 4:11

Gima rino Noni buhup “Allah mbot kep mimun tut Ninyeng Tak Kepti bije noro mbot kep mimun dima bak yo di igwam Nonti ninghim tug hon nihyet nibiti nindati he.

LUKAS 8:10

Noni buhup “Allah mbot kep mimun tut ninyeng tak kepti bije noro mbot kep mimun dima bak nindigsi tug hon nihyet nibiti nindati he. Leu binhyepo mbro nok gino imian ser lo, ingat bi ba, mbro nok gino ingig itingou mem nihyet lo, imiap bi.”

YOHANES 6:65

Lene Noni binut nihyet bu bipai “Gima ripo dipai bije bipia gino Dicig buwak tungwagom kwei binggre kin Da bi lene bit bon no dima bit Da kan bi.”

YOHANES 7:17

No di joi sut gima yai igbit Allah ningon kanti kan tut bipia Ditde ningginausi kwei leu Allah e, he kwei leu dingon kanti he e?

KISAH 16:14

Lidia di sop gom leu minu ndig Tiatira no rima bintu kep nihyet di nitri tut biyok. Sop dini tri minyas nghei nta di nibok kui bipek mitiei ba, kuk no kikep bak Allah cem. Tuhan bindei ba, Lidia ningon llei sut Paulus nihyet leu api ningon jo kep.

ROMA 11:25

Disut bat jen, ma jikan kep bipia jingon ki bijikan bidem mun nyeng hagom au. Lewo Allah De mimun nyeng gom no rinaha lo, tungwatu nya ikan tut bi. Noro handei kon ba, jikan tut Nide mimun dima. Mben Israel bihi ingkek ndok noro ide ningkek ndokti dima jo kikau bi. Noro mijo nijoti nok bibou ngkiai nya di mitti kin Allah imangti dem ug e.

ROMA 16:25

Ma inggei sut Allah! Noni bon nisindemti mem gima sindem tut je leu binhyepo jiba jingon com Noni bibor. Gi dipai dini bicim tindei Nihyet Di Kei di ditri tut Yesus Kristus. Nihyet di ditri tut bicim tindei mimun nyeng gom di Allah mbot kep tut. Ingon dorti tut mimun di jo nding leu tungwatu mem nijam di mimbrek ngan dima bi.

KORINTUS GI NIGOM 13:2

Mbro nok gino ditri tut Allah nihyet cem dingon ki cem dingon dor mimunti kin nimbot kepti nya hagom cem diba dingon com Allah nindig bibor bidibindei ba, nungug ttou son leu niyati cem lo, gino dingon ngakei tungwatu nya bi lene dibon dinyeng bi!

KORINTUS GI NIGOM 15:51

Ma jiyok ngon kep mimun dini. Yahagom mimai bi noro Allah miluei yahagom itta.

KORINTUS GI NIGOM 2:14

Bit bon no di yai Allah Ninnei ei ningonti bi dima yai mun di kei nya di kwei leu Allah Ninnei kan bi. Lewo ningon dorti tut bi ba, mun di kei dima bon ninyeng mem noni bi. Bit bon noni kan tut mun di kei nya nibok kan bi bibou noni yai Allah Ninnei ei ningonti nipou ug e.

KORINTUS GI NIGOM 2:7

Noro ningon di ki di nijit-jau di dingginau je tut dima ne ningon di ki di kwei leu Allah ri. Ningon di ki di nijit-jau dima jo nding leu tungwatu nya igyai him. Nipou tirigi Allah pai tes dihyeisi dini bigyo ne Noni kos tut bipia ba ningon di ki di nijit-jau dima bipriet kin Nide nikei-kau-keisi.

KORINTUS GI NIGOM 4:1

Ma jiba jingon bisrip huk tut nye bipia ninok awak mem Kristus. Allah ba ningon com nye tut Nide ningon kanti di tungwatu dihyeisi dini ikan tut bi.

KORINTUS GI NIGOM 4:7

Tou ribindei ba, jinyeng jei dor njiriek leu nindigsi nya i? Mun di jima nya hagom kwei leu Allah! Leu gima ne nggon rino jingon jei sut jenti tereu nok gino jimati nya hagom kwei leu Allah bi i?

EFESUS 1:18

Handei kon ba, Allah bindei ba, jintin kimbou ba, Nide nipigati piga digai jingonti leu binhyepo jingon dorti tut mun di jiba jingon com Noni tut tirigi Noni dimig je bijiyok jingon mem mun di kei bibor nya di Allah preu ei mem Nide limwa nya ba,

EFESUS 1:9

Allah yai midyai bibit leu Nonti ningon kanti. Gima rino Noni mbot kep tut nimimun di Noni tin ei nipou su binye. Allah kos tut nipou su bipia ningon kanti mipek kep mem tungwatu nya tug hon Kristus.

EFESUS 5:32

Nipas kepti dini mbot kep tut nimimun di jut bibor lo, dikan tut bipia bitut Kristus kin mbusyamei.

EFESUS 6:19

Ma jingat nadi tindei dani cem leu binhyepo Allah pingok dingonti tut nihyet di tot ingonti ba, dibibrim dingkek kep tungwatu nya ba, dibimbot kep nimimun tut Nihyet Di Kei.

KOLOSE 2:2

Diyai kep midyai dima leu binhyepo dibiwin kep ingonti bidibindei ba, yahagom ingondut yam ba, inok gom cem. Tug hon nisinati dima ne yahagom ingon bit Allah nimimun bingon dorti tut lene ingon ngkiem tut. Nimimun dima ne Kristus Nonti ri.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

TIMOTIUS GI NIGOM 3:9

Suar iba ingon mien di kwes kei bikrau kep Allah nicuk nyeti di nijit di Noni ndo binye tu hagom.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YOHANES GI NIGOM 2:20

Noro jiyai Allah Ninnei di Yesus Kristus kes nyahan ei jingonti tu gima rino jahagom jingon dorti tut nihyet di nijit.

YOHANES GI NIGOM 2:27

Noro tut jenti ne Kristus kes Allah Ninnei nyahan ei jingonti tu ba, jisuar hiter mem gima pingok jingonti tut mun nyeng hi kin bi. Allah Ninnei ne nijit rin bipingok jingonti tut mun nyeng hagom. Nibicumti srig Nide nipingokti dima bi sren. Gima rino ma jibit Allah Ninnei nipingok jeti ba, jiyaijo nok gom kin Kristus.