MATIUS 12:35 - ALLAH NIHYET MEM TUNGWATU NYA

³⁵ Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei.

MATIUS 12:35 ပူးပေါင်းရင်းမြစ်များ

AYUB 8:10

Noro ma amiap kep ndigpoi di ingon ki nya ighyet di ipai kep nipou nya. Ide ningginausi pai bina,

NIPINGOK NINGONTI 12:6

No di sibut nihyet biyai nimai bak hiter. Noro no di ningon sren nihyet biteu tungwatu ba, ingwes ngun.

NIPINGOK NINGONTI 15:23

Nihyet di tibim ei nuhui him cut igbit nicunti mibindei ba, ingon llei bibor.

NIPINGOK NINGONTI 15:28

Yo di ingon kwes kei nya ikan-kan nyen nipou tirigi ibuhup ighyet bigyo noro yo di isibut nya iba ighyet di bindei ba, mun di buhun bibor srou yonti drek dip ibuhup haninyai.

NIPINGOK NINGONTI 15:4

Nihyet di nem-nnai biwin kep tungwatu nya ingonti noro nihyet di singga bindei ba, ingon nghen.

MATIUS 12:34

Je di jintun wou piet him e, bit bon jihyet di kei tibim kwei leu jingon di rom him kan bi. Lewo nihyet di tibim ei tungwatu nya yuhui him hagom kwei leu mun di ingon mpung tut.

MATIUS 13:52

Lene Yesus pai “Bikwop guru Puig Yahudi nicukti di coi bit Allah Ninyeng Tak Kepti rinok nibou ig bei gom di cat mun di nijep kin mun di nitimiei leu nide ig gudanti.”

MATIUS 7:17

Biei ngat di nggwop kei ntun biei di kei him. Biei ngat di kinei ntun biei di kinei him.

LUKAS 6:45

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei. Mun di tibim ei tungwatu nya yuhui him hagom kwei leu mun di ingon mpung tut.”

EFESUS 4:29

Gino jimbrap bit yam lene ma jiba jihyet di kinei bimbrap bit yam au. Noro ma jiba jingon di nggriu sut yam bimbrap bit yam leu binhyepo jibiwin kep yam ngonti bijibimpu yam. Tug hon nisinati dima ne jihyet misindem tut yo di imiap kep nya.

KOLOSE 3:16

Ma Kristus nihyet di mpung tut mun di kei nya yai jingon bidut nihim. Ma jiba jingon di ki bipingok yam lene bingginau yam ngonti. Ma jikon doia kin mazmur nya ba, jibipai sigyo bak Allah ei jingonti.

KOLOSE 4:6

Ma jiba nihyet di nggriu-nggrop di brim yo di imiap jihyet ingonti bitri nihyet. Ma jitindei ser yo di ihig-hig nyen ser je tut ingon kiowiti leu binhyepo jibuhup igbit biyok.