MATIUS 12:34 - ALLAH NIHYET MEM TUNGWATU NYA

³⁴ Je di jintun wou piet him e, bit bon jihyet di kei tibim kwei leu jingon di rom him kan bi. Lewo nihyet di tibim ei tungwatu nya yuhui him hagom kwei leu mun di ingon mpung tut.

MATIUS 12:34 ပူးပေါင်းရင်းမြစ်များ

MAZMUR 53:1

Doia nibingginau di Daud pai bit leu doia Mahalat mem no di bie tut doia nimpung.

MAZMUR 64:3

Anyohou da leu yo di isibut di igyok ingon gom mem da bibon mun di kinei bida kin yo di isibut di inggreu ser da ba, iris mun ei dati nya.

MAZMUR 64:5

Iku yonti bikos dik ser simpak lene iba ighyet di nok tibor ninggwenti biprindei da. Ittin tut gi ipai yo di igyai mun tunggwei bi nya kinei cem bi.

NIPINGOK NINGONTI 16:23

Yo di ingon ki nya ikan-kan nyen nipou tirigi yahap iji bigyo leu api mun di tibim ei yuhug him tot tungwatu nya ingonti.

NIPINGOK NINGONTI 4:23

Ma anyohou ya ser angonti lewo angonti rino bindo tut puig di ayaijoti mbut kak.

YESAYA 32:6

No di ningkek ndok nuhui buwei ba, kos dat mun di mbuk bibor cem. Noni ba niyai munti kin nihyet binim kep Allah bikwas njita tut yo di inggum bitau ndia ngei bak yo di inggobiau bi sren.

YESAYA 59:14

Nibison Ade nikos tutti nya ug ei puig nghas ba, nibindei ningon srenti jo ting leu su. Nikiek ningha bak nikei nikos tutti di igbit ba, nison nijit-jausi ug ei puig nghas tu.

YESAYA 59:4

Jittei jide munhyet bijiya ei nikei noho bei lene jibipai kep hiter mikui-kausi. Nisren-srausi tti kin je bi. Jisuglai mun ba, jiba jingon com mun di ugwai-gwai he. Jitin ei jingon kanti mem gima jipai kep hiter ba, jibibon mun di kinei.

YESAYA 9:17

Mben dima ide nibon mun kineisi yem mpia bidem kep hum di yem war nggig-nggwenti. Ninjeng dem kep hum di yem bahamti di nimmup kui di brou pimo.

MATIUS 12:35

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei.

MATIUS 15:18

Noro nihyet di tibim ei tungwagom nuhui him kwei leu ningonti lene gima bindei ba, map kui noniti.

MATIUS 23:33

Jinok wou nya bijintun wou piet nya him! Notou jingwes ngun leu hukum di micut igkep je ei hum njengti i?

MATIUS 3:7

Tirigi Yohanes ngat Farisi nya kin Saduki nya imang bibor di induk yam kwei mem gima noni tur yok ei minyeiti lene noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

LUKAS 3:7

Tungwatu nya imang bibor ikwei ngat Yohanes ba, ijoi sut gima igyai nitur yok ei minyeiti. Noni pai kep yok “Je di jintun wou piet him e, tou risok kep je leu binhyepo jingwes ngun leu hukum di Allah mikes ei je dip i?

LUKAS 6:45

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei. Mun di tibim ei tungwatu nya yuhui him hagom kwei leu mun di ingon mpung tut.”

YOHANES 8:44

Bilis ne jicig rin ba, jiyai midyai bit leu jicig ningon kanti. Noni ne nihwen mun cig rin habiei leu nimbie him. Noni tti kin Allah nihyet di nijit-jau bi sren lewo nijit-jausi ninyeng gom jo ei ningonti bi. Tirigi noni ris kep tungwatu nya lene gima yai bram nonti niyai kepti lewo noni ne niris kep mun cig kin nibousi mem niris yamti hagom ri.

EFESUS 4:29

Gino jimbrap bit yam lene ma jiba jihyet di kinei bimbrap bit yam au. Noro ma jiba jingon di nggriu sut yam bimbrap bit yam leu binhyepo jibiwin kep yam ngonti bijibimpu yam. Tug hon nisinati dima ne jihyet misindem tut yo di imiap kep nya.

EFESUS 5:4

Ma jikucang tungwatu nya ba, jipai nihyet krarti ba, jihyet tigut yam cem au. Noro ma jipai sigyo bak Allah.

YAKOBUS 3:2

Nyeni yahagom igyai mun tunggwei ninyen. Gino tungwagom yai mun tunggwei tug hon mun di tibim ei nuhui him bi lene no dima kei-kau lewo noni sindem mem gima om kep nonti njem titut yam.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

SAMUEL GI NIGOM 24:13

Ma tuhan mbus singonti leu binhyepo ndo igbit gi hi di bon mun tunggwei! Handei kon ba, Noni mibirop bak na di Andigpoi drek dip gi abibon da kinei lewo dimbuk tut na di Andigpoi poi mien cem bi.